سيارات هيثم والعجب وعلاء الدين تضاهي سيارات وزراء المالية ورئاسة الجمهورية

أنت انسان مخلوع ساي:confused: يعني شنو كامري

اللهم لا حسد انت انسان حاسد . بس الشئ الغايظك شنو عشان انت ما عندك سيارة زيهم
الحسووووووووووووووووود لا يسوووووووووووووود .

العجب و هيثم طمبل و علاء الدين يا ما أدخلوا الفرحة لجماهير الشعب السودانى و هم يستاهلون السيارات الكامرى أما من ذكرتهم من مسئولين ووزراء فهم لا يركبون فقط سيارات فارهة و انما يمتلكون القصور و الفلل و العمارات داخل و خارج السودان …. لاعبو كرة القدم مرفهون فى كل مكان اما المسئولين فهم موظفون لا يفترض ان تتجاوز امتيازاتهم حدود صفة الدولة غنية ام فقيرة … و لا يخفاكم ان دولة السودان هى من الدول الفقيرة و لا يستحق مسئوليها ان يمتطوا غير سيارة كارو خاصة و انهم اتو بأنقلاب و سطو .

كاتب الخبر !!مهنته صحفي اي انه يقتات من هذه المهنه .العجب هيثم علاء مهنتهم
لاعبي كره وايضا اكل عيشهم .ودا دخلب لاعب كرة القدم عادي جدا انو يكون عندو كامري .شوفو بصرف كم والله المفروض يركبوا طياره بس لكن حنو علي الشعب السوداني وما عايزين يغيظوا الناس

اما الوزراء مين الاداهم مرتب ومين الوظفم ولو فشلوا واصلا فاشلين بتقدر تحاسبم ؟؟؟؟
طبعا مستحيل
اسألأ بس كل واحد من اين لك هذا .تأكد عزيزي ستجد العجب وهيثم وطمبل اشرف ناس في اكل العيش الحلال .
اتفق معك فقط في المسميات والالقاب دي مافي ليها داعي لكن من حقهم يركبوا طياره
ولا تكتب بكفك غير شئ

يسرك في القيامة ان تراه

زي ما الناس ديل ماقصرو ركبوك سيارة آخر موديل انت كمان ما تقصر ورد ليهم جميلهم ده وجيب ليهم اهداف آخر موديل وياريت تكون على المستوى العالمي ———- رجلينك ولياقتك وتفكريك الصح هو راس مال الكرة السودانية الناجحه 😉

نعم الكرة هزيمة ونصر .. ولكن عندما يكون هناك أداء مقنع وجدية وهزيمة بشرف لكن صراحة مافى أى مسئولة لامن اللاعبين ولا المسئولين وابقدم شىء مايستاهل شىء .. هزيمة مرتين وفى بلدكم صراحة عيب عيب عــــــــــــــــــــيب عليكم

الله اداهم وان شاء الله يزيدهم انت حاسد وبس
الوزراء ما قدموا حاجه لكن اللعيبه بمتعونا احيانا

اللهم لا حسد هم مهزومين صاح لكن اموالهم من مجهودهم في الانديه المنتمين ليها ومن جمهور الكره .كان عليك ان يحساب الاتحاد والجهاز الفني العايزين يغلبوا بي تمرين واحد ياخي معقوله دي نحن بنضحك علي نفسنا وين الاعداد وين حوافز الاتحاد للاعبين وين الجهاز الفني المتخصص (مازدا)؟؟؟؟؟؟؟ وين نحن وين المدربين شوف الفرق الكبيره وشوف مدربينهم منو بدل ان تتحدث في سيارات الكامري .
ولو شفت موافق سيارات اللاعب الواحد في الخليج كنت قل شنو .ييخيل لاعب الاتحاد السعودي محمد نور جددو ليه عقده بي كم ومشاء الله (امسك نفسك) بي
(16,800,000,000 جنيه سوداني.يعني ستة عشر مليار وثمانمائة مليون جنيه سوداني فله سياره (وقيمة السيارة = 10 سيارات كامري .اللهم لا حسد .

الماشاف البحر بتخلعو الترع قال كامري قال انتي يااخوي ظاهر عليك ما طلعت برة السودان وشفت السيارات سمعت بي (البنتلي ، روزرويس، لكزيس) مع انو الاخيرة قبل فترة كان عاملة ضجة في السودان
ياخ وبعدين مايركبوا كامري ولا الفوق ديل انت الحارقك شنو

هو بالله القصر عندنا بائس كدي وبيركب عربات التاكسي الكامري ، يا اخي قول جاغوار ، هوندا قول فولفو وخلينا من المرسيدس ولا الكاديلاك ولا … شوية نقول معاك حق وياريت كان موضوعك يكون في الاداء والعطاء ويكون في المستوى المتدهور واخترت عنوان غير كدا ، يا خي ضحكت علينا الناس رئيس الجمهورية والقصر عرباتهم اقل من الكامري ولا ما بتعرف معنى كلمة تضاهي .. لو ماعرف نوريك وهو انه يمكن ان تفوقها في النوعية هذا معنى تضاهي .. والله معنى كلامك دا المتعافي يكون سايق ركشة .
يا اخلي خلي الكلام الفاضي بتاعك دا واكتب حاجة هادفة واتعلموا كيف تكون صحفيين ، بلا لاحظت ورأيت عندما هممت … اولا اعرف ان الكامري مستخدمة تاكسي في اغلب الدول العربية والتظليل دا بقى يعملوه الشماسة يا متخلف وايه يعني عربية مظللة ما واحد متخفي من الناس ..
بعدين العربات دي ما اشترتها ليهم الدولة ولو انك صحفي متابع كنت بتعرف اللاعب بياخذ كم في تسجيله فقط .. وكم اجره في المبارة وبياخد كم اذا جاب هدف .. وهل اللاعبين ديل ماعندهم توفير من كل هذا .
وزي ماقال السبقوني ماعندك موضوع

كلو واحد بياكل من عرق كراعو ،وبلاش حسادة ،خلى العالم تعيش ممافيش —

صدقتا والله يا كاتب الخبر وسلمت يداك نحن نعلم انة ليس بحسد بقدر ماهو غبن وزعل علي منتخب زبالة ولاعيبة ليس لديهم هم غير المال والصعلكة في شوارع الخرطوم
والضحك علي المساكين الذين يدفعون من كدهم وعرقهم ليركبو هم السيارات الفارهة ويسكنون القصور العالية . نريد ان نسال هولاء ماذا قدمتم للسودان ولي جماهيركم التي تدعمكم غير الخزي والفضائح حسبنا الله ونعم الوكيل عليكم
واللهم لا حسد

اما عن الحكومة فليس داعي التعليق فالكل يعلم من اين لهم هذة السيارات والاموال ؟؟؟

المشكلة ليست في سيارات الكامري يا هندي
المشكلة في السيارة المازدا

they doing beter than any one of the goverment gang ,so please keep it to your self,doum:mad:

يا اخوي اللاعبين الحاسدهم ديل الفلوس التي اشتريت لهم هذه السيارة الفارهة حسب زعمك (طبعا بمقاييس السودان ) فلوس حلال وما سرقوها وعقود انتقالاتهم وتسجيلاتهم يعلمها القاصي والداني حتى راعي الضأن في الخلاء ولكن ناس مؤتمرك الوطني ديل غير اللحس واكل السحت والقتل في دار فور ما عنهم شغلة 0000

😉 الاخ الهندي عز الدين .
في مقولة بتقول دع الخلق للخالق
يركبو كامري يركبو طيارة دا ماحرام ولاعيب شوف اللاعب المحترف في الدول الاوروبية بيصرفو فيهو كم وفي النهاية الكورة غالب ومغلوب وكلنا سودانيين والهزيمة مزعلانا لكن الجايات اكثر……….
نسيت حاجة اخيرة (المابتلحقو جدعو)
مع التحية……..

هل دفعت ليهم مليم ام سرقوالبلغ من صفقات تجارية هذه السيارات معروفة المصدر ابحث عن السيارات مجهولة المصدر وقول لاصاحبها من اين لكم هذي#

الاخ الهندي معاك الف حق واقول للاخ بتاع تعليق المابتلحقو جدعو شوف اللاعب الاوروبي نتيجة الصرف عليهو شنو بطولات وانجازات مش حفلات وبوبار ونرجسية حاصل فارغ

:rolleyes: :rolleyes: :rolleyes: :rolleyes: :rolleyes: :rolleyes:

يالهندي ياخوي انت مالك بدخل الرياضه في السياسه انت كده بتعمل لخبطه شديده اعمل حسابك يابا
الشي التاني ديل نجوم كوره يعني العبوا واتعبوا بالتاكيد بلقوا عائد مادي يعني بس انت زعلان علي الكامري المعفن ده عليهم ياخي الكامري ده لموزين ياهندي وبسوقوه الهنود لوماعارف اوريك يابا ,وثم ثانيا عيب عليك الكلام البتكتب فيه ده ديل مهما كان نجومك البلعبوا باسم السودان دوليا وماتنسي الكاسات الجابها المريخ من الخارج مش ديل اللاعبين وله ده انت المشيت لعبتا
ياخوي اذا انت عندك مشكله نفسيه امشي لي طبيب ولوعندك مشكله سياسيه امشي لي وله خليني ساكت,المفروض تكتب ليك حاجه نستفيد منها مش تكتب في المساكين ديل عشان ركبوا كامري منو في السودان وله الوطن العربي مابعرف فيصل العجب وله هيثم مصطفي ؟لكن انت منو؟والله البعرفوك ناس حلتكم بس .
والله الموفق

لقد طالعت المقال وتأسفت جدا حتى لمجرد عدم ادراكنا اين نحن من الاخرين لقد أمضينا موسم واحد نسميها فورة فوار شهير كان زمان من فريق كبير كان زمان وهلال كبير كان زمان ومريخ كبير كان وحتى اشعار اخر احسن الكعبين حتى الان
لكن المصيبة اني اطالع بعض المواقع السوداني منهم موقع فيه صف طويل من الصحفيين النظرين ولا أعرف ان كانوا غايبين عن الوعي ام هم في غيبوبة ناس مع ديل وناس مع ديك وهات يا تريقة وكلام ما مفهوم ديل بيتكلمو عن حاجات في السما ولا شنو الهلال تعبان من مدة ودا واضح وللاسف لازم يمثل السودان ولابد من أن يقف معه الناس ولابد من ادارة تعمل بنكران زات من أجل اصلاح كل الثغرات بشكل علمي وعملي والهلال قلنا محتاج لمهاجمين مش واحد ثلاث وباك شمال ووسط ميدان وعايز ناس تقدر فنلة الهلال وتلعب بغيرة انا عارف كل الناس عارفة دا ونحن احسن ناس في الدنيا ننظر ونتغلب ونجد اعزار وعادي نجرحر ازيال الهزيمة ونرجع نغني في طريق العودة والهلال مهزوم المريخ فرحان والمريخ فايز الهلال زعلان وكلنا نتقابل في المنتخب ونعيش أخوان ونتغلب سوا ويركب النجوم فارهاتهم ويرجعوا لحياتهم البغضوها وين وفي شنوا الله أعلم ؟ععععععععععععععععععععععععععادي ؟
شاركوا بقصيدة في تشجيع منو عجيب حتى انتو كمان ؟

سلام للجميع ماذا فعلوا لاعبينا فى البطولات الخارجيه على مستوى المنتخب الاول وعلى مستوى الهلال والمريخ المحصله صفر ناديى المريخ والهلال يصرفوا الملايين على لاعيبه ما يسوا بصله ديل المفروض ما يركبوها حمير لان نتائجهم صفر والشئ الغريب ما عندهم ادنى وطنيه للبلد اما بالنسبه للوزرا عملوا شنو للبلد علشان يركبوا السيارات الفارهه للاسف مجموعه حراميه ومجموعه لصوص ونصابين عاملين مسئوولين الله يلعنهم جيمعا وزرا ولاعبى المنتخب الاول ولاعبى المريخ الهلال والله يكون فى عون الشعب الصابر والصامت الشعب العظيم الشعب السودانى البطل اتمنى نشر ما قلته بحرف الواحد الامبراطور

الهندى ياخوى انت غلبك البتسوى ساى
انت ما تستغل مهنتك دى فى قضاية تنفع الشعب السودانى بدل مرة تحارب ليك فى موقع يسىء للحكومة ومرة تتكلم فى عربات اللعيبة بعدين دا رزق من ربنا انت حارق جازك ليه و انت ياخى بدل كل شوية تدهنس للحكومة دى ما تتنظم عشان امورك تتصلح زى جمال الوالى وصلاح ادريس زى ما انت قلت امورهم مسهلة عشان ترتاح وتريح الناس
الله يهديك ويا حليل الصحافة البقت تقابض ساى

ياخى حرام عبليك والله ده كلام حسد وبس ………….وما عندك اى موضوع …وما هكذا تقاس كرة القدم …وما كان هناك حاجة اسمها هزيمة…….. محترفى الاندية العالمية يتقاضون رواتب تفوق اجمالى رواتب رؤساء دول الاتحاد الاوربى…….ويخفقون احيانا ……. هؤلاء اللاعبين نصفق ونغنى لهم وغدا يتركون الكرة ولا يجدوا من يرد عليهم السلام…لو عندك كلام صحيح قول جزء من مخصصات هؤلاء الوزراء…..الذين يصعب على رئاسة مجلس الوزراء حصرهم….جزء بسيط من مخصصاتهم لو وفر ….لاعد لنا منتخبا عالميا ولأهل لنا شبابا يافعا لايجد الان دارا يمارس فيها هوياته……….ولا ملعبا يجرى فيه حتى………خليف واقعى …..وله اقول ليك شكلك ما عندك علاقة بالرياضة ولا الكزرة فأحسن شوف حاجة تانية أكتب فيها….والمبجلين كثير جدا فى السودان الحبيب شوفهم بيستاهلو وله لا……….؟؟؟؟؟؟؟؟؟؟؟؟؟

الارزاق من الله كلنا نتمنى ان نجد السودان في منصات التتويج ولا نبخس الجهود المبذولة من لاعبيى الفريق القومي ومدربهم.
تموت الاسد في الغابات جوعا ولحم الضان تأكله الكلاب
عيسى يسوق امجاد والعجب كامري كل زمن بي زمنه

أن تكون مهنة الصحافة مهنة للإرتزاق الرخبص و الإسفاف و الملق ، فهذا ما لانرتضيه لصحافتنا التي عرفت بالنقاء و الشفافية على مر العصور .فما هكذا تورد الإبل أيها الهندي، حيث ليس هناك أدنى مجال للمقارنة بين هؤلاء و أولئك . كما أنه ليس من داع لخلط الأوراق و الخوض في أمور هي في الأساس لا تمت بصلة إلى ما نحن بصدده .
إن ذكرك ما هم به من نعمة بهذه الصورة الرمزية والتي تخبىء في ثناياها الكثير الذي يصل إلى تمني زوالها يضعك في خانة لا يعلم مداها إلا المولى عز و جل .
فللناس خالق و هو الذي يوزع الرزق . و ليس لنا إلآ الشكر و الرضاء بما قسم .
إما إن كان حرصك على تقدم الرياضة في البلاد هو ما دفعك للكتابة و ليس محاباة لفريق أو مكايدة لآخر ، فقد كان حرياً بك الولوج إلى صلب الموضوع مباشرة دون المساس و التجريح بخلق الله .
فمن مما ذكرت لم يسلم من بذيء قولك ؟ بدءً من الحكومة و رئيسها و وزرائها و الأندية و إداراتها ممثلة في الوالي و الأرباب و لاعبي المنتخب و غيرهم طبعا من اللآعبين ، حتى الجمهور السوداني لم يسلم من شظايا قلمك .
لك أن تدرك يا هندي أن هذا الجمهور الذي يقرأ مقالاتك ليس بهذه السذاجة التي ربما تكون ضمناً قد نعتّه بها. فهو جمهور مستنبر واعٍ لكل مايندس بين السطور، لذا فاحترامه واجب و عدم الإستخفاف بعقله حق على كل من يحمل قلما .
و أخيراً أحمد الله ياهندي بأنك تكتب في السودان ، فلو كان ذلك في بعض البلدان التي تعرفها جيداً ، لأقيمت عليك الحجج و الدعاوى برد الشرف من تهم القذف و اللعن و التشهير و خلافه .
أسال الله لك الهداية و لبلادي الحبيبة الرفعة و التقدم .

اخى الكريم ما يجب عليك الكتابة عن ما يملكون إن كنت صحفيا رياضيا كان يجب عليك انتقاد وتفنيد اداءهم وان تقترح الحلول ذلك اجدى اما اذا كنت تعتقد بأنهم قد اتو بتلك السيارات بطرق غير مشروعة فكان عليك الذهاب للقضاء ورفع دعوى مقالتك لا علاقة لها بالرياضة وهى تعتبر احد اسباب وهدة الكرة السودانية ماذا قدمت الدولة لهذا المنتخب لكى يقدم شيئا لقد سمعت ان مدربه ماذا صاحب الامكانيات الفنية المحدوده يعمل متطوعا يعنى ببلاش جزاه الله خيرا هل تعرف اخى اوضاع المنتخب التنزانى هذا المنتخب تعده الدولة بعد ان اعترفت بأن كرة القدم ليست لعبا فقد عرفو ان الكمرون ونيجيريا وساحل العاج دول معروفة فى كل ارجاء الدنيا ليس بإنتاجها من الذهب بل بشهرتها بكرة القدم لذلك قرروا بناء فريق قوى من المراحل السنية وبنو اضخم استادات القارة (مدينةالسودان الرياضية ظلت عشرات السنين ولم ولن تكتمل)عسكرو بهذه المنتخبات الشابة فى البرازيل لمدة طويلة ولعبو تجريبيا مع فرق من امريكا الجنوبية وهذه الخطط للمستقبل لا يستعجلون النتائج ولكن ان اتت النتائج فذلك بفضل مجهودهم اقول لك راقب المنتخب التنزانى وستسمع عنه الكثير فى المستقبل القريب وان اردنا ان ننهض بكرة القدم فى السودان علينا بالمراحل السنية وفتح مدارس رياضية متخصصة مثل غرب افريقيا علينا التفكير بإنتاج لعيبة كرة قدم فقد ولى زمن الهواية والموهبه وحدها لا تكفى فقد اصبحت كرة القدم صناعة تحدثو فى ما يفيد او اصمتو

😀 يالهندي السيارة الكامر دي ادوها ليهم بعد الهزيمة مباشرة ولا بعد انتصارات سابقة
الكامري دي ادوها ليهم فجاءة كدة
الكامري ياها التكسي في الدول العربية وللعلم كل سنة بتكون يعني موديل 2009 كان تكسي في الرياض قبل عام 2009 بثلاثة شهور كان عاوز تركبها تعال زيارة او عمرة واتفسح بيها وعارف ايجارها في اليوم 120 ريال يعني 60000 ج سوداني
انا شدة ما بسوط من العجب وهيثم نفسي ارسل ليهم انفنتي — دي طبعا انت ما سمعت بيها- بعدين التظليل ده لحرارة الشمس مش لحاجات تانية – عرفت كيف السيايارات دي بتصل لللاعيبة –

يالها من مسخرة جديدة تضاف إلي مساخر الصحافة السودانية:mad: يالها من مسخرة جديدة تضاف إلي مساخر الصحافة السودانيةيالها من مسخرة جديدة تضاف إلي مساخر الصحافة السودانيةيالها من مسخرة جديدة تضاف إلي مساخر الصحافة السودانيةيالها من مسخرة جديدة تضاف إلي مساخر الصحافة السودانيةيالها من مسخرة جديدة تضاف إلي مساخر الصحافة السودانيةيالها من مسخرة جديدة تضاف إلي مساخر الصحافة السودانيةيالها من مسخرة جديدة تضاف إلي مساخر الصحافة السودانية

زواج الايثار

الطيب مصطفى

الزول دا غلبوا البسوى هيثم -العجب- علاء -فرفور- ندى القلعة -وردى -ود الامين

ديل اسمهم مبدعين وموهوبين كلا فى مجالو فرحوا ناس واسعدوهم

عليك الله الجاز دا طلع قرار الناس كوركت ولا حرقو جرائد
والعجب لمن يطلع بحى 25 الف متفرج
هيثم 25 الف متفرج بكوركوا سيدا

ما الضير في أن يمتطو أفخم السيارات طالما انها من حر مالهم. انت تناقض نفسك. اذا اردت التحدث فتحدث عمن يمتطونها دون وجه حق (أثرياء في غمضة عين)

هوى ياهندى … ديل لعيبة بى موهبتهم ركبو الكامرى ومعروف قروشهم من وين انت عشان الله ما اداك لا كوره لادبوره ولاموهبة بقيت حاقد. طيب قول لى ناس المؤتمر الوطنى راكبين كامرى ليه من مال ضرائب المساكين والناس مالاقية حقنة بنسلين او دواء سعال للاطفال
مش احسن تملاوا الجرايد دى بما ينفع العباد بدل العجب وهيثم راكبين كامرى وندى راكبة لكزس والله الاختشوا ماتوا.

صدقت اخي في ما قلته اصبح لعيبت منتخبنا الوطني في قمة الاستهتار وعدم الغيره علي الوطن وسمعته كان الله في عون السودان والكره السودانية ويبقي عزاؤنا الوحيد في ابطال العاب القوي اللزين يرفعون اسم السودان عاليا في كل المحافل 😡

والله ناس هيثم والعجب زرعوا البسمه في قلوب الغبش لكن ناس الجاز والبنزين ديل قضوا علي الاخضر واليابس قال هندسه الخرطوم قال

ياخوي العربات ده من حر مالهم وعرق جبينهم لكن الوزاء البتتكلم عنهم ديل ده شغل لهط مقالك ده كلام زول حاسد وحاقد عليهم وبس شوفل ليك موضوع تاني

اولا: مفروض تزعل ليهم لأنو الكامري اقل من مستواهم يا حسود.

ثانيا: شنو الفضيحة دي يالهندي عربية كامري خلعتك وخلتك تقول الكلام ده كلو, طيب لو كانو راكبين فيراري او بنتلي او ميرسيدس كنت حتعمل شنو؟ اقول ليك حيحصل شنو اكيد ما حتعمل حاجة لأنك حتكون الحوادث من الصدمة طبعا.

ثالثا: الكامري في الخليج تاكسي (كروة).

رابعا: وبعد ده كلو ما حتركب العربية الواجعة قلبك دي

اخيرا: هاهاهاهاها اللي ما يطول العنب حامض عنا يقول.

يالكامري الفارهة( ) ( ) ( ) ( ) ( ) ( ) ( ) ( ) ( )

اتحضر يالهندي.

الفاضى يعمل قاضى — هى جات على الكوره

يظهر الاتكلموا ديل كلهم رياضين هلالاب او مريخاب يعنى ما بينظروا الى الموضوع من زاوية حب للوطن ومطالبتهم ببزل المزيد من الجهود لاعلاء اسم السودان لكن معظم التعاليق لاتنظر الى الموضوع الى من زاوية واحدة فقط ودا حال اهل الكورة فى اى مكان كنت ارجو ان يكون هناك لوم لللعيبة لانهم انهزموا لكنهم لم يتطرقو لاى من ذلك والله يكون فى العون .

أسمحوا لي أعلق على هذا (المقال) بنفس أسلوبكم، هل هذا هو الفهم الصحيح للنقد الرياضي، فإذا كان الأمر كذلك، لا أدري من أين لكم التعجب في نتائج مباريات الفريق القومي لكرة القدم!!!
اللاعب الفلاني ميتلك كذا واللاعب أحمد سيارة فارهة ،، ماذا يعنيك إذا كان لديه اسطول من السيارات، أو يمتلك ما يمتلك، هل أنتم من تحددون من يكون لديه و من يتملك؟؟؟؟
أعتقد وبالمختصر المفيد يجب أن تتدربوا أكثر مهنياً لكي تمارسوا هذه المهنة وتعكسوا المفيد من القضايا التي تضيف للقارئ ولا تكون خصماً عليه ،
وشكراً على هذه الفرصة.

والله طبعا اللعيبه ديل هم والوصلونا غانا بعد طول غياب 30 سنه امابخصوص السيارات ده حقهم زى عقد العمل وقدمووووووو للوطن الكثير ربنا يعينهم اما فيصل العجب وهيثم مصطفى ديل ولا كامه فيهم