سياسية
على عثمان : البشير يعكف على إعداد رؤية شاملة لتحقيق الاستقرار والسلام
وشدد طه خلال مخاطبته حفل التوقيع على الصلح بين قبيلتي الأبالة «الرزيقات» وبني حسين بمنطقة جبل عامر بشمال دارفور أمس، على ضرورة تعظيم حرمة الدماء والخروج من مرحلة الحرب والاقتتال إلى طاولة الأمن والسلام، داعياً مؤسسات الدولة الثقافية والاجتماعية وقطاعات المرأة والقوى السياسية بالعمل على منع تشجيع الحرب والاهتمام بوضع برامج تدعم الاستقرار والسلام.
وحمل طه الأطراف المتصالحة مسؤولية المحافظة على الاستقرار، ووجه رسالة لكل أبناء دارفور والشباب منهم توجيه طاقاتهم القتالية ضد أعداء السودان وليس ضد بعضهم البعض.وعبَّر عن أمله أن تخرج دارفور بهذا الصلح من الواقع الحالي لتأسيس النهضة والاستقرار المطلوب، وطي ملف النزاعات والصراعات في سائر ولايات دارفور، وإعادة النسيج الاجتماعي لسابق عهده. وقال طه: «نريد الخروج بدارفور إلى أطر جديدة من الاستقرار والنهضة»، مشيراً إلى الإمكانات الكبيرة التي يتمتع بها الإقليم الأمر الذي يتطلب من أبنائه ترتيب أولوياتهم وتوفير البيئة الصالحة لإكمال مشروعات النهضة..[/JUSTIFY]
صحيفة الإنتباهة
ان العسكر اذا حكموا بلدا افسدوه
العالم الفذ و المفكر الاستراتيجي عمر البشير يعكف شخصيا بذاته البهية على اعداد استراتيجية شاملة للاستقرار و السلام و لاصلاح ما افسده حكمه…. هو لو كان فيهو او فيكم خير كان البلد خربت؟ مش كان من الاول قبل خراب مالطا؟
أشمل من الكان حاكم بيها ال24 سنة الفاتت دي؟؟؟؟؟؟؟؟؟؟؟
مبروك عليكم ايها الشعب الابى الصابر الصبور أن وجدتم اهتمام من راس الدوله شخصيا و بعد أن اعتكفت فى محراب قصره المنيف خلال هذه الايام المباركات و انشاء الله تنزل عليك ليلة القدر ونخلص من البهدله و التلتله و الجوع و العطش والمرض و نحمد يا رب الايام دى الكتوف اتلاحقت وكلنا عيال تسعه وياها الوجبه الوحيده و المشحيده دى الله يقدرنا عليها و نوفره للضيف و لاهل البيت ودا ما فضلا من الله .
يا زول انكرب ساكت و خليك معتكف تب و ما تخرج علينا الا بالبشره وكانت قعدته سنتين مانا سالينك افو زول بدور لينا الخير نقدر نقول شى فيه امانه ما اتلومتوا يا شعب السودان و ما تقولوا اى حاجه تانى بس خلوها للدائم و اها شيخنا عمر ود حسن و د احمد ود البشير اتحزم و اتلزم و قال بجيبا ليكم انا بعد التمرين الطويل فى ساحات الفداء و ساحات القصر و الساحه الخضراء لعقدين و فوقهم حبات كدى واتمرس و درس كل الخطوات التى تقود الوطن و المواطن الى …….؟
نخليها فى علم الغيب و الشاطر احزر و افزر و اقول لينا نحن فى يأتوا محطه و الباقى لينا كم علشان نصل البكرى و لا حمد و خوجلى و بقت فيها الصحافه كمان ما اتملن تب و وصلن السداده عاد و الله كريم علينا و اكون رحيم بعيالنا وانشاء الله اكون زمنهم احسن من زمنا وشويه تنفرج و يخرجوا من الزاوية الحاده الدخلونا فيها الجماعيه ديل الله اصلح الحال واعجل لنا بالفرج .