سياسية

نجل الميرغني : مشاركة ” الاتحادي ” في الحكومة أضرت بالشعب والحزب


[JUSTIFY]أكد محمد الحسن الميرغني رئيس قطاع التنظيم بالحزب الاتحادي ” الأصل ” أن حزبهم ملتزم بالمؤسسية ، وقال : ” إن مشاركة بعض أعضاء الحزب في نظام الإنقاذ لمصلحة شخصية ولا تأتى للشعب السوداني وجماهير الحزب بفائدة غير الأضرار ” وحمل المشاركين في الحكومة مسؤوليتهم الشخصية التامة عن مشاركتهم وتابع ” إن من يريد أن ينسحب لا يحتاج لقرار من الحزب لجهة أن مصيره بيديه وهو وحده الذي يتخذ قراره ” ، وأكد محمد الحسن ” نجل محمد عثمان الميرغني ” في رسالة بعث بها إلى جماهير الحزب والختمية من مقر إقامته بالعاصمة البريطانية ” لندن ” أكد التزام قيادة الحزب بالنهج الديمقراطي الواضح واستجابتها لتطلعات الشعب السوداني وجماهير الحزب الاتحادي والختمية ، وطالب محمد الحسن الميرغني الشعب السوداني بتوحيد صفوفه حول المطالب العادلة ومواصلة النضال المشروع من أجل بناء السودان ومؤسسات الدولة والأحزاب السياسة والمنظمات ، داعياً جماهير الحزب لمواصلة نشاطها السياسي العادل على أساس خط الحزب التاريخي النضالي من أجل رفعة السودان .

صحيفة اليوم التالي
ت.إ
[/JUSTIFY]


تعليق واحد

  1. اقم بالله العظيم انتو افشل حزب في الكون كلو ياخي ما معقول يكون في عشوائية زي دي وهم اساسا حزب بلا قاعدة جماهيرية الا اتباع السجادة المرغنية وهم دخلوا الحكومة لاطماع دنيوية وظاااااااااااااهرة ارحمونا يرحمكم الله يا ال المرغني انتم بعيدين كل البعد عن معاناة هذا الشعب الفضل تتنعمون في فنادق المملكة المتحدة والمملكة السعودية وارتالكم وبواقيكم تتنعم في احضان المؤتمر الوطني فتبا لكم جميعا وتبا معارضة وحومة ولك الله يا شعبي الفضل

  2. انت جالس في لندن مرتاح عاوز تعمل بطل ؟ تعال معنا هنا كل زيما بناكل واشرب زيما بنشرب اوﻻدك يتعلون في الغرب اوﻻدنا ما يﻻقو تعليم يا راجل استحي

  3. ..[SIZE=6]وأخوك مساعد رئيس جمهورية وقاعد في القاهرة ..وأبوك بين مصر والسعودية ..والله السودان دة بلد طيب بشكل……….!!!!!!!!!![/SIZE]

  4. واللة كلامكم فاضي ساكت ياالقاعدين زي (دكان ود البصير )انتو مالكم يقعد في لندن ولا في مصر مانتو قاعدين في السودان عملتو شنو قاعدين تتفرجو علي الخراب والفساد 24 سنة وكمان شنو اكثر من 200 قتيل انتو لو بالجد بتهمكم مصلحة البلد ناس الموتمر ديل مايقعدو ولا يوم واحد . باللة فكونا كدة . الزول دة مناضل لو من جوة ولا برة مافرقت