السودان : لجنة منع التحصيل غير القانوني بالطرق القومية توجه بوقف تحصيل أي رسوم غير قانونية

السؤال؟؟؟؟؟؟؟؟
اين الاموال التي تمت جبايتها طوال السنوات الماضيات بدون اورنيك 15 وباصالات مطبوعة على ورق عادي واحيانا بدون ايصالات
الرئيس له مقولة محفورة في الفؤاد يقول ( اذا الواحد عندو دليل واثبات على الفساد يجينا نحن عندنا جهات للمحاسبة)
الحقيقة نحن ليس لدينا دليل مادي لأنه يتعذر لكن لدينا واقع معاش يا سيدي الرئيس

[SIZE=3]هي[/SIZE] [SIZE=2]لجان لعب فقط لان القلع شغال وفي اخر سفرة لي للسودان عن طريق البحر وبعد دفعت كل الرسوم في سواكن ولما وصلت نقطة تفتيش عطبرة طلبوا مني رسوم العبور واخبرتهم باني دفعت في سواكن ولكنهم اصروا على الدفع ولما اخبرتهم اني مامعي قروش سودانية قالا لي ان ادفع بالدولار او الريال لكن ماشتغلت بيهم حتى انهم مااحترموا وجود اطفال في السيارة.المشكلة انه مافي رقيب عليهم, خليك من ده قبل اسبوعين وفي مطار الخرطوم طلب عسكري الجوازات من صديق لي ان يعطيه عيديه ولما رفض ان يسمع كلامه اعطاءه جوازه بدون ان يختمه بختم المغادره وتنبه للختم ضابط عند بوابات الصعود للطايرة .الناس ديل فاكرين ان المواطن او المغترب ده بنوم على خزائن ياخ كل الناس شقيانة والمغترب بدل مايعول نفسه تلقاه بيعول عدة اسر.والمشكلة كل مسؤول شغال على كيفه ولما الواحد يطالب بحقه يودوك في خبر كان.والمصيبة الاكبر ان قرارات رئيس الجمهورية مافي زول شغال بيها,المفروض لما تكون هناك قرارات رئاسية تكون هناك جهات تتابع انفاذ هذه القرارات وتتعامل بحزم مع كل من يتلاعب [/SIZE]