النائب الأول : الناس في السودان بشيلوا العكاكيز للمستثمرين

بلاش كلام فارغ والسودان سلة غذاء العالم العربي وسوف نحقق الأمن الغذائي العربي وعبط وهبالة ” كدي في الأول أكلوا وشبعوا ناس السودان في الأول ومايزيد للإخواننا العرب والمسلمين ” بلد جيعانة وكل شئ معدوم ويتم إستيراده ويقولوا ليك “السودان سلة غذاء العالم” ونسمع في هذه النغمة من عشرات السنين ومافي أي حاجة عملية ” المشاريع القائمة في البلد والتي كان يعتمد عليها إقتصاد البلاد تم تدميرها تماما ومشروع الجزيرة ليس ببعيد ، الخطوط البحرية والسكك الحديدية التى كانت تنقل الإنتاج لميناء بورتسودان للتصدير تم تدميرها وبيع ما تبقي منها ، النقل النهري الذي ينقل الخيرات للجنوب والعكس تم تدميره وبيعه ، المحالج واقفة وتم تدميرها ، مصانع الزيوت والنسيج واقفة كلها وتم تدميرها بالتضييق على أصحابها بسبب سياسة التمكين وإمتلاك مفاتيح الإقتصاد من الجبهجية ، الخطوط الجوية السودانية التى كانت تنقل الصادر تم تدميرها نهائيا ولا يمتلك السودان ولو طائرة واحدة تعمل ؟ بالله دي مش فضيحة وبرضه سعادته يتكلم عن الإستثمار والناس ما تشيل العكاكيز إذا في ظلم شديد عليهم من قبل المتنفذين في الإنقاذ شركاء هؤلاء المستثمرين “شركاء بدون ملكية أي شئ ” وتريدون أن تقلعوا أراضي الناس وتتمتعوا أنتم بالعائد والعمولات والناس حقها يضيع “مش يشيلوا العكاكير ليهم حق يشيلوا الكلاشنكوف والأربجي “

شنو د/ فيصل دا لابد وسط البقر والبلطي دا وعامل نايم مكنكش اخر كنكيش دا البخلي د/ ازهري التجاني يزعل عشان شالوه الزول دا غندور ما قاصده والزيه واللا شنو …

لأنه هم ملاك الأرض – مفروض الأراضي توزع في شكل حيازات حكر لموطني كل منطقة ويستأجر المستثمر منهم على أساس عقود قصيرة الأجل- بدلا من وهب وهب ثروة البلد للأثرياء السودانيين والأجانب

الناس ما بشيلو العكازيز للمستثمرين يا سيادة النائب … الناس بشيلوا العكاكيز ضد الدغمسة وعدم الشفافية … لماذا لم يشيل الناس العكازيز ضد الانجليز الذين انشأوا مشروع الجزيرة ولماذا لم يشيلوا العكاكيز ضد الذين انشاوا مشروع الرهد؟ ولماذا الناس شايلة العكاكيز ضد المشاريع التى تقوم بانشائها الانقاذ كما قلت؟ والامثلة كثيرة منها على سبيل المثال السدود و سكر النيل الابيض و… والغربية الناس لم يشيلوا العكاكيز على سكر كنانة رغم ان المشروعين فى نفس المنطقة والناس هم الناس. اذن العلة فى من ينفذ هذه المشاريع وليست فى الناس. والعلة ثانيا فى طبيعة المستثمرين لأن السودان الطارد للكفاءات من ابناءه من اطباء ومهندسين وأساتذة جامعات وعمال مهرة لا يمكن أن يجذب مستثمر فيه فائدة … المستثمر الامين الكفؤ والذى يريد ان يربح لا يمكن ان ياتى للسودان … انما المستثمر الذى يلف ويدور وفى النهاية يكسب ولا يستثمر شىء هو الذى يأتى للسودان… يجب ترتيب البيت من الداخل اولا يا سيادة النائب.