ضياع الهوية السودانية في مشاركة نايل باللغة الانجليزية
السؤال نابع من أنه يغني باللغة الإنجليزية وهي كما تعلمون اللغة الرسمية للدولة العظمي بريطانيا التي كانت تستعمر السودان في يوم من الأيام وأيضا هنالك سؤال في غاية الاهمية هل إذا غني نايل باللغة العربية أو اللهجة الدارجية السودانية سيحظي بكل هذا الاهتمام مجرد تساؤلات تدور في مخيلتي؟؟.
لماذا لاتطرح الخرطوم الأسئلة سالفة الذكر قبل أن تفرح فرحتها الكبيرة بضياع الهوية السودانية في منبر من المنابر العربية عربي وكان الأجدي لهم أن يسألوا أنفسهم قبل التصويت هل فوز نايل سيحقق للهوية السودانية مكانتها بين الدول المتنافسة أو المتابعة لبرنامج المسابقات بقناة ( الام بي سي ) الفضائية العربية بعد أن يضعوا في الاعتبار أن ﻧﺎﻳﻞ لايحمل من الهوية السودانية سوي أنه شارك باسمه ولا أخفي سرا إذا قلت أنني كنت سعيداً كون أن سودانياً ينال كل هذا التشجيع والمؤازرة ولكن عندما شاهدته يغني باللغة الانجليزية أصبت بالإحباط الذي قادني للمجاهرة بما يجيش في دواخلي رغماً عن أن الكثيرين عبروا عن سعادتهم بما حققه نايل ولم يكتفوا بإرسال الرسائل التشجيعية بل وضعه البعض في خلفيات سيارتهم.
الخرطوم : سراج النعيم
ليس بالضرورة ان يغنى بالهجة السودانية لكى يثبت هويتة السودانية هذا من ناحية من ناحية اخرى الفن السودانى فن محلى لا يتجاوز جدود السودان حتى ينافس فى المسابقات الدولية طبعا مع احترامى الشديد للفن السودانى كما ان هناك عدد كبير من المتسابقين مع نايل غنوا بالانجليزى والفرنسى وجدا دعم كبير من ابناء جلدتهم دون توجية نقد ..اللغة الانجليزية لغة عالمية واى فنان ناجح يتمنى ان يغنى بها….من ناحية اخرى بايل الان يحتاج للدعم والتصويت وليس النقد الهدام
[COLOR=#FF0026][B][SIZE=7]
[FONT=Arial] سراج النعيم.. مفروض تكون اول العارفين ان الفن السوداني رااااااح مع كرومة وسرور وبشير عتيق الكاشف والشلة دي… اما البقية.. فبيوت الدعارة ملىء بهم وهم بتاعين قعدات وما خبر الأمس وما قبل من سجنهم ومن معهم بتشاد.. وقبلها نيجيريا…خلي نايل يغني باي لغة.. ما غنوا قبله بالسوداني.. وههههههاااااااي هاك يا ضحك من لجنة الحكم..وحتى في السودان.والله لو بعرف اغني بالعبري كان غنيت… يااخي انت هايف بس ..قوووووووووم فر..[/SIZE][/B][/COLOR][/FONT]
ياسراج النعيم عن اي هوية تتكلم أنت تعلم ان الغناء السوداني لن ينافس ولن يفهمه أحد ولو قامر نايل وغني أغنية سودانية لما كتبت ماكتبته اليوم عن الهوية وهل يمثلنا ام يمثل ثقافة اجنبية لانه بكل بساطة لا أحد من لجنة التحكيم كان سيدير كرسيه ليختاره، والاجدر بحديثك هذا أن توجهه لاساطين الغناء السوداني ود اللمين ووردي رحمه الله وحمد الريح وغيرهم لماذا لم يخرجوا به من المحلية للعربية والان تلوم نايل دع الشباب يعبر عن نفسه بالطريقة التي يريد ويكفينا أنه سوداني وعندما يذكر أسمه مقترنا بالسودان هذا يكفي سواء كان اداؤه بالانجيزية او الامهرية فهو شاب ذكي وعرف كيف يقدم نفسه، وبعدين تعال هنا كنت عايزو يغني شنو أزيكم كيفنكم ولا الجبنة حلوة حبشية. ياااااااااااخ انتو لا ترحموا ولا ترضو رحمة الله تنزل……….
والله يا سراج النعيم ضيق أفقك أغلق جميع منافذ الأفق الممكنة ، بالله عليك يا هو دا رأيك مع الناس ؟ ما فعله نايل قمة في الذكاء
كان الأجدر بك أن تشجع ابن بلدك ، لا أن تكون من أعداء النجاح ، قال مستعمر قال .. ما كنت قايلك قديم للدرجة دي !
حسادة مبالغ فيها لكن !!!!!
خليك مع ندى القلعة والكفتة أحسن ليك
الاتنين عاوزين يظهرو
يا سراج النعيم إسمو أحلا صوت … يعنى لا دخل للهوية والجهوية فى الموضوع … خليهو يفوز فى الأول وبعدين يغنى ليهم راجل المرا …
شوف الردود علي الموضوع تعرف ليه النايل دا باللغة الانجليزية ،،وكل اناء بما فيه ينضح ،،ثقافة نايل النيلة مستوردة وأفكاره مستلبة ،،وللأسف كل الجيل الجديد بعيد عن معني ان تعرض ثقافتك وارثك ،،حتى ولو دقيقة وهي خطوة تشجع الاخرين ،،فحتما في النهاية حتصل لهدفك ،،الغناء السوداني غني وثر بالمعاني والمضامين الجميلة
[B][SIZE=6]تحسن ملحوظ يا سروجة وعقبال للحلو . وبعدين ياسروجة كنت عايزو يغنى ليهم الطمبور ولا الجرارى ؟؟؟؟؟.[/SIZE] [/B]
أستاذ سراج كلامك إنو ليه نايل ما غنى بالعربية أو بالعامية السودانية في محلو و ناس كتار حاسين بالحكاية دي لاكين الحقيقة المرة اللازم تعرفا إنو العرب و السودانين لسا عندهم عقدة الخواجة لي يوم الليلة . اللحظة التتكلم فيها بي لهجة أمريكية أو بريطانية قدام زول يحترمك و يقدرك و يعتبرك سيد المعرفة زااااااتا و نايل طلع تفتيحة و اعتمد على المعلومة دي .
يبدو ان الاخ سراج النعيم يقول للاخ نايل لا تغني الى ان يحسم السودان جدل الهوية السودانية هذا الجدل الدائر في وطننا منذ ان رأت اعين السودانيين النور…ما هي الهوية التي تتحدث عنها!! انظر للاخ نايل وانظر لمن حوله في الاستديو في ذمتك مالذي يجمع نايل بهؤلاء المحكمون والجمهور قطعا ولا شيئ سوى اللسان العربي!!!هل هذا اللسان العربي المبين يكفي ان تكون عربي مثلهم؟ هويتنا ان تكون سودانيا وتعكس هذه السودانية في كافة المحافل الدولية وبأي اسلوب ممكن يؤهلك للمنافسة لأننا غائبون عن كل مضمار دولي وخارجي…والعروبة المزعومة لم نجن منها الا السراب..اتركوا الابواب مشرعة لمن يريد ان ينطلق…الراجل تغنى بالانجليزية ويقول عنه نايل السوداني وهذا أجمل شيئ..لا احد في العالم مأزوم بهوس الهوية غيرنا …هل هي عقدة نفسية ام ازمة حقيقية؟
هل نحن عرب ام افارقة…يبدو اننا سودانيون ابناء الحضارة النوبية العريقة منذ ملايين السنين..هذا الارث الانساني القيم لماذا نتركه ونركض خلف الآخرين وتحت احذيتهم..آثارنا التاريخية تحدث عن كل شيئ
الإنفتاح على العالم والتعايش معه أفضل لبلدنا .. لا للإنغلاق وبلادنا ونحن الآن في أمس الحوجة للتفاعل مع العالم .. وعسى وعل نلحق بالقطار الذي فاتنا منذ زمان سحيق ..
ده نحن فالحين فيهو االغناء كل القنوات السودانيه بتبث غناء فقط والغناء شرعا ونحن بنتعامل مع الغناء كانه شي مفيد
[FONT=Times New Roman][SIZE=5][COLOR=#FF0800]يا سراج .. بالعكس هو لو غنى بالسوداني مية سنة ما في حد مزاجو (سلم سباعي) ح يسمعو، لكن بعد ما يشتهر ممكن يفرض نفسو بالسلم الخماسي ! فهمتها ولا ّ أسجلها ليك[/COLOR][/SIZE] .[/FONT]
سؤال صريح يطرح نفسه
هل فقدت الامريكية في برنامج المواهب العربية هويتها عندما غنت باللغة الربيعه ام وجدت الاعجاب من الكل
هل فقد كبار الفنانين من سوريا ولبنان والمغرب العربي هويتهم عندما غنو باللجهات المصرية
هل فقد الفنان راشد الماجد هويته عنما غنا بلهجة اقرب للسودانين
هل فقد الفنانه افطيموس السورية هويتها عندما غنت واحتكرت غناء الفنان عثمان حسين
هل و هل وهل
مشكلتنا احنا السودانيين العنصرية المخفية في الداخل والتي ادت الى فصل الجنوب قبل كل شي
مشكلتنا احنا السودانيين محليين وسوف نظل محليين محبوسين في فكر متخلف شعاره الهوية والتي حتى تاريخة بسبب هذا التفكير يجهل عنا العالم كله من نحن
اعتقد لو انه تغني بالعربيه او حتي بالدارجه السودانيه لكان ان طلع من الجوله الاولي علي اعتبارات كثيره اولها التحدي الذي يضعه العرب دائما هو ان العربيه السودانيه لا تتناسب وسمعهم علاوه علي السلم الخماسي الذي هو ليس سلما تطرب اذان العرب وفي هذا ايضا بعد اخر ولذلك انا اعتقد بان نايل كان ذكيا جدا عندما اختار اللغه الانجليزيه للتنافس والا لما حقق كل هذا النجاح ووصل الي تلكم المراحل . عوده الي موضوع الهويه والتي هي الاخري احدي المعضلات التي باتت تشكل تحديا كبيرا ذو ايعاد خطيره يتحدث الكاتب عن ضياع الهويه السودانيه في المنابر العربيه هذا ان اعترف مركز الهويه العربيه بان بعروبه السودان!!!!
الانتقاد من اجل الانتقاد بدون مسوغ يجد في الغالبية هوي هو عبارة عن شوفونية مقيتة
انتقد من اجل ان اظهر
نايل اجتهد فيما يملك ونشأ عليه وان كان يجيد الغناء المحلي لاظهاره لما تقدم ودونك غيره كثير سبقوه
عندما يذكر نايل يذكر النيل والخرطوم والسودان
ادعم او لا تسمع واحتفظ برأيك لمابعد الفوز وتعال اظهر
انا لا أفهم ما يغنيه نايل ككلمات
ولكن كصوت (باعتبار ان البرنامج لاحلي صوت ) ولم يكن اصل البرنامج لاظهار الهوية او لون الغناء بقدر اظهار جمال الصوت
اجمع الناس علي موهبة وحلاوة صوت نايل مرتين علي التوالي وجنبوه مشقة الاختيار والحرج
تقدم واظهر امكانيات كبيرة نتمني له التتويج
واتمني ان كان قد قرأ ما كتبت انت ان يرد عليك بالنجاح المتواصل
وكفي
[SIZE=2][SIZE=1]يا سراججج هذا يدل على حقدك لنايل, وانا لااعلم لماذا تحقدوه لهذه الدرجة.اذا تظن انت افضل منه اذهب وغني ليهم سوداني..[/[/SIZE]SIZE]
ههههههههه الهويه السودانيه ؟ مع اني سوداني ولكن الان انا مابعرف هويتي شنو؟؟؟
قال ضياع الهويه قال… ههه طيب امشي غني بالدارجي الســــــــــــــــوداني بتاعك الما مفهومة دا..ازيكم كيفنكم ان لي زمان ماشفتكم هههه ما تفضحونا عليكم الله نايل غني زي ما داير تغني سودان شنو وهويه شنو؟؟
يكفي نايل انه يتحدث بالدارجية السودانية ويحمل اسم له يعني الكثير بالنسبه للسودان (نايل السوداني)
اما الغناء السوداني لم يستطيع فطاحلة الغناء السوداني اخراجه من خارطة السودان فكيف يجازف به نايل
والانجليزية ليست حكراً على بريطانيا لكنها لغه عالمية وحتما سيغني نايل بلهجته عندما يرتاد العالمية