[SIZE=5][JUSTIFY]علمت (اليوم التالي) من مصادرها أن دولة الإمارات العربية أرجعت شحنة ذهب إلى السودان بعد تصديرها قبل أكثر من أسبوع، وكشفت المصادر أن الشحنة تزن ما يقارب الـ(300) كيلوجرام من الذهب، قام بنك السودان المركزي بتصديرها إلى الإمارات، وبررت الأخيرة إرجاع الشحنة بعدم توفر سيولة كافية لشرائها بحسب المصادر، بينما قالت مصادر مطلعة إن إرجاع الشحنة يأتي في إطار المقاطعة الاقتصادية المنتهجة من بعض الدول العربية تجاه السودان نتيجة ضغوط أمريكية، ووصفت المصادر العلاقات الاقتصادية بين البلدين بالفاترة حاليا. وقدرت أن حجم التبادل التجاري بين البلدين وصل إلى (1.400) مليار دولار .
صحيفة اليوم التالي
ت.إ[/JUSTIFY][/SIZE]
[SIZE=4]لو قلتو الشحنه فاسده كان قلنا طيب
لو قلتو ما مطابقه للمواصفات كان قلنا طيب
لو قلتو ما جايرنها عجيل كده كان قلنا
لكن تقول لينا الامارات بجلاله قدره وقروشها وبرتولها ماعندها سيوله فدي باااااااااااااالغتو فيها[/SIZE]
السعودية رجعت البهايم من ميناء جدة و الامارات رجعت الذهب يلا وزعوا الذهب و البهايم على الفقراء مش حقهم
يا حكومة الأنقاذ لقايت كده كفيتم ووفيتم ولغفتم …
يعني لمتي حتعذبوا الشعب السوداني علي العذاب الهو فيه ؟؟؟
علاقتكم مع أميركا زفت … علاقتكم مع الدول الأوربية زفت …
والآن جاء دور الدول العربية والدول الخليجية حتتزفت ….
يا سعادة المشير البشير عندما أتيت بحكومة الأنقاذ وماذا فعلت بالعكس ضيعت كل الآمال وأحلام الشعب السوداني ، وكل ذلك لسؤ أدارة الأنقاذ وعصبة المؤتمر الوطني ….
فأذا كنت تريد أنقاذ الشعب السوداني ، أنقذ نفسك وعصابتك لأنه طفح الكيل … تنحوا جميعا وأتركوا الحكم للشعب ممثلا في أحزابه المختلفة ومنها سيعرف العالم بأن السودان أصبح ديمقراطي وليس دكتاتوري ، وستعود المياه الي مجاريها مع كل دول العالم بما فيها أمريكا بعودة الديمقراطية لأهلها …
وسيتنفس شعب السودان الصعداء بتنحيكم عن كراسيكم والأ فأنتظروا حتفكم علي يديه قريبا ..
ا[SIZE=7]حسن شئ يجب فعله من الجانب السوداني ومن بنك السودان بالذات ان يبيعوا الذهب لاسرائيل [/SIZE]
لا ادري هل هو غباء من بنك السودان ام غباء من الصحيفة واعتقده ان القراء بلهاء ..
الذهب لا يشحن قبل ان يتم تحويل القيمة .. يا اخي الرز لو مادفعت ما بيشحنوا ليك فكيف ذهب 300 كيلو ترسل وما معروف قروشها وين دا كلام لا يدخل العقل .
وبعدين تجارة الذهب تجارة دولية تربطها قوانين ولوائح لمعرفة المتداول في العالم واحصآت كثيرة..
وهناك مايسمى بخطابات الضمان وعقود البيع والشراء وهناك شروط لايمكن بكل بساطة يتنازل عنها بنك السودان ويسحن ذهب كانه شاحن تمر ..
انا اعمل في مجال الاستيراد فكل الشركات التي نتعامل معاها لامكن تشحن مالم ندفع 50% ويم ترسل المستندات تطالب بباقي القيمة وهذا ايضا كان معمول به في السودان فكثير من البضائع تصل ولاتفرج الا بعد الافراج عن باقي القيمة .. ولذا انا استغرب ولا اجد
تفسير لهذا الكلام الا نكون دولتنا دي ماشة بالعافية ..
ومن ثم الامارات لايمكن تكون بالغباء وتقول مافي سيولة لانه ينافي المنطق والواقع لان الكمية لا تسوى شيء بالنسبة لهم ..
اللهم لا اعتراض
يا صحيفة اليوم التالي ، ويا مصادر صحيفة اليوم التالي ، الذهب لا يشحن قبل اعتماد قيمته ، وبنك السودان مهما كانت حكومة البشير قبية إلا ان بنك السودان من اعرق البنوك المركزية في افريقيا والشرق الاوسط ، ولا يمكن ان يتصرف بالطريقة الذكرتوها ، دا غير انه اضعاف قيمة كمية الذهب المذكور لا يساوي حناح بعوضة بالنسبة لامكانيات السيولة المتوفره لدولة الامارات ، لذلك ارجوا ان تحترم الصحيفة عقول القراء وتعتزر عن الخبر ، وتعيد تغييم مصادرها، وشكرا
يامخ مافي وىابومحمد انتو كلامكم صحيح ميه الميه بالنسبة لتجارة رسمية لكن غالبا الدهب ده يخص واحد من الكيزان الكبار حتي لو تم عن طريق بنك السودان فهو فقط للتمويه لانه البنك المركزي نفسه هو اصبح اداة تابغة ليهم والاماراتيين حسو بالحاجة دي وعارفين القروش دي ماشه وين وحتدعم منو يعني زي ماقال المثل ممكن تستغباني اول مرة لكن لاتسططيع ان تفعل ذلك كل مرة
اول مره اسمع حكومة تشترى دهب كتامى ؟؟ اى دولة بتشترى دهب بيتم الاعلان عنو .. وبعدين شنو شحنوهو وقامو رجعوهو .. الامارات فيها ملجه بتاعت دهب ولا النظام شنو ؟؟
ده كل كوم سمعت وكل الشعب السودانى بان نتائج دفع الدعم عن البترول سوف يحقق التوازن الاقتصادى على المى القريب وليس البعيد اين النتائج يا سيادة الاخ البشير ؟ المواطن عاوز اجلبه منك يشفى بها قليلة لان الوضع ما زال متردى والكلام ده لازم يكون هناك تقشف من كل الوزراء الحاليين وكبار الموظفيين بان كل ما يتعلق من سيارات ومخصصات تحول الى الخدمات الصحية والتعليمية والبيئة فورا حتى تكون صادقا حقيقة وكل المسئوليين الكبار حيث المواطن يعانى ما يعانى والله يسالنا اذا لم نقل الحق والحق واضح كيف يتنعم المسئولين بخيرات الوطن والمواطن مريض جيعان مشرد فى الطرق ؟؟ المراجعه واجبه والله المستعان وانزلوا الميدان وشوف حاجيات المواطنين تلموسوها عن غرب وده النهج القويم للكل والله المستعان