هلال السودان يخسر من أول أغسطس الأنغولي بنتيجة 1 – 3
خاص النيلين: خسر الهلال السوداني نتيجة مباراة الذهاب امام فريق اول اغسطس الانغولي بثلاثة اهداف مقابل هدف وبالرغم من تقدم الهلال بهدف السبق في الدقيقه 5 من زمن الشوط الاول عن طريق الكنغولي امبيلي الا ان الفريق ارتبك سريعا واستطاع الفريق الانغولي ان يحرز هدفين سريعين في الدقيقه 7 و 10 .
وفي الشوط الثاني تمكن من احراز الهدف الثالث في الدقيقه 60 من عمر المباراة.
وستقام مباراة الاياب بعد اسبوعين من الان ويحتاج الهلال الى الفوز بهدفين نظيفين حتى يتأهل.
انتهت المباراة بفوز اول اغسطس بثلاثية .
تغيير في الهلال في الدقيقه 40 مهند الطاهر يدخل ويخرج هيثم مصطفى .
وصلنا الى الدقيقه 37 من زمن الشوط الثاني والنتيجة كما هي تقدم اول اغسطس على الهلال بثلاثية مقابل هدف.
اول اغسطس يحرز الهدف الثالث في الدقيقه 15 من زمن الشوط الثاني من تسديده قويه ارتطمت بالقائم الايمن ثم القائم الايسر وسكنت الشباك .
بدأ الشوط الثاني للمباراة وضغط شديد من قبل الفريق الانغولي مع بعض الهجمات المرتدة للهلال.
انتهى الشوط الاول بنتيجة 2-1 لصالح أول اغسطس .
نحن الان في الدقيقه 40 والنتيجة كما هي تقدم اغسطس على الهلال بهدفين مقابل هدف .
الكنغولي أمبيلي سدد كره جميلة وقوية علت العارضة الاتغولية بقليل ونقترب من الدقيقه 37 من زمن الشوط الاول.
نحن الان في الدقيقه 17 والهلال يقاسم الفريق الانغولي الاداء.
هدفي الفريق الاتغولي جاءا من خطأين من وسط الهلال حيث أخطأ مساوي في الهدف الاول وايضا أخطأ عمر بخيت في الهدف الثاني حيث قام بتمرير كره قصيره تم خطفها من قبل الفريق الانغولي وتقدموا بها واحرزوا الهدف الثاني .
بدأت المباراة والنتيجة حتى الان 2-1 لصالح اول اغسطس الانجولي ، وكان الهلال قد تقدم بهدف السبق في الدقيقه الخامسة عن طريق الكنغولي أمبيلي ولكن فشل الهلال في المحافظة والصمود ولو لدقائق حيث استطاع الفريق الانغولي ان يتعادل في الدقيقه 7 وان يتقدم في الدقيقه 10 ونحن الان في الدقيقه 12 .
الهلال في امتحان اغسطس اليوم بلواندا
تتجه الانظار اليوم صوب الملعب الوطني بلواندا لمتابعة لقاء هلال السودان امام اول اغسطس الانجولي ضمن جولة الذهاب بالدور الثاني لبطولة الاندية الافريقية الابطال ويدخل الهلال اللقاء باحثا عن الانتصار لتأمين موقفه قبل لقاء الاياب بالخرطوم .. واجري الفريق سلسلة من التدريبات بعد وصوله للعاصمة الانجولية ووصل الي اقصي درجات الجاهزية في كل خطوطه ..
يدير مباراة اليوم طاقم حكام من تونس بقيادة قاسم بن ناصر ويراقبها الكاميروني نجانقو ..
صحيفة قوون
هو حقيقة امتحان لأن فريق جزيرة ريونيون لا يعتبر الخصم الحقيقي وهو فريق متواضع ورغم التأهل على حسابه بطريقة غير مرضية إلا ان الهلال اليوم مطالب بإثبات وجوده بتخطيه لهذه المبارة بنجاح حتى يستطيع ان يقييم اداءه كفريق وكلاعبين وإداريين وفنيين
تمنياتنا للهلال بالفوز وتحقيق نتيجة مرضية
التوقيع : مريخاااااابي :lool:
😉 ;( 😎 بمشيئة الله …… فوز الهلال 2/1 …. وانت يكو ن الانتصارأو على الاقل التعادل شعار (المنتخب ـ الهلال ـ المريخ) فى المباريات الخارجية …. وفوف فوق سودان فوق … قول معى يا أخى … فوق فوق .. سودان فوق … فوق …
يا ناس قون المباراه الساعه كام بتوقيت السودان ؟؟؟؟؟؟؟؟؟ دائما اخباركم ناقصه ؟؟؟؟؟؟؟؟:mad:
الكبير كبير ما يحتاج كلام كثير
السلام عليكم … المباراه الساعه كم … دى المره الثانيه نسأل ؟؟؟؟؟؟؟؟؟؟
عالم مرض ؟؟؟؟؟؟؟ للمره المليون المباراه الساعه كام يا نيلين يا فارغين؟؟؟؟؟؟؟؟؟؟؟؟؟:mad:
فوق فوق سودانا
هردلكم يا هلالاب تبقت جولة اخري بامدرمان ارجو ان نستثمرها , فلا يطيب لنا ان نكون لوحدنا في دوري المجموعات وحتي اذا لم يتمكن الهلال من العبور فسيلعب في الكونفدرالية وكلها حمام ميت وسيصل للنهائس انشاء الله ويجيب الكاس , قلوبنا معكم مريخابي من جدة
مرض بالله شوفو ليكم طماطم ازرعو ، ما عندكم اي علاقة بالكورة ، غشيتو نفسكم وجمهوركم معاكم .
هردلكم يا هلالاب تبقت جولة اخري بامدرمان ارجو ان نستثمرها , فلا يطيب لنا ان نكون لوحدنا في دوري المجموعات وحتي اذا لم يتمكن الهلال من العبور فسيلعب في الكونفدرالية وكلها حمام ميت وسيصل للنهائس انشاء الله ويجيب الكاس , قلوبنا معكم مريخابي من جدة
هاردلك شباب انشاء الله تعوضها مع الثانى من اكتوبر هاهاهاهاهاهاهاهاهاهاهاهاههاهاهاهاهاهاهاهاهاهاهاهاهاهاهاها
زمان قلنا مافى غيرك يامريييييييييييييييييييييييييييييييييييييييييخ وما صدقتنونا
دائمــا ما يورطنــا عمــر بخيت بتمريراتــه الخلفيــه بأهداف عكســية ولا أدري ما ســر تمادي عمــر بخيت في التمريرات الخلفيــة وهي غالبــا ما تسشكل خطــورة بل أهداف خاطفــة … فما أدري ســر هذه الفلســفة الجديدة التي دفع ثمنها الهلال هــدف قد يكون كافيــا في تأهل الكنقولي على حساب الهلال .. فأرجوكم أرحمونـا
خلاص الكونفدراليه جاها زول:lool: :lool:
والله عجب دائما انتو كدا تقتلو الفرح فى الجماهير وتعلبو على الجرائد لكن الفرصة كبيرة امامكم انشاء الله تردو الصاع صاعين وترداعتبار الكورة السودانية
الهلال غلطان
الناس في ابريل وهم يلعبووو مع اول اغسطس ماممكن والله
الله معااااااااااااك يا هلال
اتمنى انو يتم التعويض في مباراة الرد في سبتمبر قصدي في امدرمان
مريخينا حديد
معليش يا اخوانا – فكروا وعوضوا في الخرطوم نحن دايرين النهائي سوداني ويارب تنصرنا في الخرطوم والكلام ليك يالمريخ كمان اوع تركنوا للنتيجة
:lool: ( ) :lool: عادية النتيجة والحمدلله الفريق طلع الاول من مارس:cool: 😎 😎
قالوا دفع الايجار مقدم تلاتة شهور لحدى يوم 1 أغسطس فى كلام بعد ده……………..;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;(
;(
والله العظيم حيرتونا يا لعيبة الهلال ؟! يعني يا تجيبوا قوون من أول دقيقة
وبعد داك تطلعوا مغلوبين أو من قولة تيت يدخل فيكم هدف ، ونبقى 90دقيقة جارين ورا التعادل على أسوأ الفروض ؟!
إلى متى نظل هكذا ؟! يا عالم أرحمونا شوية !
نرجو أن ينعدل الحال ونتمكن من هزيمة فريق أول أغسطس في الاسبوع الأول من
مايو في الخرطوم .. آمل ذلك ، ويا عمر بخيت .. عليك الله بلاش حكاية ارجاع الكرات
الخلفية دي .. وكفاية :التقدم إلى الخلف بتاعتك دي ؟! ( ليمو )
بتين يهل هلالي واسمع المنادي
انتا يا سوداني ما ليك غير الوالي
يرفع راسك وينصرك على الاعادي
والله ( 3 ) مسامير حااااارة شدييييييييد
التوقيع : مريخاااااااااابي :lool: :lool: :lool:
السؤال: ح يلعبو كورة الرد وين؟ في ياتو ليق؟
شنو .. شنو.. كدي تاني .. الرد كسل؟ شوق الحمار للضبح
المشكله انو الكنفدراليه فيها سطييييييييييييييف.. يعني سييك سيك معلق فيك ..
;( ;( ;( ;( ;( ;( ;( ;( ;( ;( ;( ;( ;( ;( ;( ;(
الكورة السودانية تخسر في الخارج دا شئ عادي قلنا خليكم العبوا داخل السودان وبلاش فضايح ما عايزين @ نحن ما عندنا كورة خلونا نلعب داخل وطنا احسن
نحنا عارفين النتيجة من زمان@ ياهلاك
حظ اوفر لفريق الهلال في مباراة الرد باستاده ، والهلال قادر باذن الله على التعويض بهدفين دون مقابل ومش صعبه او مستحيله ، وكويس انو احرز هدف بارض الخصم ، بس اعتقد المباراة القادمه بتحتاج تركيز عالي جدا ، وتفاءلوا بالخير تجدوه ، والا ملحق الكونفدراليه راجي الهلال وخلونا نشوف شطارته فيها.
مريخابي بس سوداني .
عماد الدين محمد الحسن عثمان
من اسباب هزيمة الهلال الاتي
1-ثلاثة من محترفي الهلال لم يكونو في قامة الهلال هم (كوارزما-أمولادي وديمبا )
2-مدرب الهلال لم يضف الي الهلال شي بل اصبح الهلال لايلعب الكورة الممرحله وعلي حسب كلام المذيع كل الاهداف أتت عن طريق أمولادي لماذا لم يتم تبديله؟
3-نادي الهلال مؤسسة كبيرة ويحتاج ان يكون رئيسه متفرق الي هذه المؤسسه ولكن رئيس نادي الهلال لم يكن كذلك(كاتب في الصحف-ملحن-عازف فمتي يجد وقت حتي يقوم بمهامه تجاه النادي؟)
الان نادي الهلال يحتاج الي دفاع كامل ونامل ان يكونو من اللعيبة المحلين ولعيبة وسط الهجوم ممتاز واذا لم يتدارك الفريق أخشي ان يكون في ادني سلم الدوري؟
نصيحة اخيرة الي رئيس النادي اسمع كلام الببكيك ولا تسمع كلام البضحيكك.
اذا تذمرت جماهير الهلال لم تجد من يقف معك من مطبلاتيت الجرايد هؤلاء يلهثون وراء الدراهم والجماهير وراء الانجاز الخارجي فما هو انجازك الخارجي؟ خيرا لك ان تترجل من الادارة وأترك الفرصة لغيرك.
هذا يدل علي ان الهلال يفقد لكل شي … لا لعيبة ولا جهاز فني ولا ادارة ولا اي شي…
متي سوف يفرح الهلال جماهيره .. متي سوف ينتصر الهلال نصر يثلج الصدر ..والله عيب عليكم والله عيب عليكم من فشل الي فشل اكبر منه ولن يتاهل الهلال بهذه المجموعة التي تلعب به حاليا وهم ليسوا بلعيبة كورة قدم وادارة الهلال فاشله في تسجيلاتها فاشله فاشله
يا صلاح إدريس أرحمونا وأنهوا عقد المدرب الفاشل 0 فشلت في التعاقد مع لاعبين مميزين وشطبتوا اللاعبين الممتازين وتعاقدتوا مع مدرب لا يفقه في عالم التدريب أي شيء وارجعوا فوزي المرضي لو ما مدرب مساعدا للمدرب وأهل مكه أدرى بشعابها وصدقني لا بطولات مع هذا المدعو دي سانتوس وبطلوا العنتريات على الهلال الكيان 0
فى اعتقادى أن الهدف الذى احرزه الهلال خارج الاض سيكون هو هدف التأهل انشاء الله بس المطلوب توخى الحيطه و الحزر بأن لايلج مرمى الهلال هدف فى الخرطوم يلخبط الحسابات وبصراحه انا متأكد من أن هجوم الهلال ممكن أن يحرز اهداف ولكن لاأثق فى الدفاع كثيرا عليه يجب على الجهاز الفنى تأمين الدفاع اولا ثم البحث عن الاهداف ولاننسى ان المباراه ( 90 ) دقيقة وكما جاءت ثلاثة اهداف فى العشرة دقائق الاولى من المباراه يمكن ان تأتى فى الجزء الاخير عليه يرجى عدم الاستعجال .
عاطر التهانى لفريق المريخ ونتمنى أن يكرر الانتصار فى المباره القامة فى الخرطوم والتحيه لمجلس الادارة والجهاز الفنى والادارى وجميع اللاعبين الذين صنعوا النصر واسعدوا به قاعدتهم العريضة الف مبروك . واخيرا اتمنى مشاهدة العملاقين فى الادوار النهائية للبطولة وماالنصر الا من عند الله .( مريخابى الخرطوم )
انتم رجال جيدون النتيجة ما سيئة للاغاية رجا التركيز في المباراة القادمة كما عودتونا بالقتال في ملحمة امدرامان واخير اهني المريخ بالفوز ومزيد من التقدم ودعوتنا تسابق امنياتنا ………….
signature,,,,,from indian to sudan
بااااااايخة يا معتز يا مكاوي ، حاسب على دمك الخفيف لا يبقي موية:lool: :lool: :lool: :lool: :lool:
يا بطيخاب يخسرو 3 – 1 أخير من السباعية يا عسل:rolleyes:
تحية للمريخاب اللي بيتمنو الفوز للهلال ، لانها روح رياضية ، و انتو يا المريخ دايما بتتحرشو بالهلال و الهلالاب و ده دليل على فشلكم 77777
تحية للمريخاب اللي بيتمنو الفوز للهلال ، لانها روح رياضية ، و انتو يا المريخ دايما بتتحرشو بالهلال و الهلالاب و ده دليل على فشلكم 77777
انشاء الله سوف يكون الانتصار للهلال في ارضنا بنتيجة مرضية ونسقي الاول من اغسطس المر واذكركم بالمثل البقول الخيل الاصيلة بتتلقي في اللفة 0 ونقول لكم نحن مشجعي وجماهير المريخ من خلفكم ومعكم بالتشجيع حتى النهاية 000 وافيدكم بان الملعب له اثر كما سمعنا في برنامج عالم الرياضة وايضاً الرطوبة عالية وهذه اجواء اثرت في نتيجة المبارة لكن صبراً لكن صبراً يا الاول من اغسطس بيهل الهلال وحولو النجوم تكون منى 000
المشجع المريخابي أ/ زكريا الامين زكريا عيسى
المملكة العربية السعودية / الدمام