مجلس المريخ يهاجم صلاح إدريس ويستنكر تصريحاته

ياخي هو انته لاقي ليه الف دولار عشان تتبرع ب 100 الف ،، ياخي االناس دي كلها عارفاك دقيت الحديده وما عندك التكتح ، والبركه في عديل جمال الوالي ،، واول حاجه امشي حل شيكاتك الطائره دي وارجع للناس ديونهم وبعد داك تعال اتبرع للمريخ ،، والاستحو ماتوا

يا خوي في الاول ادعم الهلال بعدين شوف باقى الانديه . :lool: :lool: :lool:

يا خوي ده كلام فلس سااااااااااااااااااااااااااي

ياابو احمد في ناس بتدفع بدون ما يعلن مثل جمال الوالي
وفي ناس بتدفع وتتبوبر مثل اخونا القال دفع مائه الف دولار
شوف الفرق كيف بين الصفوة والرشاشات

:lool: 😡 وايه المشكلة لو يدعم الهلال المريخ أو العكس …. يا ناس خلاص خلصت المواضيع عشان موضوع ليس بموضوع … فعلى الهلالاب تشجيع هلالهم وعلى المريخاب تشجيع مريخهم … وبلاش نشر الغسيل الوسخ على المللأ … وعلى ادارة المريخ معالجة الامر (ان صح أو لا) داخل نادى الهلال

طيب ياجماعة كدي سؤال منطقي كده ممكن ؟
جمال الوالي ده ود مزارع واهلو مزارعين وكان بقرأ في مصر
ولمٌا ظهر كان شغال مع صلاح ادريس .. نسيتوا ولا شنو ؟
كان مدير أعمالو ؟
خلونا من صلاح ادريس وكلاموا ده !
المحيرني جد : جمال الوالي جاب القروش دي من وين ؟؟؟؟؟؟
يتبرع بمليارات للمريخ لأعفاء الديون وأخري ماعارف شنو ؟
دشليونات قروش والدليل شراء اغلي لاعب في السودان وارقو
بملايين الدولارات !
عليكم الله في حواشات أو جروف في الجزيرة بجيب القروش دي ؟
بس انا محتار العارف يوريني ؟
صلاح ادريس كان في السعودية وجا بالقروش دي ؟
لكن جمال ده كان بلقط القطن في الاجازات ولو نكرها يبقي كلامكم صاح 100%

اصبر سااااكت يا الأرباب أمانة ما اقطع فيك مسدار .. حالف يمين يغنوهو بنات الدلوكة في غنا البنات :crazy: 😡

المريخ بقى آخر الزمن يتعيش بصدقاتك المزعومة 😡 😡

تحياتي لجميع لو حقنا صلاح ادريس دعم المريخ ده لا يعتبر دعم لمريخ بل الرياضة السودانيه ولاكن يجب عليه ان لايتبوبر بعمل الخير وده شغلت نسوان نحن ابناء السودان نامل من الجميع يدعموا الرياضة سوى كان في المريخ او الهلال وباقي الفرق وعموم الانشطه الرياضيه

السيد المحترم صلاح ادريس رئيس نادي الهلال العريق لايستحق ان يكون رئيس لنادي عريق مثل نادي الهلال فقد قاد الفربق الي الهاوية بتصريحاته الغريبة وانسحاباته العشوائية وبعد ان كان النادي في حالة مستقرة ومطمئنة وكان اللاعبين يعيشون قمة الانجازات علي صعيد البطولة الافريقية في العام قبل الماضي لم يستطيع ان يحافظ علي موقع الفريق غاصبح لاعبيه الاساسين عرضة لاغراتءات الاندية المنافسة فشاهدنا نادي المريخ ينتصر عليه في ساحات التسجيلات . وهجرة جماعية من النادي الذي يعاني ضعف في التمويل . فكيف يقول انة قدم دعم لنادي المريخ الذي يعتبر اليوم من اغني الاندية الافريقية ولديه بنيات تحتية وامكانيات كبيرة فلا يعقل ان يسخر صلاح ادريس بعقولنا وبالمناسبة اذا كان صلاح ادريس يدعم الندية الاخري فالطامة اكبر فان ناديه اليوم هو باشد الحاجة الي الدعم بالاضافة الي المصيبة الكبري . يااستاذ صلاح انصحك ان تصلي في مسجد نادي الهلال الذي اصبح حاله يرثي عليه لاماء فيه ولاكهرباء ولافرش ولاانارة ولا تكيف ولا اي شئ واصبح يمثل واجهه سيئة لنادي كبير مثل نادي الهلال والله شئ مؤسف يا ابو صلاح تدعي انك تقوم بدعم الاخرين ولاتدعم بيت الله الذي هو في رعايتك ( نسال الله لك الهداية )

ياناس حرام عليكم كل التعليقلات غير منطقية وكلها سب وشتم لرؤسا الاندية ودة كلام غير صحيح .. وهل فيكم من سمع بأذنيه هذا القول من الاستاذ صلاح ادريس ام انه كلام جرايد ؟ثانيا حتى لو صدر منه مثل هذا القول يجب علينا أن نفهم ماهى الاسباب التى دعته الى ذلك؟ ثم ماذ يعنى لو دعم رئيس الهلال المريخ اودعم رئيس المريخ الهلال؟طبيعة الشعب السودانى التكاتف والتعاضد والتاخى فلماذا تحاولوا قتل هذه الروح الطيبة فى هذا الشعب الطيب ؟ المريخ والهلال هما كبار الكرة السودانية ولابد علينا أن نفهم ماهى كلمة كبير ونجعل من المريخ والهلال اكبر تكاتف يرفع علم هذا الوطن الكبير فى المحافل الرياضية الدولية ونترك التعصب . وأخيرا عاش المريخ للهلال وعاش الهلال للمريخ .

** مريخابى الخرطوم **