سياسية
اجتماع حاسم للبرلمان مع وزير المالية حول موجة الغلاء
وقالت “سامية” إن الاجتماع المرتقب سيناقش الغلاء بالأسواق وكيفية تجاوز الأمر، وتوقعت حدوث انفراج بالسوق، لكنها أقرت بإخفاقات صاحبت البرنامج الثلاثي. وقالت في تصريحات عقب اجتماع مع وزير المالية حول البرنامج الخماسي أمس (الأربعاء) بالبرلمان، إن الثلاثي أخفق في تحقيق الاكتفاء من السلع الأربع الأساسية خاصة القمح والدواء.
ووصفت”سامية” ارتفاع أسعار الزيوت بغير المبرر، وتوقعت انخفاض أسعارها خلال أيام.
إيمان عبد الباقي: صحيفة المجهر السياسي
ي.ع
بسم الله
موجه الغلاء يا ساده يا كرام
لا حل لها الا بتمزيق قانون عبدالرحيم حمدي
الجا مقاسو ظابط مع التماسيح الكبار و الكبار فقط
و القانون الكارثي لمواطن السودان المهمش هو تحرير الاسعار
يعني بالبلدي كده اي زول اجيب بضاعه ابيع علي كيفو
وكنا ممكن نقول ده قانون عسل لو اي مواطن مسموح ليهو ادخل العايزو من غير منع كان ممكن القانون ده اخلق منافسه وف النهايه ممكن كل الاسعار تنزل لانو المواطن الغلبان ح اشتري من الارخص سعرا و ف النهايه كل العالم الدخلو بضاعه ح ارخصو لغايه ما نصل للتخفيض الشديد غ الاسعار
لكن الكارثه انو الناس البدخل بضاعه ناس واصله وواصله جدا
و بالعدد و ممكن ادخلو بضاعه بالمجان من غير لا ضرائب لا جمارك و كمان ممكن اصدر قانون مفصل ليهم انهم الجهه الوحيده البتصدر او البتسورد الصنف و بي كده هو ع مزاجو ابيع بجنيه بميه بمليار “قانون حمدي يحمي”
لو ماقادر يا ريس ع اعدام المافيا ف ليله واحده
ممكن تحدد سلع المواطن الهلكان و تكون ممنوع الاقتراب او التصوير منها ” عيش+دواء+غاز+مواصلات+لبن+زيت+خضار+لحمه” ودي تكون البدايه الي ان تسيطر الدوله
الرحيمه ع كل السلع و تبيعها للمواطن و باسعار ثابته مفروضه فرض ع الكل
لا اله الا الله محمد رسول وحبيب الله