سياسية
المعارض السوداني د. الكودة يحتفي بوصول عائلته إليه بسويسرا
وإنهالت عليه مئات التهاني من معارفه وأصدقائه فرحين بجمع شمل الأسرة بعد غيبة ، في حين إنتقد البعض لجوئه إلى سويسرا قائلين : ( والله حرام عليك ياشيخ تجيب بناتك ديل اوربا والله والله العظيم انا العنقالي ده لو كنته مكانك مااجيب اهلي هنا لو ادوني قصور شيوخ آخر زمن ) وأردف آخر ( شتان ما بين الكودة الذي رأيناه ونحن صغار يؤم المصلين ويوعظهم في صلاة الجمعة في داخل ذاك المسجد الصغير بخرطوم 3 و ما بين من رأيته في السنين الاخيرة وهو يجري متلهفا بين ايادي الساسة المتسخة بكل قبح ليحل به المطاف ملتحفا سماء الغرب بدل ان يلجأ لربه كما كان يدعو من يؤمهم من قبل وختم قائلاً : نهاية مؤلمة )
وكانت السلطات السودانية قد سمحت لأسرة المعارض السوداني الكودة اللحاق به ، بعد حصولهم على تأشيرة دخول لبلد اللجوء الذي إختاره .
سوداناس
[SIZE=7][FONT=Arial Narrow]قال داعيه اسلامى قال دا مريض كرسى يحتاج سلطه ماله ومال الاخره [/FONT][/SIZE]
احتفاء قال … نحمد اللة عشنا فيها شباب وعدنا للوطن.نار الكيزان ولاضياع الاولاد في هذا العمر.امشي زيورخ وبيرن وعندك جنيف وشوف اولاد الجالية عشان ماتندم بعدين ياالشيخ
يا مولانا قالوا متزوج 4 نسوان ليه واحده بس بتجيبها معاك ؟؟؟؟؟؟؟؟
وبتك دي ياشيخ ماملبسه طرحه ماله ولا هي برضو معارضه للنظام و الإسلام زيك ؟ بعدين مالقيت إلا بلاد الكفار ديل تمشي ليهم ؟ عايزهم يقولوا لجاء ليهم داعيه إسلامي بعد ماضاقت بيه بلاد الإسلام وجاء يبحث عن العدل وألرحمه وشريعه ربنا عندنا ؟ ياخي والله أنا خجلت ليك في النهايه انت لو كنت معارض وبتهمك مصلحتنا وضد النظام كنت علي الأقل شلت سلاحك وطلعت الخلا زي الرجال أو تعال اقعد عارض زي إخوانك بس باسم انك عارضت النظام طوالي جريت بره وشلت أولادك معاك وكمان فرحان ؟ سمح لو كل المعارضين الزيك ختو سلاحهم وتركوا ساحات النضال الجوه والبره ومشوا زيك سويسرا دي البيقعد في البلد منو ؟ ناس مابتحس ولا بتختشي أنصار السنه غالبيتكم كده تأكلوا اكل كويس وتسمنوا وتعملوا بزنس ولما تسخن تجروا من الساحه ،،،، مع احترامي للقله الباقيه منهم أصحاب الرساله والمبادئ السمحه ،،، افوووو عليك يا انتهازي يامدعي الإسلام لو كنت قعدت في مصر دي واحتفظت بسودانيتك كان احسن ليك بدل ما تغير جلدك وتكون خواجه ،،،، تاني اشوفك تتتكلم في قضايانا إحنا الشعب السوداني المسكين ده إلا نرفسك ياخواجه
[SIZE=5]يا شيخ
أين الحجاب ؟ فهذه الصورة لفتاة بالغة !!
أم إنه الدين المعلمن …أو العلمانية التي تتمسح بالدين ؟! [/SIZE]
ماشاء الله اول مرة أشوف شعر بت أبوها داعيه الظاهر اختها شعرها قرماده عشان كدا
مغطى
انت يالكودة وداعية وليس داعية
اسامة بن لادن كان معارض وعاش وسط الجبال ووسط مريديه
انت تختار اجمل بلد وتقول دى معارضة
يتعارض ليك عضم فى حلقك يوديك اﻷخرة ببركه هذه العشر اﻷوائل
[SIZE=7]نحن من سنة 1990 بنغيب عن ااهلنا سنتين وثلاث انت تقلي سنة انشاء الله الباقين يهربوا معاك شكلك ما عرفت تسرق مزبوط[/SIZE]
يللا طلع لينا فتوى في الواقي السويسري
[SIZE=6]في حد كان جايب خبرك عشان تمشي لغاية سويسرا مع بناتك ياشيخ الهنا ام عايز تكون زي ناس مريم وسارةوعرمان وعقار تعمل من نفسك سياسي كبير منافس وكمان كرسي كبير .[/SIZE] نقول الله يكون في عونك ياسودان
مبروك / حجزنا وحده من بنات الحلوات ديل – الاسلام في سويسرا اكتر من الموجود في السودان. حيث التحرش و اغتصاب الاطفال المنتشر في السودان الكلام ده في اوربا ماف – اذا كان الفتاه تلبس طرحه و ساتر عشان ماف واحد يتحرش بيها. هنا في اوربا لو مشت عريانه ماف زول ح يتحرش بيها او يعاكسها -اوربا امان. حيث التعليم المجاني و العلاج المجاني و البنات ح ياخدو جنسيه سويسرية و راتب شهري لا يقل عن 300 للطفل الواحد – يعني ثلاثه اطفال بي600 بالاضافه لي راتب الام – في الفتره الأخيره هاجر 50 الف سوداني الى المملكه. معظمهم راعي بقر و منهم الخدام في المنازل بالمقابل وصل الى اوربا 50 الف مهاجر اغلبهم عرب كانوا مقيمين في السعوديه. – اتضح ان السعوديه هي رغبه السودانيين الاولى بينما اوربا هي رغبه العرب الاولى — الحبش و الاريتريين اللذين وصلوا اوربا خلال هذا العام عددهم 20 الف حبشي كانوا متواجدين في السودان شغالين ستات شاي – في حين ان معظم الشباب السوداني يعاني من البطالة. و التسكع في الطرقات و معاكسه البنات و الجلوس مع ستات الشاي
[SIZE=7] والله يا اخ الكودة لو تركته السياسة وتفرغت للامور الدينية كان احسن من البهدلة دى [/SIZE]
[SIZE=5][B]الكلام لك يا بازوكا[/B]
مين قال لك مافي تحرش ؟
إذا كان التحرش على مستوى الكبار أمثال كلينتون ومدير البنك الدولي …والرئيس الإسرائيلي وغيرهم ، فما بالك بالشارع !
واغتصابات بدرجة لا تصدق !!
قال تمشي عريانة قال !![/SIZE]
سلام عليكمكأدعوا الكودة أن يتوب إلى ربه عسى أن يتوب عليه … وأرى أن الرجل فد تأثر بأسرته (وخاصة أخيه مبارك)، ولم يتأثر بشيء من أنصار السنة والسعوديين خلال دراسته وعمله معهم. وأنا من يوم عرفته من قريب لم أجده معاونا لشباب الدعوة كما بنبغي. وكنت أرى برنامج روح وريحان ليس مناسبا لجماعة أنصار السنة وأقل من مستوى الجماعة.
ياجماعة ده شيخ وين ده بنزل صور بناته فى موقع تواصل اجتماعى انا الما شيخ وعمرى 36 سنة مابنزل صور اطفالى وامهم فما بالك انت ياشيخ ثم ثانيا البنت الكاشفة راسها دى ماكبيرة هسه لو ازوجوها بتلدى عادى ثم ثالثا وين النضال والصحابه القاوموا تعذيب الكفار خلى معتقل فىهو سرير ووجبات ومعجون وفرش اسنان وشاى صباح المهم فى النهاية انت ماشيخ ولا اى شئ انت احتميت باعداء الاسلام والهجره الى بلاد الكفر معروف حكمها انت سقطت سقطت سقطت فى نظر الكل
[SIZE=5]بالله مش حرام عليك بناتك الحلوات ديل تعيشهم في بلاد التحرر والانحلال ,, يعنى حتقدر تعمل عليهن كنترول كيف لما يدخلن المدارس والبوى فريند ,, بلادك حلوه أرجع ليها ديار الغربه مابترحم ,, ياريت لو تجى تناضل من السودان ,, أما إذا ذهبت مهاجرا وتريد أن تعيش في بلاد المهجر فأرجو من الله أن يوفقك ,, ولاغبار في ذلك فهنالك كثير من خلق الله غادروا أوطانهم , وأرض الله واسعه ,و وعسى أن ينفع الله بك الناس هناك بالمناسنه أنا بعرف واحد أسمهالكوده كان شغال عسكرى في مدنى في الستينات ,, هل هو قريبك ؟؟؟؟؟[/SIZE]
تعليقات تنم عن جهاله وأميه وسطحيه… مالو لو مشي سويسرا وطلب اللجوء.
فسويسرا كما الحبشه وحكومتها بمثابة النجاشي .
يا جماعة دي حرية شخصية واكيد الراجل عندو دوافع مقنعه ، طيب راجل طلب حق اللجوء السياسي بسويسرا وناله وضع طبيعي انو اسرتو تكون معاه يعني يخليهم في السودان الى من وله يرسلهم الى غزة مثلاً
معليش يا د. الكودة أنت أنسان أسلامى وداعية ليش بنتك فاكه شهرها مثل هذه المنظر الغير اسلامى .
وبعدين انا بوجه رسالة الى تعليق الاخوان كونوا مسلمين بالعقل يعنى الاسلام دا يعنى فهم دين الله وهو الدين الاسلامى وقول الرسول (ص) .وليس الدين بمظاهر الناس يعنى تشوف ليك أنسان يتكلم فى الدين ولحيتة طويلة تقول هو القدوة لى فى الاسلام كدى حتضل عن الدين الاسلام .
الزول دا واضح مضطرب نفسيا وعايش صراع
وين باقي السنوان ؟
فقدت احترامك وأثرك يا شيخ