فيديو لصوفي سوداني جالس علي السرير منذ عشرين عاماً ويرفض النزول منه لأغرب سبب
وروي هذا الرجل الذي وصفه رواد موقع التواصل (بالغريب) قصة جلوسه علي السرير ورفضه القيام منه طوال هذه السنوات لبعض رجال الدعوة من السودان ومن الخليج العربي.
وقد تحصل موقع النيلين علي الفيديو الذي يحكي فيه جمعة وهذا هو اسمه علي قصته مع جلوسه علي السرير طوال هذه المدة كاشفاً عن أنه مطيع لبعض الأوامر التي جاءته في منامه ولم يكشف جمعة عن الشخص الذي امره بالجلوس علي السرير كل هذه الفترة.
وعندما تم سؤاله رفض الإفصاح عن معلومات رأها في منامه, ورفض النهوض من هذا السرير الذي ظل يمكث عليه وطلب منه رجال الدعوة مساعدته في القيام ولكنه رفض رفضاً قاطعاً.
لكنه عاد وأكد أنه بإستطاعته القيام الأن ولكن بشرط أن تأتيه هذه الأوامر مرة اخري وتطلب منه القيام, وقال: في هذه الحالة سأقوم فوراً. وأضاف: (هسا لو قالوا لي قوم بقوم) في إشارة منه لرؤيته وللشخص الذي طلب منه الجلوس طوال هذه الفترة.
وعن أداء فريضة الصلاة وهو جالس أجاب جمعة: نعم انا مداوم علي صلواتي من سريري هذا. بل واسبح وأّذكر الله وأصلي عليه سيدنا محمد صلي الله عليه وسلم.
وأضاف: انا جالس هكذا واتحمل كل المناخات في السودان وانا في مكاني هذا من خريف وشتاء وصيف.
وحاول رجال الدعوة إثناء هذا الرجل عن رأيه ببعض الآيات القرانية والأحاديث النبوية, ولكن جمعة ظل متمسكاً برائه بل وقال أن الأحلام حقيقة وأستدل بسيدنا يوسف عليه السلام في الرؤي والأحلام.
[CENTER][URL=https://www.alnilin.com/video/11205] لمشاهدة الفيديو علي قناة فيديو النيلين أضغط هنا[/URL][/CENTER]
ياسين الشيخ _ الخرطوم
النيلين[/SIZE][/JUSTIFY]
يا جماعة كدى جربوا السوط بيجري ولا بيقعد ادوه سوطين في ظهره حرم ينط واقف على حيله ..
تعليمات شنو وكلام فاضي شنو الراجل بس عايز يعيش سلفقة وكذاب بس
بيقضي حاجت كيف .. قاعد في محله دا ولا بيقوم يمشي الحمام .. وليه بعد مايقوم يحرقوا السرير ويشوفوه يعمل شنو
اريتو السودان كلو كان جالس زيو حسا ما كان رجع لى وراء ولا كان انفصل الجنوب والدولار حصل 8ج ولا عقوبات ولا ارهاب ولا ديون
يا جماعة ما يقعد ولا يقوم ولا يجري.. حر نفسه الناس مالها وماله؟؟ خلاص كل زول خلص كل الأمور البتخصه وما فضل إلا الزول القاعد في العنقريب ده عشان يبقى الشغل الشاغل؟؟
[B]الزول دا من الحوار ما عنده منطق ياجن خوفه او مهووس مرة في واحد فطموه بقراصة يوم قال انا ما باكل قراصة وما بحب قراصة لامر ما دلع الكلام مشى فيه الزول دا بقى في الطريقه التي يرجع فيها بقت في الوش الزول دا مسكين وعيب على كل الناس الحوله . في واحد هرب من الاسد دخل شجرة كتر لمن الاسد ذهب بقى في الخروج احتار الناس في واحد قال الزول دخل ضيق ولازم يخرج بالنفس الشغله ولع نار في شجرة الكتر وسلامتكم هذا هو وهم من يخدعون الناس [/B]
طيب قال ما ينزل من السرير 20 عام؟ قاعد يتبرز وين؟ القرع وين في السرير …..شعب السوداني شعب وهم و مسكين خلاص.
الخبر مايسمعوا بيهو اولاد بمبه واهل الخليج؟؟
قبل كده سعودي اكتشف مدينه اسمها كمل نومك و هذا سعودي اخر يكتشف سوداني كسلان نتمنى سعودي اخر يمشي قريه تابت ليكتشف لنا اشياء مخفيه / غايتو السعوديين ديل بيكتشفوا لينا حاجات في بلدنا نحن السودانيين ما عارفنها // ربنا خلق الانسان و استخلفه في الارض لكي يعمرها و ليس عشان ينوم فيها 24 ساعه. الزول ده أهلوا وين ؟ اولادو وين ؟ اقرباؤا وين ؟ اكيد هارب من مشاكل المجتمع و عدم تحمل المسؤليه — سوف ينتشر هذا المقطع في اليوتيوب و سوف يشاهده الملايين. / هذا برهان كسل السودانيين / و السودانيين بتاعين الخليج يشيلو شيلتهم. هههههه
[SIZE=4]يا جماعة الخبر فيهو اثارة شوية (شغل صحافة)، المقصود أنو الزول دا قاعد في المكان دا ومعظم وقته في السرير .. لكن واضح أنو بيمارس حياته عادي، أكيد بياكل وبيشرب … ولو ما أخاف الكضب أقول الحاجة البرتقالية الوراهو دي أسطوانة غاز، وكمان في جركانة موية … يعنى الراجل عايش عادي وبظبط جبنة وشاي كمان (يمكن)، باختصار دا خياره هو طالما ما قاعد يضر زول، علي كيفو .[/SIZE]
يا Saram هسا اللي جاب انفصال الجنوب هنا شنو !! ؟؟ الواحد يقولوا ليهو حصل زلزال في اليابان، يقول ليك السبب انفصال الجنوب !! ما تفرض رأيك علي الناس ياخي الجنوب انفصل باختيار أهله، ومعظم الشماليين يعتقدون بأن أحسن حاجة حصلت في السودان منذ العصر الجليدي وحتى الآن، هو انفصال الجنوب.
ياما فى ناس تعيش فى وهم كبير
نكات كثيرة متداولة عن كسل السودانين انت تمثل النكتة الأكثر إنتشارا قال في واحد سوداني جاهو شلل الناس جات تبارك ليهو وقولو ليهو حظك يازول قاعد ساااااااي قال ليهم والله انا خايف تحسدوني وتسحروني اقوم امشي ، حرام عليكم يا ناس تخلي الجهل ده يسطر عليكم كده ياخ الرسول ما قعد قعدت دي قالت جاني في المنام
يا جماعه خليكم منطقيين و شغلو الجمجمه شويه زى ما بقولو المصريين …هذا كلام لا يدخل العقل كيف لشخص ان يجلس متربعا على سرير طيلة عشرون عاما .. فكيف يقضى حاجته وكيف يغير ملابسه ويغسل جسمه . فالرجل الذى شاهدناهو فى الفيديو رجل نظيف و مرتب و لا يبدو انه رجل جاهل الى هذا الحد .. ولو افترضنا هذا صحيحا فكيف يمكن ان نصدق لم يتم اكتشاف هذا الحدث طوالة عشرون عاما وخصوصا نحن فى بلد من السهولة جدا انشار مثل هذه الافعال الشاذه .. و الحقيقة حسب فهمى ان هذا الفيديو المفبرك جزء من الهجوم المنظم من قبل انصار السنه على الصوفيه فى السودان ..
ولعو ليهو نار تحت العنقريب .. وخلوهو براحتو يستنى التعليمات ..
يا اخوانا جربوا معاه طبيب نفسى الزول واضح انه مريض نفسى ما كل حاجه نشبكها دعاه ودين.
الشيخ جمعه سيدنا يوسف نبي وما راه في المنام حق وانت مع ادغاث الاحلام ارقوه بقوم باذن الله وشيخ جمعه دا عندو قصريه واللا شنو واللا بتحاوم جاي جاي داخل البيت وبمشي الزراعه ولما يرجع لا يجلس الا في سرير فهمونا الحكايه .
يا ناشرين النيلين ارجو نشر تعليقى .
الحالة الموصوفة حالة واضحة لرجل تحت سيطرة السحرة والداجالين وارجو من القراء الاطلاع حلقات التائب حامد ادم