فيديو طفلة خليجية تقلد معلمتها السودانية يحقق انتشار واسع ويكشف اسباب تفضيل المعلم السوداني
فقد أجمع العديد من المعلقين على الفيديو بحسب رصد موقع سوداناس أن غالبية الشعوب تحب التعامل مع السودانيين وبصفة خاصة شعوب منطقة الخليج.
وكشف البعض أن المعلمين السودانيين مرحب بهم في دول الخليج فالإضافة لذكائهم وخبراتهم، يفضلون لأمانتهم وقدراتهم في التعامل مع الطلاب وأنهم لا يرتشون أو يتساهلوا في إعطاء درجات غير حقيقية للتلاميذ.
ومن التعليقات التي رصدها موقع سوداناس قال حسن ابراهيم أن قوة شخصية المعلمة السودانية ظهرت في تقليد الطفلة بتهديدها للطلبة بأنها لا تقبل واسطة ولا تخاف من أولياء أمور الطلبة.
بينما إعترضت نفيسة الجاك على طريقة التقليد وكتبت ده والله ما أسلوب المعلمة السودانية أبداً، المعلمة السودانية تربوية ومحترمة وأسلوبها راقي ومتمكن.
وكتب يوسف حامد فيديو ظريف يظهر أن الإنسان السودانى متميز فى سلوكه وشخصيته وأسلوبه وأيضاً جادى ومخلص فى أداء عمله، ويظهر المقطع كم يحبنا ويحترمنا أخوانا الخليجيين.
الخرطوم: سوداناس
لمشاهدة الفيديو على قناة النيلينفيديو طفلة خليجية تقلد معلمتها السودانية يحقق انتشار واسع
[SIZE=5]ما هذه المسخرة ؟!
ذكرتني بالممثل داوود حسين ” طبعا هو ليس كويتي _ لأنه من فئة البدون ” عندما يمثل شخصية السوداني في منتهى المسخرة
أما ناصر القصبي فله التحية فقد أجاد تمثيل شخصيتنا وخاصة في واحدة وهو يمسك بجريدة إشارة لما نتمتع به من مستوى ثقافي رفيع [/SIZE]
ياخي كل ما يتالق بالخليج مقدس لديكم طيب يعني شنو البت السعودية بتقلد معلمتها السودانية شء طبيعي جدا حب المسح بالخليجيين هو الخلاكم محتقرين عندهم والدليل طاش ما طاش الاستهزاء بالسودانيين اصبح مادة يومية لدي وفي المقابل كلمتين منهم تنسون كل شئ هسا الصورة بتهللو عشانهم خليجيين للاسف ان السودانيين صارو يحبو تقليد الخلجيين في شئ ولكن هيهات ما بين الاثنين اما الخليجيين عايشين حياتهم بالطول و العرض لكن انظر الى حياة السودانيين شتان بين هذا وذاك اي شئ يظهر من الخليج فهو محبوب من السودانيين بالرغم انو كذب من قال ان السعوديين يحبون السودانيين لانه معروف عن السعوديين يحبون الاستهزاء بكل ما هو سوداني او اجنبي بصفة عامة لذا ارجو التخلص من هذه الاسطوانه القديمه وكفاكم عيشة الطفيليين رئيسكم شحات كل فترة يمشي للخليجيين يدوه ما فيه النصيب نصفكم او اغلبكم كابين على الخليج وعايشين عيشة مهينة ياخي افيقو من سباتكم
[SIZE=3]البنت عسل وروعة في التقليد ودا شئ طبيعي برضو لما كنا زمان طلبه في المدرسة بنحب تقليد الاستاذه في ما بيننا وطبعا ما كان في تكنلوجيا اتصالات زي اليوم ,,, مع احترامي لي ناس النيلين احب اوضح مقطع الفيديو ليهو حوالي سنتين متداول في مواقع النت ….[/SIZE]
حبايبنا أهل السودان ونشهد الله على حبكم وقربكم للقلب ونشهده عز وجل أنك أطهر ما رأينا .. فيما يخص اﻷخ الذي ذكر بأننا نستحقر السودانيين والله لم يصدق مع نفسه قبل أن يصدق مع غيره ..
محمد الحربي مكة المكرمة
يا دوب وصل السودان الفيديو من تلاته سنوات وهو علي الانترنت واليوتوب
ما تجيبوا شئ جديد زي قطر البقت محافظة سودانية وسمعت تحت تحت قالوا السد داخل الممتاز منافس للهلال والمريخ
يا ساخرون ويا النشرتو الخبر
تشكير النفس عادة سيئة
اتقلوا شوية
ماسكاكم ام فريحانة عشان شافعة ادمدمت ليها بي توب وقلدت مدرستها
كبروا عقولكم شوية
تعبتونا بفرحكم الهستيري المبالغ فيه بسبب الحب المزعوم لبعض السعوديين لكم
الشافعه عسل وهي تقوم بتقليد الحركات ولكن اللهجة التي تحدثت بها هي لهجة جهات معروفة بالسودان وللاسف هي اللغة التي يستخدمها الساخرون وقد رحنا معها ظلما نحن اهل الوسط . أن تقوم بتقليدي مستخدما لهجتي التي اتحدث
بها فلا غبار على ذلك اماأن تنسب لي لهجة الغير وأتحمل تبعاتها فبصراحة
حاجة تفور الدم . لسوء حظنا ورغم الإرث التليد في الفن الغنائي السوداني
من نصوص والحان واستاذه مبدعين قدموا الفن السوداني كما ينبغي ، لا يعرف
العرب غير مسخرة ( كدا كدا يا التريلا ). اللهم احفظ البلاد والعباد .
هذة ليست خبرة او طريقة للتدريس او حتي تدل علي قدرة المعلم الناحج في التعامل مع الطلاب او تدل علي قوة شخصية المعلم بي ماذاالشتم ورم الاشياء علي الارض والطلاب ولو كان حصل الكلام دا في بلاد الغرب او الكفار لكان قام مليون تحقيق وتطرد المعلم من حقل التدريس لا نها لاتنفع تربي بهيمه مش انسان فأنرجوا من اولياء امور تلك الطالبات تقديم شكوة ضد تلك المعلمة لكي تعقل او تفصل