بالصورة: فتاة أمام مركز عفراء بالخرطوم تحمل لافتة كتبت عليها ” أحضنّي و أدفع جنيه واحد”

تكون المسكينه ماعارفه مكتوب في اللوحة شنو
تكون بتبيع موية صحة لان قارورة الموية في يدها وواحد ضحك عليها كتب ليها احضني بجنية بدل مايكتب ليها الموية بجنية

[SIZE=7]الفكرة ماخوذه من الكميرا الخفية الغربية وصاحبنا عايز يشوف ردت الفعل ——[/SIZE]

لا الكلام ده ابتدعتو واحده فى امريكا قبل فتره
طبعا الغلبانه بتقلد كعاده السودانيين و ما عارفه انو الحضن ده ممكن يجر وراهو بلاوى

مساء الخير .. اكيد انت عارف انو لو فرضنا البنت دي قصدت الصورة فتطبيقا مستحيل في السودان صح ؟؟ طيب ليه نحن ما نفكر الصورة دي اتاخدت في اي وضع و قصتا شنو .. عموما انا بعرف البنت دي معرفة شخصية و الفكرة انو في قروب من الشباب بجمع تبرعات للمحتاجين و الناس البتعاني من البرد في الشتاء القارص و كانت الفكرة انو تجي تاخد صورة سلفي مع الشباب و تتبرع بي جنيه للحملة و البنت دي شافت القروب و استحسنت الفكرة و اتبرعت بي جنيه و اخدت الصورة لوحدها عشان ما تدخل في قصة العيب بس للاسف النوايا الطيبة في الزمن دا بتتفهم غلط و ما بنفع التبرير مما عملت.. صح الافكار دي جديدة علي مجتمعنا حتي و لو كانت عن طريق اولاد بس في النهاية الغاية نبيلة و ما صح الناس تخرب النوايا الطيبة بالظنون و نحن بدل ما ننشر حاجة نضر بيها زول خلونا نكون عاقلين و نصلح الغلط بالستر و التاكد من الحقيقة و اذا الزول شاف حاجة ما عجبتو ممكن يعبر عن افكارو بنصوص تكتب فيها العاوزو بدون ما تشهر بي اشخاص ممكن يكونو مظلومين و حتي لو هم غلظوا العقاب ما ممكن يكون مركب .. في النهاية كلنا مسئولين من اعمالنا و لينا رب البحاسبنا .. خلو الحساب ليوم الحساب و كل زول ينشغل بنفسو .. و انا بطلب منك طلب خاص و رجاء انك تحذف الصورة مهما كانت عندك افكار حبيت توصلا دي ما الطريقة المثالية ليها .. و ربنا ما يختكم في مواقف زي دي ..