منوعات
وصفات طبيعية لتفتيح البشرة السمراء
كما تؤدي خلطة البندورة والزبادي والشوفان إلى تفتيح البشرة السمراء أما خلطة الحليب وعصير الليمون والعسل فتتكون من مزيج ملعقة صغيرة من الحليب مع ملعقة صغيرة من العسل وملعقة من عصير الليمون. كما ينصح المختصون باستخدام خلطة الألويفيرا لتفتيح بشرة الوجه.
جريدة البشاير
ت.إ[/JUSTIFY][/SIZE]
يااخوانا الله يهديكم شنو تفتيح بشره والكلام الفارغ البجيبو لبناتنا دا ماصاح نحنا بنحب اللون الاسمر ….وبعدين السمره دي ربنا حبانا بيها لاسباب ماساي (اللون الاسمر علي الجلد دي صبغه اسمها الميلانين يقوم الجسم بتكوين هذه الصبغه حسب البيئه العايش فيها ) اذا دايرين تغيرو خلقة الله دي حاجه تانيه
……………
أسمر جميل عاجبني لونو
كحّل سواد الليل عيونو
عالي النخيل ما ضقنا تمرو
أسمر جميل ما حنّا عمرو
جسمي العليل إستحلى جبرو
شرْع الغرام حاير لأمرو
أسمر جميل فتّان بريدو
كل الخلود تتمنى ريدو
عقد الجلال يا ناس يزيدو
عقد القلوب منصوب بجيدو
أسمر جميل فوق في سماهو
كل الخلود ترغب ضياهو
سهم اللحاف ساعة رماهو
صاب القليب سالت دماهو
أسمر جميل فاق في الوسامه
صفوة جمال وجهو إبتسامه
فوق الخديد عاجباني شامه
ومن العيون ياالله السلامه
أسمر جميل عاجبني لونو
كحّل سواد الليل عيونو
هو اللون الاسمر دا مالو ما لون جميل ومن اجمل الوان البشر ليش العقدة دي ومحاولة تغيير خلقة الله بعدين البت لما تغيير لون بشرتها يعني بتصير مثل مادونا ولا زي نانسي عجرم الملامح موجودة مابتتغيير برضو شينة شينة يعني الاسمر يبحث عن البت السمرة السوداني يبحث عن البت السودانية واللبناني برضو يبحث عن البت اللبنانية واي زول بياخد نصيبو وصدقوني القناعة كنز لا يفنى ماذا يعيب البت الافريقية والله لهن اجمل ما خلق ربي ولو انو عندي ملاحظة في البت السودانية بالذات الاحظ بان السودانيات اكثر بنات افريقية استعمال كريمات التبييض ما هو السر في ذلك انا في اعتقادي السبب هو انهن اكثر بنات افريقيا شنانه وبشهادة السودانيين انفسهم ودا طبعا ما مقياس لانو في كل هناك جميلات وهناك شينات