بالصورة: لغة الرندوك السوداني على ملابس الشباب والفتيات !!
هذا وقد لاقت هذه الوسيلة في الكسب إنتقاداً لاذعاً بمواقع التواصل الإجتماعي وعلق البعض قائلاً : بإمكان هذا التاجر نشر عبارات تدعو للفضيّلة بدلاً عن الرذيلة التي تخفيها هذه المصطلحات وسط فئة معينة من الشباب ،
كما تساءل أحدهم قائلاً : ما هو دور الرقابة والمواصفات تجاه هذا السلوك الذي يروج الى لغة غير منضبطة يجب أن تحارب بدلاً أن تستفحل وسط الشباب الذي يمثل المستقبل الواعد للأمة ( على حد قولهم ) .
وتفيد متابعالت موقع ( سوداناس ) أن الرندوك لغة عربية عجيبة غير مفهومة لكل و هي استعمل كلمات و أسماء موجودة في كلامنا العادي المتداول يومي بين الناس ، تحويرها بمعني أخر لا يفهمه كثير من الناس إلا القليل
و نسبت هذه اللغة لفئة معينه من المجتمع السوداني بمايسموا ( بالشماسة ) لكنها لم تقتصر عليهم و انتشرت بسرعة حتى اصبحت اللغة المتداوله وسط شريحة في الشارع السوداني و حتى في البيت في الجامعة في العمل في اي مكان ايضا بعض المرشحين .
سوداناس
الجيل الحالي من الشباب هو جيل فاسق بمعنى الكلمة .
شترة : الجيل الحالي صفات الرجولة فيه معدومة وصفات الانوثة معدومة ..
وشترة تانية : الرجل كالمرأة والمرأة كالرجل .. جيل فاسق .. فاسق
أنا غايتو رأيي الشخصي وبقول شخصي علشان ما يطبق الا باجماع اراء الآخرين الزول بتاع المحل دا يقوم يلبدوا ليهو ناس الأمن ويخلوا الهابطين مثله يشتروا التي شيرتات دي وبعد داك هو والمشترين يدوهم فشخة بي فرع لين من شجر السلم ويكون بي شوكو مش مبربح وخليهو تااااني يجي يترزق الله وخليهم يجوا تاااني يشتروا منو ….ودمتم
الريط راط قوف المساء زنل حتت برش يومه
وراط ناتى قوف المساء . الرندوك معنى الكلام
الطير طار فوق السماء نزل تحت شرب مويه وطار تانى فوق السماء
صراحة كدا الاتنين ديل بالغوا في اختيارهم للعبارات دي
هسي البت دي قاصده شنو بـ جوه الجك ؟! والود كمان قاصد شنو بـ دة الزيت
على العموم انا فهمتها ومافي داعي لشرح . وانتو شكلكم ما فهمتوا حاجه وصحب المحل دا او الفكرة دي قاصد يوصل الشباب والبنات ويشجعهم لحاجه معينه وما تمام بطريقه غير مباشرة !!! غايتو الله يستر لو الحاجه دي انتشرت
انا أفتكر ان دي ظاهرة جيدة يجب تشجيعهاو ذلك للأسباب التالية:
1- عندنا في السودان أزمة حادة في الإبداع فانا مبدئيا ضد أي حجر علي الإبداع خاصة الشبابي من تحت أي مسمي
2- عندنا كذلك أزمة في الإنتماء و الوطنية ، انا أشجع أي شئ يعزز من انتمائنا و سودانيتنا.
3- هذي اللغة أصلا مستعملة في الشارع و جزء أصيل من الثقافة الدارجة و لا أجد أي مبرر للخجل منها طالما لم تدخل حيز البذاءة. في العديد من البلدان تحتاج إلي فهم لغة الشارع كجزء من أي تقييم لإجادتك للغة تلك البلاد
4 – من الصورة المرفقة واضح جدا أن هناك إبداع فني رفيع في عكس الشعارات كرسوم علي القمصان و عمل تشكيلي و تصويري رائع.
إقبلوا هذا منهم اليوم و شجعوهم و ستجدون إبداعهم غدا فيما هو أرفع.
م. غازي عثمان
الرياض السعودية
عشناوشفنا