بالفيديو..طفلة سودانية صغيرة تطلب من الفنان عمر الأمين أن يغني أغنية (القمر بوبا)تشاركه بالغناء وتحظي بإعجاب الكثيرين
وبحسب الفيديو الذي تحصل عليه موقع النيلين فقد طلبت هذه الطفلة من الفنان عمر الأمين أن يتغني لها بعدد من الأغاني من بينهم أغنية (القمر بوبا) وأغنية إيقاع (السيرة) السودانية الشهيرة (حننو).
وقد إستجاب لها المطرب الشاب وغني لها الأغنية الشهيرة والتي صاغ كلماتها الشاعر الكبير إسماعيل حسن وقد تغنت الطفلة أيضاً بمقطع من هذه الأغنية.
وقد وجد مقطع هذا الفيديو إعجاب الكثيرين من الذين شاهدوه.
وتقول كلمات هذه الأغنية:
الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل
…………….
الصغيرون الما كبير
الرقيبة قزازة عصير
السنون براقن يشيل
العيون متل الفناجيل
مابتحش قش التناقير
مابتشيل جردل على الزير
الزراق فوقا تقول حرير
شتتي الشبال يا أم ضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل
……………..
القديما قديما الحمام
الويزيزين في موجو عام
ياما رايقه قليلة كلام
واااحلاتا تقول السلام
يا قمر بوبا عليك تقيل
……………..
الغزال الفوق في السلم
المحبة تزيد الألم
كل يوم اصبحلي في هم
سيسبان عودك منظم
شمعدان نفسك يا ام ختم
البرتكان نهدك مدردم
القمر بوبا عليك تقيل
……………..
الجزيري ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سايما
يا غرق يا جيت حازمة
القمر بوبا عليك تقيل
…………….
الصغيرون ام الجنا
ياكريم ربي تسلما
تبعد الشر من حلتا
جنه للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وااااهلاكي الناس شافتا
معذباني انا ود حلتا
القمر بوبا عليك تقيل
……………..
الدفيفيق الدابو ني
البسيمتو بتكويني كي
اهلو ضنو عليهو وعلي
حبك النساني والدي
ما بخليك إن بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل
……………..
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل
…………….
بحر الدميرة العبا ونزل
مرة يسقي الفل والنخل
فيهو عام وزينا وقدل
يانى انا البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل
…………….
المبارك شيخ الظهر
العليك ساسقت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قالي يا زول مرضك كتر
سببك ام شلاخاً خضر
القمر بوبا عليك تقيل
ياسين الشيخ _ الخرطوم
النيلين
[/JUSTIFY]
[FONT=Arial][SIZE=6]اولا اول مرة اسمع بفنان اسمو عمر الامين
ثانيا حرام عليكم طفلة بهذا الذكاء والوداعة تتعلم الغناء
لو اهلها علموها القران والحديث كان ابرك لها ولهم[/SIZE][/FONT]
القمر بوبا … !!!!! آآآآه يا وجع وآآآآه يا ألم ….!!!! يا اخوانا مالكم بترجوعنا لي ورا وبتعيدو لينا الآلام والأوجاع القديمة …!!! يا اخوانا زمان بتتذكرو كان في سفنجة إسمها سفنجة القمر بوبا … سفنجة تقيييلة وقوييية جداأول ضرب مبرح تلقيته من الوالد الله يديهو الصحة والعافية ويطول في عمرو وكان عمري وقت ذاك 4 سنوات كان ضرب شديييييد وقاسي جدا بسفنجة القمر بوبا وكانت أول علقة سخنة وحارة بسفنجة القمر بوبا… وتلك العقوبة القاسية يا اخواني تركت أثر إيجابي في نفسي ( وأقول إيجابي ) أي بعد كل تلك السنين لم ولن أنساها .. وبعد أن رزقت بالبنات والبنين قررت بألا أضرب أبنائي نهائيا وألا يكون الضرب وسيلة وأسلوب للتربية … والحمد لله ثقفت نفسي وقرأت كثيرا عن كيفية( تربية الأبناء )ووجدت بأن هناك أساليب كثيرة ومفيدة في تربية الأبناء غير الضرب … باختصار .. أسلوب الضرب ليس هو بالأسلوب المناسب والناجع لتربية أبناءنا … الضرب يزيد الطفل عنادا … والضرب الكثير يخلي الطفل ( مطرطش ) الضرب يؤثر سلبا في نفسية الطفل بحيث يزرع الخوف وانعدام الثقة في نفسية الطفل … أسلوب الضرب يخلق اضطرابا نفسيا شديدا في نفسية الطفل يؤثر عليهو في المستقبل … لذا يا أخوانا الآباء أنجع وأنجح أسلوب في تربية أبناءنا هو أسلوب ( الإحتواء ) بحيث نحتويهم ونمنحهم الحب والحنان وهم صغار ونخاويهم ونصادقم وهم كبار …. ولا إيه رايكم يا شباب … هذه دعوة للنقاش في هذا الموضوع ( كيف نربي أبناءنا ) … وهذا كله بسبب ( علقة سفنجة القمر بوبا ) … ومن ديك العلقة بقيت دائما أغني ( القمر بوبا علي تقيل ) … ههههه … وتحياتي لكم ودمتم سالمين .
رائعة اسماعيل حسن والفنان القدير محمد وردى عليهم رحمة الله