أشرف الكاردينال يدلي بالمثير من جدة.. القروش العند الهلال الحكومة ما عندها
دافع رئيس نادي الهلال اشرف الكاردينال عن اختياره لفاطمة الصادق كمنسق اعلامي للنادي رغم الجدل الذي يثار حولها ، جاء ذلك في اللقاء الذي جمعه مساء امس الاول بهلالاب جدة ، وقال في رده على عضو رابطة اهل الهلال بجدة، يوسف الفحل الذي سأله عن كيفية تعين فاطمة الصادق منسقا اعلاميا للهلال رغم انها اساءت للشعب السوداني كله بمقال سياسي في احد الصحف، قال : ان اختيارنا لفاطمة الصادق جاء لانها قلم متميز ، وكانت تدافع عن هذا المجلس في الوقت الذي كان يتعرض فيه لهجوم قاس واساءات فظيعة من البعض ، مشيرا الى انه لا يمكن ان تتم محاسبة صحفي على خطأ سابق ، وإلا لما سمح لاي صحفي بالكتابة، فالخطأ طبيعة البشر ، والعاقل من يستفيد من اخطائه، واضاف: تؤدي فاطمة الصادق عملها على افضل وجه، وتجد مساندة قوية من اغلب الهلالاب، وما تعرضت له انا شخصيا ومجلس ادارتنا من اساءات وشتائم عبر صفحات بعض الصحف، يفوق ما كتبته فاطمة الصادق عشرات المرات في تلك الصحيفة السياسية.
وفي رده على سؤال وجهته له الصحيفة بعد نهاية الاجتماع عن المبالغ التي دفعها للهلال من جيبه والمقدرة بـ 21 مليار كما ذكر، وهل سيستخدمها كورقة ضغط وديون مستقبلا في حال انه لم يكمل دورته لأي سبب من الاسباب كما فعل غيره من الرؤساء قال الكاردينال: دفعت هذه المبالغ عن طيب خاطر وهي تبرع مني للهلال، ولتأكيد ذلك فقد ادخلناها ضمن ميزانية النادي كتبرع وانا ما الزول البيدفع ويرجع يطالب بقروشو ويقول انها ديون وجدد الكاردينال التزامه بدفع 25 % من قيمة بناء الجوهرة الزرقاء، وقال: ما زلت عند وعدي بتوفير 25 % من قيمة بناء الجوهرة الزرقاء ، مبينا انه كان يمكن ان يتكفل بها جميعا ، الا انه قصد اشراك جميع الهلالاب في بناء هذا الصرح العظيم، ليشعروا انهم جزء منه، مبددا مخاوف جماهير الهلال من اي شيء يتعلق بالنواحي المالية ، وقال: (القروش العند الهلال عند الحكومة مافي) وعن الآلية التي سيعتمدونها لمشاركة الهلالاب في مشروع الجوهرة، قال: اتفقنا مع شركة الثريا التي وقعت معنا عقدا لرعاية الهلال لمدة ثلاث سنوات بثلاثة ملايين دولار على ابتكار آلية تقنية، ستمكن اي هلالابي في اي موقع من توصيل مساهمته الى النادي عبر جواله، مبينا انه يكشف هذا الامر هنا لاول مرة ووعد الكاردينال بحل خلافات الروابط في جدة، وقال: سنرسل وفداً رفيعاً الى جدة قبل نهاية الشهر الجاري بقيادة نائب الرئيس احمد عبد القادر والامين العام عماد الطيب للجلوس مع كل الفصائل المختلفة، ووضع آلية واضحة تمكن الجميع من العمل لصالح الهلال في جسم واحد وعن تلبيته لدعوة احدى المجموعات المختلفة في جدة واثر ذلك على باقي المجموعات المختلفة، قال: انا مستعد لتلبية دعوة اي مجموعة، طالما انهم يعملون لمصلحة الهلال، ولو كانت هذه الدعوة وصلتني من اي مجموعة اخرى لما ترددت في قبولها، المهم اننا في الادارة سنعمل على اذابة الخلافات الحاصلة وخلق رابطة قوية.
عدم التجديد لعمر بخيت
وعن عدم التجديد لعمر بخيت قال الكاردينال: هو من رفض التجديد والاستمرار مع الهلال، قلت لعمر شخصيا نحن نرغب في استمرارك كقائد للفريق ، واريدك ان تحدد المبلغ الذي يناسبك ، لكنه رفض ذلك وقال بانه سيجدد عقده وسيترك لنا التقييم، ويواصل الكاردينال حديثه في هذا الامر ويقول: في اليوم الذي كان من المفترض ان يأتي لمكاتب الاتحاد ويجدد عقده، فوجئنا بتخلفه، ولما اتصل عليه الامين العام عماد الطيب قال له انه يمر بظرف اسري ولن يتمكن من الحضور في الوقت الحالي ، لكنه سيأتي في وقت متأخر، وتابع : اقفل عمر جواله بعد ذلك، ولم يفتحه الا بعد الساعة الواحدة ليلا ، ليفاجيء بعد ذلك الامين العام بكلام آخر حين قال له بانه وجد عرضا من ناد آخر وانه يريد ان يعرف كم سيأخذ مقابل التجديد ، حينها اتصل علي الاخ عماد وقد كنت خارج السودان، واتفقنا على نطوي صفحة هذا اللاعب إلى الابد.
بكري لن (يدقها) في المريخ
تطرق الكاردينال في حديثه لقضية اللاعب بكري المدينة والاجراءات التي اتخذوها بشأن توقيع الى المريخ رغم انه وقع قبلها مع الهلال قال : اقولها بالفم المليان ان بكري لن يلعب للمريخ ، ولن يدق فيه كورة ، لقد سلمنا كل الملفات الخاصة بهذا الامر الى فريق المحامين الدولي الذي سيتابع القضية في الفيفا ، واضاف: اذا كان هناك اتحاد عام محايد ، ومدرك لواجباته لما سمح لبكري بالتوقيع للمريخ، او ارفاق اسمه في كشفه الافريقي ووعد الكاردينال بدعم الهلال بلاعبين أجانب مميزين في فترة الانتقالات القادة، افضل من كروز بعشرات المرات ، توقعا ان يتقدم الهلال في البطولة الافريقية في الموسم المقبل الى مراحل بعيدة اقلاها نصف النهائي او النهائي، وقال : نتطلع للفوز بكأس الاندية الافريقية ، فان لم يكن هذا العام ففي العام المقبل باذن الله.
اليوم التالي
خ.ي
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ثور فى مستودع الخزف
عالم وهم والله سودانكم ده كان اتقدم خطوة التراب الفي خشمكم ده يخص عليكم …ناس ماعندها حق الاكل لو عمل مستشفي ولا مدرسة ماكان احسن ليهو بعدين هو والوالي يقولو لي ربنا اتبرعنا لي المريخ والهلال طز في رجال ذي ديل
[SIZE=5][FONT=Arial] الخرطوم ـ الصيحة
وصف الناطق الرسمي باسم القوات المسلحة العقيد الصوارمي خالد سعد تحرير منطقة “فنقا” بواسطة القوات المسلحة وقوات الدعم السريع بأنه انتصار محوري، لكون المنطقة كانت تمثل قاعدة رئيسية لحركات دارفور، ولاسيما حركتي تحرير السودان جناح مناوي وجناح عبد الواحد النور.
وقال الصوارمي في تصريح خاص لـ “الصيحة” أمس إن الانتصار الذي حققته القوات المسلحة وقوات الدعم السريع يعد مكسباً كبيراً لأنه أنهى وفكك الحاضنة التاريخية للحركات الدارفورية، مشيراً إلى أن تحرير منطقة “فنقا” أنهى الحصار الاقتصادي على ولايات شرق، غرب، جنوب، شمال ووسط دارفور. ومضى قائلاً إن انهاء سيطرة الحركات على منطقة “فنقا” من شأنه أن يسهم في فك العزلة الاقتصادية لجهة أن المنطقة تقع شرق جبل مرة، وبالتالي تعتبر قلب دارفور.
ولفت المتحدث باسم القوات المسلحة إلى أن تحرير منطقة “فنقا” سيسهم في انسياب الحركة الطبيعية وحركة القوات المسلحة وقوات الدعم السريع، مؤكداً أن تحرير منطقة “فنقا” يعتبر عنواناً ومدخلاً لنجاح عمليات الصيف الحاسم التي ابتدرتها القوات المسلحة لانهاء التمرد.[/FONT][/SIZE]
اذا كان الناس اللي (شاربين) قانون الفيقا زي د. شداد (هلالابي ما متعصب)، قالوا أنو أقصى عقوبة يمكن أن تكون هي غرامة بكري المدينة فقط، دون ايقافه.
ليس من الحكمة أن يصرح رئيس ناد مثل هذه التصريح (ما ح يدقها)، وهو يشبه كلام ناس الكوشتينة المتحمسين، عندما تكون لاعبين كونكان 14، وتقول للزول اللي علي يمينك : كان (تجرني) خمسين … تعال علقها لي في أضاني دي !!!
كردنه يحرك الساكن (عزيز انت يا وطنى برقم قساوة المحن )
الكاردينال دا زول (شيخ عرب) لكن ما بيفرق بين الكلام مع أصحابو أثناء لمة فطور حول صينية شية في سوق الناقة … وبين الكلام في المؤتمرات الصحفية .
الكردنه وفطنة الفرعنه
بابكر سلك
01-06-2015
بسم الله الرحمن الرحيم
في السلك
*كردنه قال كلام في لقاء اهلة جده
*كلام زي مشي الجمل في الطين
*كلام دراب دراب
*ويقيني ان كردنه زاتو فاهم نص كلامو والنص التاني ماعارف هو قال شنو
*كردنه لسه عايش دايش من اثر قصة المدينه
*ومن اشهر آثار قصة المدينه
*خسارة الهلال لتلاته من اعمدته الاساسيه
*عزو وود بخيت ومهند (كبري اسبانيا )
*فتخبط كردنه واتي بمحترفين لقيط ساي
*زي الزول المشي يجيب عيش
*لما ما لقي خمي اي قرقوش قدامو ورجع
*محترفين عيانين ومصابين ومعوقين ومواسير
*ده كلو من بكري
*وبدأ كردنه يهرطق ويهضرب ويبرطم ساااااي
*مرة يقول ليك والله بكري ما يدقها
*لا ياخ
*شيل كورتك وفرتق الدافوري
*ومرة يقول ليك الهلال ما مديون
*وعمر بخيت طالب الهلال حق باقي الموسم الفات
*ومره يقول ليك الهلال اغني من الحكومه
*ويرجع يقول الجوهره الزرقاء هو متبرع بي خمسه وعشرين في الميه من تكلفتها
*والباقي يتموهوا الهلالاب
*من وين اغني من الحكومه ومن وين البنيان شرينق ؟؟؟؟
*الله يجازيك يا بكري المدينه
*لكن بصراحه
*بقول ليك بكري حايلعب للمريخ
*وحايجيب قون او اتنين في الهلال في اول مواجهه بين المريخ والهلال يا كاردينال
*وكلامي ده اتذكروا كويس
*والتاريخ بقول كده
*طمبل جانا مت الهلال
*شبع اقوان في الهلال
*كليتشي جانا من الهلال
*جاتو قرفه من كترت اقوانو في الهلال
*تراوري ده
*عكسها في كورة الهلال
*دخلتوها براكم
*ما تجعجعوا ساي
*ايها الناس
*اجرت المشاهد حوار مع ابو بكر مصطفي وكيل اللاعبين
*من ضمن الاسئله كان سؤال عن بكري المدينه وموقفه
*السؤال كان كده
*هناك من يردد ان توقيع بكري المدينه للمريخ قانوني لانك اصلا لست بوكيل لمهاجم المريخ
*تخيلوا رد وكيل اللاعبين كان شنو
*قال
*حسب قانون الفيفا هذا الحديث غير صحيح , فتوقيع اللاعب لاي نادي لا يشترط ان يكون وكيل اللاعبين خاص باللاعب نفسه فهذه الخطوه يمكن ان يقوم بها اي وكيل بدون قيد او شرط
*انتهي كلام السيد وكيل اللاعبين
*وكيلك الله يا ابو بكر مصطفي
*الفيفا يعني عاملاكم زي المأذون تعقدوا ساااااااي ؟؟؟
*المأذون البطلع القسيمه عندو دائرة اختصاص ياخ
*حتي ولو عقد ابو العروس بي نفسو
*الناس دي بتبقي وكلاء بامتحان ولا الحكايه دي ساي يا ناس ؟؟؟
*المهم
*قصة بكري لخبطت كردنه شديد
*وذكرتني قصة واحد مصري عاملين معاهو لقاء تلفزيوني
*قابلوهوا صدفه في الشارع
*قالوا ليهو اسمك مين يلا ؟
*قال ليهم اسمي عطوه ابن المعلم رضوان
*قالوا ليهو انت من فين يلا ؟؟؟
*قال ليهم
*اني من دمنهور يا بيه
*قالوا ليهو النهار ده عاوزين من خلال البرنامج بتاعنا ده ان نثبت للعالم ذكاء الشعب المصري
*ابتسم
*قالوا ليهو جاهز يلا ؟
*قال جاهز
*قالوا ليهو سيدنا عيسي بن مريم عليه السلام امو اسمها مين ؟؟؟
*قال ليهم اسمها عائشه
*ذكاء الفراعنه بشبه لينا بتاع الكرادنه
*بكري لاعب يا كردنه
*المهم
*لامس اوكرا الكرة
*واقنع الجميع
*الخريف اللين من رشاشو بين
*والجواب يكفيك عنوانو
*ايها الناس
*من لخبطات كردنه مساسه بكباتن الهلال الذين قدموا للهلال
*قال المعز لوز دفع لينا ما كنا حانعيد تسجيلو
*وقبلها كان يتحدث عن القرار الفني في الاحلال والابدال
*تناقض واضح
*وقال انهم ابعدوا او استبعدوا عمر بخيت لانو قال داير يعرف حقوقو قبل ما يوقع
*وقال عمر قال للامين العام وروني سعركم كم
*كردنه
*يوقعوا ساااااي بدون ما يعرفوا حقوقهم كم ؟؟؟
*عقودكم كانت كده ؟؟؟؟
*يعني عقدكم الفشوش مع المدينه في حتة المقابل كنتوا كاتبين
*بالمقابل المتفق عليه ؟؟؟؟؟
*يازعيم امة الهلال
*ان مأذون ؟؟عقد لا يشير للمقابل ؟؟؟؟
*الله يجازيك يا المدينه
*ايها الناس
*ماذا حدث في موضوع بيتر جيمس جنا ؟؟؟؟؟
*الموضوع ده بتتعلق بيهو مصالح نادي عريق اسمو العباسيه
*وهل فعلا كان هناك
*ولا مافي داعي
*فقط ننتظر البحصل في الموضوع ده
*لانو احمد بيتر احتمال الهلال يحتاج ليهو بعد ثبوت ماسورية مكسيم
*وقبل ما نخل في شد وجذب
*حقو اهل القرار يطلعوا القرار
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*ولايتك كوشه
*من ناحية كوشه
*وسخانه في اي ملف كوشه
*زمان نلقي حله جمبها كوشه
*اسي نلقي حله وسط سبعين كوشه
*كووووووووووووووشه
*والناس مبشتنه شعورا منكوشه
*والصقر راكي في رموشا
*الصره عنوان مكان البسمه البشوشه
*والناس فااااهمه وعارفه وماها مغشوشه
*تتكندك كتاحه وتتملي بي بوشا
*وبكرة يمين تلقاك حانفه وشوشا
سلك كهربا
ننساك كيف والحاله بطاله وتتناثر اكياس الزباله بس تعرفوا للقواله
والي لقاء
سلك