منتخبنا يخسر من غانا بثنائية ويعقد حساباته

دي نتيجة معروفة وأنا أول ما عرفت التشكيلة التعبانة للمنتحب عرفتا منتخبنا بتغلب وبنتيجة ثقيلة كمان… وكتبتا تعليق بالشكل ديت لكن للأسف ناس النيلين ما رضو ينزلو تعليقي…؟!! وما عارف السبب شنو عجرفة زي عجرفة المدرب الفاشل (اسفين قوز طين) ولا عايزين ينوموا في العسل ويتخيلو انو منتحبنا ممكن يحقق نتيجة طيبة!!! 😡 😡 😡

دفع فلوس عاي الفاضي نتائج هزيله ،يجب تغير في أتحاد الكرة لانهم منذ اكثر من 10 سنوات لم يقدموا جديد ، يجب اعطاء الفرصة للآخرين كما يجب أعطاء الفرصة للاعبين من الاندية الاخري مساواة مع لاعبين المريخ و الهلال لانهم خلاص فقدوا روح اللعب ؟! تعلموا الدرس من المصريين و الجزائريين و ماحققوا من نتائج خارج ارضهم

الفريق القومى افتقد الروح القتالية والتنظيم وكانت اللياقة دون المستوى وادى بطريقة انهزامية كما افتقد القيادة والخبرة وبعض اللعيبة المؤثرين فلم يكن فى الموعد
وكان المنتخب الغانى بعمالقته المحترفين مصرا على الانتصار فادى واستحق النتيجة بهدفين واضاع العديد من الفرص كما استطاع الدفاع السودانى ان ينقذ اهدافا من داخل الشباك كانت كفيلة بزيادة حصيلة الاهداف الغانية. ادام الله شداد وقسطنطين المتعجرف .

ولا استيفن ولا شداد كله ما نافعين نهائي ، والدولة اذا عاوز تريد تهتم بالمنتخب يجيب مدرب عالمي بقروش البترول ، بدلا من الكباري والسدود اللي ما مستفيدين منه بشىء غير دفع قروش بيوت التهجير التعبانة والاراضي الزراعية الغير منتجة وطلمبات مشاريع الزراعة الغير صالحة .
ياهووووووووووووووو ياناس الحكومة المنتخب بيلعب باسم السودان ما بيلعب باسم المريخح والهلال ،
شيلو شداد جيبولينا ناس غيوريين على البلد بلاش عنجهية في الفاضي

للمرة الثانية يضيع منا نصر في متناولنا بسبب هذا المدرب المعتوه وبسبب عناد قادة الاتحاد واصرارهم علي بقائه رغم فشله الواضح
هذا الاستيفن لايعرف سوي اثارة المشاكل والغلاغل
لعب بطريقة لا يعرفها الاهو في مبارة لاتقبل القسمة علي اثنين ففي الوقت المفترض فيه أن يركز علي تشكيلة ثابته ولها خبرة تعرف كيف تتعامل مع محترفي غانا لم ينجح في ذلك ولو اختاروا أي مشجع من المساطب لاختار تشكيلة أفضل من التي وضعها هذا المتفلسف الوهم وليس لهؤلاء الشباب اللذين اقحمهم في تجاربه الخائبة أي ذنب بل نشد من أذرهم لماقدموه.
باخطاء المدرب واصرار قادة الاتحاد علي بقائه خرجنا حتي من الوصول الي نهائيات انجولا .
ماذا تبقي لكم لكي تبقوا في مناصبكم اعفوا هذا المدرب الذي مسح الصفحة الناصعة التي رسمها صقور الجديان عن الكرة السودانية ومن بعدها تقدموا باستقالاتكم ان كانت لكم كرامة

اللهم لا شماتة ماذا كنا ننتظر من هذا التيم وانا لا اعيبه ولكن اعيب من دربه ومن اتى بمدربه اب رجلا ناشفة وزمان قلنا يا ناس خلو لكل فولة كيالها والفريق القومى يمثل السودان بأثره يعنى الهزيمة وقعت على كل البلد والسبب تعنت وعدم دراية وسؤ تقدير وبصراحة قوة راس وتهاون – وبنقول لازم الجهات العليا فى السودان لازم تضع يدها على مواطن الخلل وهى واضحة وضوح الشمس حتى تستعيد بلادنا امجادها السابقة وهى شوية قرارات بسيطة لتصحيح المسار اولها حل الاتحاد العام وتكوين اتحاد عام جديد بالتعيين الى حين انتهاء فترة الاتحاد الموجود الان – اصدار قرار لوزارة المالية بتخصيص مبلغ مقدر للصرف على الفريق القومى الذى يمثل البلاد وهى مصاريف استجلاب مدرب كفأ ذو سيرة ذاتية ممتازة وشهرة وتاريخ وله حرارة قلب وغيرة على شاكلة حسن شحاتة المصرى – شراء كل احتياجات الفريق التدريبية وبقية مصروفات التدريب والنقل وخلافه ويجب ان تكون هناك لجنة فنية من مختصيين لاختيار التيم الجدير بتمثيل البلد وهؤلاء المختصين لازم يكونوا من من مارسوا لعب كرة القدم ومارسو التدريب لأنهم ادرى بامكانيات لاعبينا ويترك بعد ذلك الامر للمدرب الجيد ليصقل هذه الامكانيات الفنية ويخرج بفريق يشرف البلد – اما الحالين فنسأل الله ان يعفو عنهم فقد اضرونا كشعب واضرونا كوطن وامة – اللهم لانسألك رد القضاء ولكن نسألك اللطف فيه

والله افتكر شداد انسان دكتاتور وفلسفة على حساب الوطن وبرضو مدرب فاشل فى كل سياساته.. دا مفترض يسموه غطستين لانو غطس حجرنا:mad: 😡

تسلم يا وطن – ياناس كلو اللعيبة ديل ما منهم فائدة سرحو المنتخب دة بالامانة ياناس شوفو منتخب الجزائر منتخب مجدد لعيبة شباب ومنتخب زامبيا وشوفو منتخب جنوب افريقيا ياناس كلو الدول الافريقية بتطور فى الكورة شوفهم بيلعبو الكرة من لمسة واحدة كرة سريعة كورة حديثة ونحن خاطين امالنا على لعيبة واللة اخير منهم دورى المدارس كفاية كفاية حرق اعصاب وتضيع زمن وضياع اموال بتصرف على لعيبة ما عندهم غيرة على البلد كلو مرة نقول يمكن الفرج قريب يجو اليوم التانى يحرقو اعصابنا قلنا المرة دى يمكن يكون خير ونوصل ولو للامم الافريقية ولكن للاسف حرق اعصاب بس الحل هو………

1 – تجميع ناشئين من دورى المدارس تحت 21 سنة 120 لاعب من جميع انها السودان من غير مجاملة ولا محسوبية .

2 – اعملو تصفية الى ان تختارو افضل 30 لاعب

3- اعملو صندوق تبرعات من السودانين المغتربين ولو كلو واحد يتبرع ب10 دولار

4-اعملو ليهم برنامج اعداد ومعسكرات خارجية خطة اعدادية من اجل الوصول الى كاس العالم 2014

5-يكونو بعدين من نادى الهلال والمريخ عشان ما يروحو شمار فى مرقة زى ناشئين سنة 90 عاكف عطاء والباقين

وجيبو ليكم مدرب يكون عندو الغيرة على شعار البلد لانو الشعب السودانى يستحق البسمة والفرحة بس الى متى سوف نكون فى انتظار الغائب من منتخب ما منو جدوة ارحمونا شوية كفاية حرق اعصاب
😡 😡 😡 😡 😡 😡 😡 😡 😡 😡 😡 😡 😡 😡

دة مستوانا الحقيقي المشكة مافي شداد لعيبتنا مابيعرفو شي عن الكورة الحديثة يعني ماعندهم ثقافة كروية ث

شداد الله يهديك لمتين قاعد لينا في فشفاشنا ؟ الله يفشفش عضامك يااخي ضيعت الكورة وضيعت معاها سمعة البلد ، جايب ليك مدرب افشل منك عشان يفضحنا كل ما نلاقي لينا منتخب والله مع مدربك ده امكن روابط الناشئين تغلب الفريق القومي ما تستقيل يا …………………. شداد وتريحنا من بلاويك دي انت ما بتحس ولا عندك دم الناس كلها بتنادي باستقالتك الله يلعن ابو الفيفا الحامياك دي يا اخي غادرنا :lool: :lool: :lool:

ما دام شداد ومن عاونه موجودين فى أفشل اتحاد كرة عرفه السودان منذ تاسيسه لا يمكن تتطور الكورة فى السودان واذا الدولة ما اتدخلت فى الموضوع بسبب قوانين الفيفا التى تحمى فرقة الهزائم الشدادية أقول بكل صراحة أن ينتفض الشعب فى ثورة عارمة ويحاصر مبانى الاتحاد ويجبر شداد وفرقته على الاعتزال ويكتبوا تعهد بعدم ممارسة أى نشاط رياضى وسياسى فى السودان لأن هؤلاء لا يعرفون الا مصالحهم الخاصة فقط . والمدرب استيفن لا يصلح حتى عربجى عشان يدرب المنتخب ويحرق أعصابنا . اسالكم بالله هل سمعتم بهذا المدرب فى حياتكم. نحن البنعرفوا الناس اذا عايزة تطور الكورة بيجيبوا مدربين على كفاءة عالية لأنوا ياشداد انت ما بتدفع من جيبك لأنوا دا مال الشعب السودانى البيدفع من دم قلبوا عشان يرفع اسم السودان عاليا .