شداد: مدرب المنتخب باقٍ وريتشارد لن يرتدى شعار المريخ
حسم الدكتور كمال شداد رئيس الاتحاد العام الجدل ووضع حداً للاجتهادات حول مصير مدرب المنتخب الوطني الانجليزي استيفن غسطنطين بعد خسارة المنتخب لمباراته الثانية في التصفيات الافريقية امام غانا ايضاً مصير لاعب الهلال ومدافعه المشطوب ريتشارد في الانضمام للمريخ من عدمه حيث دافع د. شداد عن مدير المنتخب استيفن بقوة واكد ثقته فيه وفي دعمه بلا حدود وقال د. شداد في تصريحات خاصة لـ »قوون« ان الحملات الاعلامية المكثفة لن تجبر اتحاد الكرة على ابعاد المدرب لأن هدفها بالنسبة لنا واضح جداً وهو بعيد كل البعد عن المصلحة العامة ومن ناحية اخرى سادت حالة من السخط العام وسط المسئولين بنادي المريخ عقب الفتوى التي اصدرها الدكتور كمال شداد رئيس الاتحاد العام حول استحالة قيام المريخ بتسجيل لاعب الهلال المشطوب ريتشارد جاستن والذي انفردت به »قوون« امس حيث جدد د. شداد تأكيداته لـ »قوون« عن عدم قانونية ضم المريخ للاعب ريتشارد خلال فترة التسجيلات التكميلية الجارية واضاف ان المسألة القانونية في هذه الحالة واضحة جداً حيث انه لا اجتهاد في وجود نص واضح وصريح وهي المادة (٨٤) (د) من القواعد العامة لاتحاد كرة القدم السوداني والتي تقرأ كالاتي : »اللاعب المشطوب من احد اندية الدرجة الممتازة او الصاعدة للدرجة الممتازة لا يحق له التسجيل في اي نادي بالدرجة الممتازة وترتيبه افضل من ناديه السابق بنتيجة آخر بطولة للدوري الممتاز« ..
واوضح د. شداد انه كما هو معروف ان المريخ هو الذي حاز علي آخر بطولة للدوري الممتاز وحل الهلال في المركز الثاني وكشف د. شداد ان انتقال اللاعب ريتشارد للاتحاد العماني واللعب في احد انديته بعد شطبه من الهلال لا يعني الالتفاف حول المادة المذكورة .
صحيفة قوون
ماذا تنتظرون من شداد
انه مثل الاطفال خالف تذكر
المدرب زي ما بيقواو ماسورة
لكن والله لو هذا الشداد اذا لم ينتقل الى رحاب ربه لن تتطور الكرة ابدا لافي الفرق ولا في المنتخب
يادكتور شداد الله يهدينا ويهديك إنت اصلاً جابوك رئيس الأتحاد عشان تساعد ولا جابوك تعاكس الأنديه والمنتخب الله يهديك المدرب بتاعك دا لو عاجبك سوى ليه فريق فى الحله خليه يدربه ليك وإنت مفروض تشوف ليكك حاجه غير الاتحاد وربنا يوفقك
يا شداد عليك الله المرة دي ماتعاند في المدرب ده .. ياخي المدرب ده ماعندو أي حاجة يعني كيسو فــــــــــــــــــــــــــاضي ماتعاند ساي وهو يعني انت ما لاقيليك حاجة تعاند فيها يعني ما ممكن تقول اي حاجة وتلخبط الناس بس المدرب ده .. والله ماعارفين نقول شنو ذاتو , يعني عشان انت لاقي المنتخب ده ماعندو زول زي صلاح ادريس .
الغريبة المنتخب منتخب الشعب ده كلو 40 مليون نسمة !
ياجماعة الله منو البفكنا من شداد وعمايله ياخى لو عاجبك المدرب خذه عندك بالبيت مش كمان الحلة 0
انت مبارة ما بتحضرها ومدرب وما تشوفوا الا بالتلفزيون ياناس دى شبكة شنو دى 00
اللهم لا نسالك رد القضاء لكن نسالك اللطف فيه 0:crazy:
sagam wa krooooooooooor enta ya sagam $dad
ياشداد ياشداد والله كرهتونا المدورة دي ولا الجلدة دي يخلي شوف ليك حاجة غير الاتحاد العام انت ماقلت عاوز الاولمبية فكنا وفك حنانا البلد الذاتو مافيها كبير ولا كان في كبير والله ماقعدة ولا يوم . المدرب العاجبك ده عليك الله اديهو جنسية عشان مايرجع ولا الاحتلال والاستعمار رجع ونحن ماعارفين امكن الانجليز رجعو تاني ونحن نايمن في الخط ( الله يرحم والديك شوف حاجة تانية انشاء اتحاد المراة .
ياشباب
يا أخوانا شداد ده اسي مالو .. عمل شنو ..
الراجل ده بطبق في قوانين ولوائح … هذه اللوائح والقوانين تم الإتفاق عليها من عدة جهات بمافيها الأندية ذاتها …
والله نحن السودانين عايشين في عشوائية وح نفضل نعيش فيها مدى الحياة …
أما بالنسبة لمدرب الفريق القومي
أنتو ياشباب قصتكم شنو …يجي واحد فيكم أسي يحسب لي كم مدرب مر على الفريق القومي ده …
المشكلة ما مشكلة مدرب المشكلة مشكلة لعيبة .. ياجماعة أفهمو ده حدنا ودي قدرتنا وده فهمنا في الكورة .. نحن بعيدين كل البعد عن فنيات وتقنيات كرة القدم … والله لو جا ماريو زاغالو نفسو … ولا إريكسو بحد زاتو .. فريقنا ح يكون بنفس الحال ولن يتغير …
لعيبتنا ما بعرفو يطبقو الحاجة البقولا ليهم المدرب ولا بعرفو بقيفو في الملعب ولا بعرفو تقنيات اللعب ولا عندهم خيال … لسه بنلعب لعب الرابطة ….
أرحمو شداد وأرحمونا من نظرياتكم دي وشوف ليكم حاجة تاني غير الكورة دي تفقعو بيها مراراتنا … لأنو مكان الكورة المخصص في المرارة للفقع عندي .. إنفجر عديل
:crazy: 😡
ياجماعة المسألة ما بالتعقيد ده، المدرب ده فكرته واضحه .
هو عايز يصنع فريق قوي ومستقبلي وده الحاصل،
يعني: كأس العالم ده أنسوه لكن الجاي وبالطريقه دي يكون حقنا ان شاء الله
وبالمناسبة ليكم عاقلين شويه،
وين الفشل بتاع الفريق البتتكلموا عنه ده،
-بنين غلبتنا وفي ارضها واحد صفر بس وهل كان ناس العجب حيعملوا احسن من ده
-وغانا الغلبتنا 2-0 بس هي الغلبت مالي 4-0 يعني المشكله في غانا ما المدرب ونحن الأفضل بعد غانا ان شاء الله
اكيد المدرب باقي لانه لو الدكتور كمال شداد وافق على اقالة او طرد المدرب حيكون ده اعتراف صريح من الدكتور بانه فاشل لانه هو الجاب المدرب الكرور ده ، يا دكتور الله يهديك ويرضيك يا اخي قلنا الروووووووووووووب عليك الله اتفك من رقبتنا ومن رقبة الكورة في السودان خلينا نشم الهوا شوية . :lool: :lool: :lool:
قبل اقالة المدرب نطالب وبشدة ان شاء الله بقرار جمهورى اقالة الاتحاد العام للكورة بقيادة د- شداد لأنوا الاتحاد دة كان سبب فى بلبلة منشط كرة القدم وما قدم اى ايجابيات تذكر له كرصيد دائما سلبين فى اى شيىء وليهم اغراض غير واضحة فى التمسك بالمدرب التعبان دة – يا اخ شداد انت لو مقتنع به اعمل ليه تيم فى سن الستاشر خليه يعمل ليك منهم تيم قوى تنافس به سنة 2015 وخلينا نشوف بعدها قدمهم ولا طفش ليهم الكورة من راسهم