تعيين سودانية عضواً في لجنة استشارية للأمين العام للأمم المتحدة
أصدر الأمين العام للامم المتحدة بان كي مون قرراً بتعيين السودانية هديل إبراهيم ، المدير التنفيذي لمؤسسة مو إبراهيم ضمن عضوية اللجنة السامية لتمويل الأنشطة الإنسانية ، التي أوكلت إليها مناقشة اوضاع تمويل الأنشطة الإنسانية في العالم وكيفية تطويرها وجلب موارد جديدة لمقابلة الإحتياجات المتزايدة حول العالم . وتضم اللجنة تسعة خبراء من مختلف دول العالم ، ويرأسها سلطان نازرين شاه من ماليزيا وكريستينا جورجوفيا من بلغاريا .
وسترفع اللجنة تقريرها للأمين العام بحلول شهر نوفمبر القادم تمهيداً لوضع الاجندة والنقاشات للقمة العالمية للقضايا الإنسانية التي ستعقد في يونيو 2016م .
وهديل إبراهيم هي إبنة الملياردير السواداني – البريطاني المهندس محمد فتحي إبراهيم المقيم ببريطانيا وتعمل مديراً تنفيذياً للمؤسسة الدولية التي أنشاها والدها وتعني بتطوير انظمة الحكم الراشد والقيادة في افريقيا .
صحيفة السوداني
بس دي ما سودانية انتو شابكننا مو مو مو ياخ ما سوداني من اصل سوداني فرق كبير بينها وبين سوداني الجنسية والله انو اهل العوض الرجع الجركانة زاتهم يحلنا الحلا بلة
يا ابوالليل هديل ووالدها اكتسبو تسمية سودانى الاصل هذا لانه يحمل الجنسية البريطانية فبطبيعة الحال هو لن يكون بريطانى بالميلاد ولكنه بالتجنس اذا هو سودانى مية المية بس تسمية المؤسسة باسم ((مو)) هو انتقاص من اسم الرسول (ص)
عينوها عشان خاطر قروض ابوها
أروقة الامم المتحدة مليانة بالشابات السودانيات ميه الميه مرقن من جوه السودان ومن بطن جامعة الخرطوم يشغلن وظائف متقدمة بى جدارة ونجاح التحية لهن ممثلات للمرأة السودانية المستنيرة
زي منو؟؟
في ناس مرض ما يعجبهم اي شي
بنت بلادي يا أبية, لك التحية ….
ما دايرالها عريس
نسأل الله أن يوفقها … بس السحنة …. والقسمات اقرب للهند … وما جاورها منه للسودان
وهذا الكلام طبعآ … بدون تعصب …. وشتائم …. وكلام فارغ … هذه ملاحظة فقط !
المهندس محمد فتحي إبراهيم حلفاوي وزوجتة محسية البنت نوبية أصيلة اب عن جد
هووووووووووووي البت حلفاويه والماعاجبو يشرب من ـــــــــــ
ههههههه خلي روحك رياضية يا mohammed
انا ما عارف الناس البتقول انو اسم مو بينتقص من اسم الرسول بيقول الكلام ده على اى أساس ؟
يا سيدى ( مو ) هو محمد بالإنجليزية وبما انو اسمه محمد وهو مقيم وعايش في بريطانيا الخواجات بينادوه بهذا الاسم وهو محمد في لغتهم كما اسلفت وهو اشتهر بهذا الاسم , يعنى انا ما عارف الانتقاص وين ؟ غايتو عالم معقدة الموضوع من فراغ وده كل بعدم فهم وعصبية ما عندها معنى !!!