رياضية
قطب هلالي يتكفل بشراء سيارة (توسان) موديل 2016 للاعب الهلال كاريكا ولكن بشرط
تكفل قطب الهلال عثمان حمد احمد عبيد وأبنائه التوأم عمر وعثمان بشراء سيارة جديدة ماركة (توسان) للاعب الهلال وهدافه مدثر كاريكا وذلك في حالة حصول الفريق الأزرق علي اللقب الإفريقي.
وبحسب ما ذكر بعض رواد مواقع التواصل الاجتماعي فقد صرح حمد لمهاجم الهلال وللمقربين منه بأنه سيهدي كاريكا السيارة وذلك خلال استضافته لبعثة الهلال بمنزله بالكاملين.
ياسين الشيخ _ الخرطوم
النيلين
شد حيلك يا كاريكا ,,,, بالتوفبق للهلال احراز الكأس الغالية ,, لقد طااااااااااااال الانتظار
اتمنى فوز الهلال بهذه البطولة … ولكن الكلام دا ماصح .. يمكن كاريكا مايكون هو اللاعب المؤثر فى البطولة ..قد يكون مكسيم مثلا او اى لاعب آخر وبعدين مثل هذا الكلام قد يسبط من همم بقية اللاعبين وقد يحسد من زملائه المهاجمين …واللاانا غلطان ؟؟؟
كاريكا دا كارو خسارة فيهو لاعب سلبي ياريت لو تم شطبو مع الفاتو
والله كلامك صح يا الصريح وأنا شاكي في سوء نية عاوزين الهلال يطير ما
اقطع درااااااااااعي دا كلام واحد مدسوس …. يا مريخابي ……. يا صلاح ادريسابي ،،،،،،،،،،
دا كلوا شتل المريخاب ،، ولا أستبعد أن يكون مزمز الحاقد، عاوز يشتت أفكار لاعبي الهلال
مال سايب
القطب الهلالي ده مالي يده وعارف إنه ما حيخسر حق العربية لأنه مقتنع إنه مافي كاس ولا حاجة , هو فريق تاسس سنة 1930 وما حقق أي إنجاز خارجي , شنو البخليهو يحققه في ظل وجود عمالقة أفريقيا وأصحاب الإنجازات الخارجية؟
نوم قفا يا قطب , قروشك حتقعد في جيبك وكأن شيء لم يكن!!!
راجعين للمحلي والفوز على أهلي مدني وإزردهار قوز الناقة!!!
القطب الهلالي ده مالي يده وعارف إنه ما حيخسر حق العربية لأنه مقتنع إنه مافي كاس ولا حاجة , هو فريق تاسس سنة 1930 وما حقق أي إنجاز خارجي , شنو البخليهو يحققه في ظل وجود عمالقة أفريقيا وأصحاب الإنجازات الخارجية؟
نوم قفا يا قطب , قروشك حتقعد في جيبك وكأن شيء لم يكن!!!
راجعين للمحلي والفوز على أهلي مدني وإزدهار قوز الناقة!!!
بعدين يا قطب : خليك إنت وأولادك واقعين وعمليين أكتر من كده , إنت فريقك لسه قدامه أكثر من عقبة عشان يصل مرحلة الكأس دي , ودي في حد ذاتها مشكلة كبيرة تواجه فريقكم ده , سوء التخطيط وعدم الواقعية والقفز على المراحل بسذاجة شديدة جداً.
فكروا أولا سموحة وكيفية التغلب عليه أو على أقل تقدير التعادل , ومن ثم التفكير في المباراة التي تليها في حال التأهل ومن ثم التفكير في المباراة النهائية إذا حدث ذلك.
أحلموا كده لالالالامن قزاز السمنة تطير فوووق وتتبخر الأحلام.
خليك واقعي يا قطب , لو قلت توسان في حالة التغلب على سموحة أو التعادل كان يكون معقول , فأحسن تحلم على قدرك وتمد رجليك على قدر لحافك!!!
قال كاس قال!!!
ابقى قابلني!!!
أولا العربة موديلها ينطق تكسون وليس توسان Tucson يبدوا أن الشعب السوداني أصبح يجهل أبسط قواعد الإنجليزية اللهم لا شماتة
كدي ورينا يادكتور المهجر بينطقوها توكسون في ياتو مهجر من المهاجر