رياضية
بالصور.. مشجع مريخي يتحدي الصعاب..يتحرك من مدينة كوستي صوب أم درمان و يقطع مسافة 360 كلم بدراجته من أجل مؤازرة المريخ أمام مازيمبي
جسد مشجع فريق المريخ السوداني عبد الباسط كل معاني المحبة والوفاء لفريقه وهو يقطع مسافة 360 كلم قادماً من مدينة كوستي قاصداً مدينة الخرطوم لمساندة فريقه في مواجهته المصيرية أمام مازيمبي الكنغولي في ذهاب نصف نهائي دوري أبطال إفريقيا.
وبحسب الصور المتداولة بكثافة علي مواقع التواصل الاجتماعي فقد قطع عبد الباسط مسافة 360 كلم من أجل الوصول لأم درمان معقل المريخ.
وقد مر المشجع الذي وصفته جماهير المريخ بـ(الوفي) بعدد من المدن وقام بالتوثيق لرحلته بالصور.
عبد الباسط وجد اهتمام غير مسبوق من قبل رواد مواقع التواصل الاجتماعي, حيث وجه البعض منهم رسالة للاعبي المريخ كتبوا من خلالها (أنظروا ماذا تفعل جماهيركم لأجلكم) وطالب البعض منهم إدارة النادي الأحمر بشراء دراجة بخارية للمشجع الوفي.
ياسين الشيخ _ الخرطوم
النيلين
ما غريبه على الصفوه وهذا فيض من كثير ، شكرًا أيها الشاب
منتهى العطالة .
بدرى ياعبد الباسط مستعجل على الهزيمة …
الناس تجاهد في الايام دي عشان تمشي الحج …تقول لي ماشي الخرطوم عشان المريخ الله يهدي الجميع …. ثم دي ايام استغفار وتكبير وتهليل وتسبيح وصيام وقراءة قران وصدقة وكل عمل صالح الاجر فيه مضاعف تقول لي قاطع المسافة دي كلها عشان كورة …. الله يصلح حال المسلمين……
الله يهدي الجميع
حقيقة كل إناء بما فيه ينضح
انت بتجاهد وين
في واحد مريخابي في لندن تبرع له بمبلغ 2 مليون تسلم له فوراً
ما عندو شغلة يقضيها بس ما أكتر، الله يهدي الجميع..
زول فايق ورايق كما يقال وما عنده شغلة بس ” الناس في شنو وهو في شنو ؟؟؟؟ المشكلة بعد ده يتهزم المريخ في عقر داره وتكون رحلتك طلعت فشوش وتعب ساكت ….. عالم عجيبة خلاص ….
فايق وعديم شغل الزمن