الجمعة سياسة

1
اشترى لزوجته خاتما بعد عيد الفطر مباشرة.
2
قالت له: ليته كان قبل العيد.
3
قال لها: إنه قبل العيد فعلا.
4
قالت له: وكيف ذلك ونحن في الستوت؟
5
قال لها وهو يلبسه لها وهو مغمض العينين وهي كذلك والقلوب تتحاوم فوقهما:
امسكي فيه قوي: ده لخروف الضحية بإذن الله.
6
قالت لها أختها: عليك الله يا أمونة أديني خاتمك أمشي بيه عرس ناس سوسن وأجيبو ليك.
7
ترددت أمونة وضربتها في سرها وأعطته لها.
8
جاء لها زوجها بحلق ذهبي.
9
ده لملحقات الخروف يا أمونة.
10
قال لصديقه: القروش ما بتقعد في اليد.
11
صاحت أمونة في أختها: وووب علي راح كيف يعني.. كدي فتشي كويس.. ده والله عاوزين نبيعو عشان نشتري بيه الخروف.
12
ذاع الشمار: خاتم أمونة المشترنو للخروف ضاع.
13
قال لها: قدر الله.
14
أعطاها خاتما جديدا بعد سلفة.
15
لم تسكت رغم محاولات أمها المستميتة لإسكاتها بعد نوبة بكاء: الخاتم التاني برضو راح يا أمي هسي عصام حا يعمل لي شنو؟
16
قال لها: ولا يهمك يا حبيبتي.. بس السلسل ده غالي شديد ما تضيعيهو. وألبسها سلسلا.
17
قالت في نفسها: ما أطيبه: ثمن السلسل ده بجيب ثور ناهيك عن حصان.
18
طلب منها السلسل أمس: بس يا عصام عايز تجيب الخروف بدري ليه المرة دي؟
19
قال لها: خروف شنو؟
– أجي يا عصام مش السلسل ده لخروف الضحية؟
– أبدا خروف الضحية إنتي ضيعتي قروشو..
أنا ماشي أعرس بقروش السلسل ده.
وصفق الباب وراءه.
20
علم أهلها بالأمر: تم شراء خاتم يشبه الضائع.. وسلسل ووو.
يا عصام أنا كنت بهظر معاك أهو الدهب كله قااااعد.
21
أرجع عصام السلسل لصديقه الصائغ وعاد.
خطة عصام نفعت عصاما
وعلمته الكر والإقداما.