رياضية
القائد راجي عبد العاطي يفاجئ المريخ ويطالب بملياري جنيه مقابل تجديد تعاقده
ذكرت بعض صفحات مواقع التواصل الاجتماعي والمهتمة بأخبار التسجيلات السودانية, أن قائد المريخ راجي عبد العاطي اشترط الحصول علي مبلغ 2 مليون جنيه سوداني أي ما يعادل ملياري جنيه بالعملة القديمة نظير تجديد تعاقده مع المريخ لفترة قادمة.
ويري القائد أن مبلغ 2 مليون جنيه يعتبر أفضل تقيم له مقارنة بمن سبقوه علي تجديد عقودهم بهذا المبلغ أو يزيد.
وبحسب ما فسرت هذه الصفحات فأن راجي يريد تقيمه مثله مثل اللاعبين رمضان عجب وأمير كمال, حيث قام المريخ بتجديد تعاقد النجمين بمبلغ 2 مليون جنيه لرمضان و3 مليون جنيه لزميله أمير كمال.
ياسين الشيخ _ الخرطوم
النيلين
سبحان الله!والله انا من زمان ماداخلة لي في رأسي مسألة كابتن المريخ راجي عبدالعاطي!!!
هو لاعب جيد ما اختلفنا،لكن القيادة؟
تشبه علاءالدين
وتشبه الباشا
وبس!
اكيد أنفلونزا الكردنة اصابتة بالجنون
دا تاني إلا شيخ الأمين يقدر يعالجو
صدقني لو الأمر بإيدي كنت بأقول ليك دي نص مليون (بالجديد) عايزها وتجي توقع واللا تمشى تشوف ليك نادي تاني ؟!!! ولو قلت عايزها بقوم أنادي (يا آدم … يا آدم ) جيب القروش من جوه أديها الكابتن ده…
ما يستاهل حتى 100 مليون كيسو فاضى ولعبو غير ايجابى لا بلعب لزميلو ولا بلعب بى نفسو ولعبو زى النحلة الواقعة فى موية
امشى الهليل احسن ليك.
مافى لاعب فى السودان بيستاهل جنيه واحد بس رزق الهبل على المجانين هو انت واحد بتديهو ثلاثه مليار بيلعب ليك تانى من المفترض انو المبلغ يوزع على سنين العقد
كورتك ما بتساوي 2 مليون.. امكن لو بطلت الفارغة تساوي 600 ألف
للاسف الصحف كلها فارغة وما اهتمت حتي بتراجع السودان الشهري في تصنيف الفيفا من المرتبة 84 الي 128 وتم تصنيفه في موقع الفيفا بانه اسواء انحدار لهذا الشهر…. لك الله يا وطني