إذا كان إبراهيم محمود غير سوداني فمن يكن بربكم السوداني؟

غايتو فى ناس بتكسر جنس كسير ..
عليك الله مالقيت غير الموضوع دا عشان تتكلم فيهو البلد دى كلها مشاكل انت جاى تقول لينا ابراهيم سودانى اواريترى ان شاءالله يكون بريطانى ذاتو نحن مالنا ومال الفارغة دى
اترك الفارغه يانورالدين وانشر لينا حاجة نستفيد منها

كل السودانيين مجنسين بالميلاد… ليس المشكلة مشكلة عرق ولكن مانعاني منه الان هي مشكلة الوطنيه فمجتمع يخرج مثل هذه المجموعة الحاكمة يحتاج لمراجعة شاملة للتربيه الوطنيه…

يا ايها الناس قولوا حسنا. من كان يؤمن بالله و اليوم الآخر فيقل خيرا او يصمت. أو كما قال نبينا الكريم عليه أفضل الصلاة و أتم التسليم

يفترض ان ينص القانون على من يتولى مناصب قيادية ان يكون سودانياً ولم يحمل اي جنسية أخرى حيث يكون ولاءك لدولتك فقط يعني ناس مناطق التماس من البداية عليه ان يختار اي جنسية واذا تنازل عن جنسيته وانضم الى الدولة الاخرى لا يحق له تولى مناصب قيادية حتى لا نجد نفسنا محكومين من قبل اجنبي.
او ترك حرية الاختيار عندما يبلغ سن الرشد

ارتري يوغندي جن أحمر، أنحنا الشينة ما بنقبلها لا منه ولا من أسياده. اليحترم مكانه والمنصب الهو فيهو، يعني وين بس في دولة وزير المالية يقول كلام زي كلامه دا؟؟ الشغلة حوش بيتهم ولا بلد ودولة؟؟ خلاص كمل العلم والرياضيات والإقتصاد وما فضل غير يزور التاريخ كمان ؟؟
ما هو وهم نفسهم القالوا العيش ما بيزيد وعندنامخزون بيكفي لستة شهور وعندنا وعندنا؟؟ ولا ما ياهو زااااته القال مافي زيادات في الموازنة ؟؟ يعني بيكضب وداير تلحنوها ليهو ؟؟ ما اهو الصفوف خانقة أهلنا في الخرطوم عشان العيش، وياها العيشتين بقوا بجنيه وياهو جايينا الكهربا والموية في الزيادات.
دا هسه ما كذب دغري وعينك يا تاجر؟؟ لكن ماهي زاته خربانه من كبيرها الكذاب الأكبر حيفرق شنو ما سن سنه وباقي النعاج ماشه عليها.
والبيقول انه دا أصيل، وين أصله ؟ ووين حسبه ونسبه ؟؟؟ الكريم ما بيهين الناس ، لكن اللئيم المقطع زي ناس حكومتنا ديل الله يجازييهم بأفعالهم

دا مش الزول العيرنا بالفقر والقال السودانيين قبل الأنقاذ كان بيتقاسمو بروة الصابونة؟ في سوداني بيقول كلام سخيف زى دا؟

من رأسه الكبير دا اريتري بالميلاد

استغفروا الله يا جماعة … دعوها فإنها نتنة كما قال المصطفى صلى الله عليه وسلم. لقد نهانا الاسلام عن التفاخر بالأحساب والإنساب وقديماً قال الشاعر: لعمرك ما الإنسان إلا بدينه … فلا تترك التقوى اعتماداً على النسب
فقد رفع الإسلام سلمان فارسٍ … وقد وضع الشرك الشريف أبا لهب

ما هذه الجاهلية؟

اولا ليسمن من العدل ان تختزل السودانية فى شخص ابراهيم محمود.وليس من العدل ان يساء الى قبيلة البنى عامر بسبب ابراهيم محمود.وليس بصدد التعريف بقبيلة البنى عامر بمكوناتها.لكن السؤال الذى يطرح نفسه ما الفائده من هذا الموضوع؟ ولماذا الربط بين قبيله باكملها وشخص يمثل نفسه فى النظام؟ وما الهدف من هذه النعرات ومن يقف خلفها ومن المستفيد من هذا؟ هل هذه المهاترته هذه تؤدى الى الغرض المطلوب ؟ وهل الصراع القبلى و العنصرى الاسفيرى هو حقيقى ام وهمى؟ فى كل الحالات هناك صراع مصالح فى منطقتنا الشرقية من وطننا الحبيبب بين اطراف عدة داخليا تريد ان تاجج الصراعات بعلم او دون علم.ان الامن الذى ننعم به فى شرقنا نحسد عليه وما يحدث فى اطراف السودان الاخرى ليس ببعيد فى جنوب كردفان و النيل الازرق وفى عموم دارفور.هناك تجار حرب كما هنالك تجار بشر وتجار كوارث. والاخطر من ذلك كله الاطماع الاسرائيلية للهيمنة على البحر الاحمر و على الشرق و هذا مخطط واضح ولكن آلية تنفيذه نصنعها بايدينا…………كما فعل الفلسطينيون بايديهم باعوا وطن ثم تباكوا عليه.بعد هدأ شرقنا من جبهات القتال التى ارهقت ابناءنا من الداخل او المعارضة بعد الخسائر فى الارواح و كان الثمن غالى…نعمة الامن لا يعرف معناها الا من افتقدها. نحن فى وطن يسع الجميع بالوانهم وثقافاتهم.(لعمرك ما ضاقت بلاد باهلها و لكن اخلاق الرجال تضيقوا).ولكم كل الود

الشعب السودانى يعرف من هم البنى عامر وكيف تم تجنيسهم وضمان ولاءهم للكيزان ويعرف اطماعهم فى ضم الشرق لبلدهم ارتريا ولكن فى السودان رجال بياكلوا النار وستسقط الحكومات ويبقى الشعب ليقول كلمته

بجا حديد والعزة للسودان