السوريون في السودان ينظفون ويجملون شوارع الخرطوم.. هل هو نفاق أم رد للجميل؟
الرابطة السوریة في السودان
صباح الجمعة وفي طريقي للفرن اشتري رغيف الفطور ، لقيت مجموعة كبيرة من الشباب السورين لابسين تي شيرتات بيضاء موحدة وانيقة ، لقيتم في شارع المشتل في الرياض – وعادة الشارع بكون خالي من الناس في صباح الجمعة – وكانو في قمة النشاط والحيوية بنظفوا ويزينوا الشارع ووترتوار الزلط بي بوهية والوان جذابة ، ورسومات لعلم السودان في الاعمدة وجايبين معاهم كراكات وعربات لتنظيف اطراف الزلط من الغبار والتراب …
بعد ما قضيت اغراضي رجعت بي نفس الشارع ونزلت سلمت عليهم . وحييتهم علي العمل الجميل القايمين بيهو .. سألتهم عن ماهية الرابطة السورية في السودان ، قالوا هي رابطة تعني بمعالجة مشاكل وهموم السوريين في السودان .. والشغل القايمين بيهو هسة عبارة عن تفاعلهم مع المجتمع السوداني ومحاولة منهم لرد الجميل للسودانيين لحسن الاستقبال والمعاملة الطيبة التي وجدوها في بلدهم الثاني ….
أثناء ما كانو بشرحوا لي مهام الرابطة مر بينا شاب سوداني في قمة الغضب ، والزعل ظاهر في تقاطيع وشو ، كان زعلان من الشغل القايمين بيهو الاخوة السوريين وكان بشتم فيهم وبقول ( ناس منافقين والسياسة كلها نفاق في نفاق .. تتمسكنوا لما تتمكنوا تورونا الوش التاني )… حاولت اسأله عن سبب هجومه عليهم ، لكن ما رد علي ، لأنه من نظرته اعتقد اني شغال معاهم ، واصل سيره وهو يردد نفس الكلام لي باقي الشباب الشغالين … من طريقة كلامه ونظرة السورين ليهو عرفت انهم ما فهموا قصدوا من الكلام …
مهما يكون رأي الشاب الساخط منهم ومن تفاعلهم مع المجتمع ونظرته ليهم بانهم منافقين وكساريين تلج ، الا اني اعجبت من عملهم غاية الاعجاب واتمنيت لو كنت معاهم بدل ما يجي اجنبي ينضف لي بلدي ..
ورأبي ان الشاب اخطأ في حقهم وحاسبهم علي نياتهم …..
ما هو رأيك انت هل هو نفاق ذي ما قال الشاب الساخط ، ام هو تفاعل مع المجتمع ومحاولة لرد الجميل ذي ما قالوا ؟؟
بقلم
سالم الأمين
رأيي …..جزاهم الله خيرا ولكن
الفاتح نفسهم شنو وحلب تحترق ويباد السكان فيها ….وآخر طبيب أطفال توفي في القصف ؟
كل ذلك تهيئة وتمهيدا لسايس بيكو الجديدة
لكن ما يعزي النفس أن كل ذلك إرهاصات لما تنبأ به الصادق المصدوق محمد بن عبد الله ” صلى الله عليه وسلم ”
فنهاية هذا العالم القذر أوشكت ….وما يجري في المنظقة تباشير بذلك …..فليهنأ كل الطغاة بما يفعلوون
عمل جميل جدا منهم ويقدروا ويحفظوا الجميل لأهل السودان ومن حسن الأدب والضيافة أنو ماتسب ليك زول جاك ضيف في البيت زي ما عمل صاحبنا الفي القصة …
بعدين البتكلمو عن العرب وما العرب … ياخي كلو زول مسؤوول من تصرفاتو لو لقيت ليك زول عنصري اتعامل معاه بالمثل لكن تعمم على كل العرب دي ذاتة عنصرية زايدة …
بعض التعليقات مؤسفة وأصحابها لايرون الا القذى في العين …
عموما عمل جميل وبارك الله فيهم …
السلام عليكم هذا عمل خيري ونحن شعب نحب النقص فقط اذا لا تريد ان تعمل بالله عليك اصمت ، وإذا كان هولا زوار ويريدون ان يقدموا عمل فيه مصلحة عامة لما لا. نحن نفلح في نقض الاخريين . من التجربة احضرت سوداني فني كهربا حتي يوصل سلك من العداد حتي الشقة قال يحتاج ثلاثة مليون لجر سلك وعندما احضرت إثيوبي عملها باقل من الربع من المبلغ أعلاه وهذا عمل يوم واحد نحن شعب لا نحب الشغل ونحب نقض الاخريين .
اخ هانى صحيح جدا ماقلته
انها لفتة بارعة منهم ان كانت كسير ثلج ام عرفانا بالجميل .. وبنفس الوقت يعلموا شبابنا ايه يعني الجمال ويعلموا المسؤلين ان الصيانة والتزين والتجميل لا تحتاج لمجهود كبير ولا لجان وامانات وماعارف ايه
والله عمل الخير مطلوب من الجميع ولكن لو قام به اهل البلد يكون افضل . اما ياتي اجنبي وينظف بلدي تعتبر هذه إهانة
جزاهم الله خير…بغض النظر عن السبب ..لأننا شعب يحب العيش ف الوسخ والعفن ..شعب إنتقادي .. محبط للغير .. الآن عرفت لماذا لم ولن نتقدم ..
لفتة عرفان و اصالة جزاهم الله خيرا و رد غربتهم ..ان يقول احد ان هذا نفاق ..اعوذ بالله مثل هذا القول ليس من شيم السودانيين الذين رحبوا بهؤلاء الاخوة في محنتهم دون ان ينتظروا جزاء ولا شكورا ..هداكم الله يا من همكم الطعن في الناس و حتى سرائرهم و نواياهم.
على الاقل يجب ان نشعر بالخجل من انفسنا فنحن اولى بهذا العمل و لكنا مشغولون بالونسة عند بائعات الشاي و اذا عملنا عملا (تطوعيا) تطوعنا للدفاع عنهن و عن مهنة العطالة التي تمتهنها الالاف من بناتنا في العاصمة فقط!!!
جزاهم الله خيرا”
علينا بالظاهر، و ما في داعي لسوء الظن … علي اي دا بيذكرنا بي نكتة الشاب اللي عايز يخطب بنت عمو اللي متزوج واحدة اجنبية (نضيفة !!!) و رد عمو عليهو
جزاهم الله عنا خيرا فهم يعملون ما عجز عن عمله السودانيين ومن اراد من المعلقين ان يقول شيئا فليقل خيرا او ليصمت.
جزاهم الله الف خير اهل الشام اهل خير وطيب اتمني ان يتم تكريمهم لهذا العمل الذي يبين اصل معادنهم ……لانريد ان ننجر الي حديث عنصري ولكن هناك في السودان بعض الناس من الاصول الافريقيه لم يروق لهم استقبال عرب السودان لاهلهم السورين قد ياتي من يطعن في عروبه عرب السودان من من اصحاب العرق الافريقي ولكن اقولها حزاركم من ممارست عنصريتكم تجاه ضيوف السودان واذا كان هناك خلاف بين تركيبه اهل السودان العربيه الافريقيه يجب ان لاتقحمو فيه هولاء الضيوف لان هذا ليس من شيم اهل السودان افارقه وعرب ولاينسو كيف قبلو اهل السودان بتجنيس العنصر الاقرقي من الاصول التشاديه واعطاءهم الجنسيه السودانيه (فبائل باكملها )لم يحتج عرب السودان علي هذا التصرف من الحكومه فدعونا نكرم ضيوفنا وضيوفكم بكل ادب واحترام اتمني ان ياتي اليوم الذي تندثر فيه مثل هذه النبرات العنصريه ونعيش في سودان متحاببين فيه وان يعود سيرته الاولي تجانس وتراحم وتوادد بين كل اهله بمختلف اعراقه وان نتعاون في بناء وطن متقدم ومتحضر ينبذ الفرقه والشتات
الاخ / طارق بكل احترام وتقدير بمقالك السابق من باب تقبل الراي الاخر وعملا بالحكمة التي تقول رايك صحيح يحتمل الخطاء وراي خطاء يحمل الصواب واني لا اوافق الراي من وجهة نظرك حول العروبة وقديما قيل السودان كان يمكن ان يكون اول العرب ولكن اختار ان يكون اخر العرب هذه حقيقة واقعة حتي ان حاولنا ان ندسها او نتجاهلها وبعد كل فتره وبعد ما ننسي او نتناسي ونددمج في الدول العربية نتفاجا او بالاحر نفيق من نومي ولهثنا وارء السراب من كل الانتقادات من الدول العربية باننا لا نعني لهم شئ وحتي لمن كنا من اول من شاركة معهم في الضراء لمن نجد التقدير اللازم وغيرنا اخذ الكثير من غير حتي من يبدي الراي او حتي الانتقاد ولهذا يا اخي طارق نحن الان تعلمنا وتفتحنا او قول عرفنا حقيقة الامر ما حصل في زمن مضي لم نفع من يعمل به الان وقيل قديما لكل زمان دوله ورجال فعلا نحن السابقون منا كان يتعاملوا بكل صدق وحب للاخرين حتي نحن كنا لا نفرق بين اجينبي وسوداني وكان يدخل البيت ويعتبر ان هذا البيت هو بيته كل اللفي البيت اهله من هنا اتطرح عليك سؤال وعلي الجميع ويمكن تكون فيه الاجابة هل يمكن ان تصتحب معك احد من السوريين الي المنزل ويسكن مع اهلك وتامن له مالك وعرض ونفسك اذا كان الاجابه بلا اسئل بشق اخر من السؤال لماذا كنا وكنت ندخل الجنوبيين والاحباش بيتوتنا نامنهم عليها ولم نامن علي السوريين واكد لك ان السوريين وهم في السودان والناس يتعاملون معهم بكل طيبة وتعاطف الا انهم لمن يخلوا بنفسهم او حتي مع بعضهم وفي انفسهم يقولن ما نحن نخشي ان يقولوا لنا في العلن ومها علمنا لهم سوف تبقي في نظرهم هم والعرب اخر انكم انت من الفئه الثانية واو ان شئت من العرب رقم اثنين وهذا ما لحظناه في بلدهم وفي البلاد العربية الاخر ويبقي السؤال الذي ما يرددهوا اخوانا في ادراة الموارد البشرية احسن ان تكون اسد وارء غنم او خروف وارء اسود وطبعا اعتذار عن التشبية وتاخذ الحكمة بعموم االكلمةولست بخصوصية اللفظ وشكرا للاطاله
اولا نحيي هذا العمل ونسال الله ان يجعله في ميزان حسناتهم وبما انهم هجروا من ارضهم فهذا يعني انهم فيهم خير ولو كانو عبدة طغاة لظلوا مع بشار ونسال الله ان يعهدي الشعب السوداني الي العمل التطوعي واستغلال اوقات الفراق وحتبقي بلدنا جنة
——————-
من ناحية اخري
النوبة اصل البشرية
السودانيون اصل البشرية
هكذا اثبتت الابحاث
التاريخ مزور
وتاريخ السودان تم تحريفه بالكامل
العرب يقولون ان اصلهم من اليمن وعلماء الاثار والوراثة الجزيئية اثبتو بما لايدع مجالا للشك ان اليمنيين قدمو من كوش
اين كان العرب قبل 200 الف سنة قبل الميلاد!
اقدم وجود بشري في العالم باسره هو في منطقة صاي يعود الي 215 الف سنة
والشعب السوداني غافل وفي سبات عميق
وعلماء الاثار في ذهوووووووووووووووووووووووووووووووول تام
اصل البشرية في ممكلة كوش وحول جبل البركل
النوبة اصل البشرية والسودانيين لاينسبون لعرب او عجم لانهم الاصل
المدعو طارق انت شخص مريض وعنصري
والسودانيين اصل العرب والعجم واثبت ذلك علميا
وكثير من النصوص في الكتب المقدسة والتاريخ تم تحريفها من قبل الفرس والعرب والغرب حتي لايعرف السودانيون ذلك
بل واكثر من ذلك زعمو ان اصل الانسان الافريقي كان قردا وروجو الي تلك النظرية الي ابعد الحدود
ولكن العلم في القرن الحادي والعشرين اكتشف الحقائق
ان السودان الحالي ايها الاحمق هو اصل كل البشرية
وان النوبة هم اصل السودانيين
وعليه يجب ان ننحني احتراما لكل نوبي ونفخر به ونحمله علي الاعناق
هذه حقائق علمية والتاريخ زور عن عمد وقصة عرب سودانيين وغير ذلك وجدت لضرب النسيج الاجتماعي لتمزيق السودان
حتي العرب انفسهم لايريدون ان تعرف حقيقة ان اصلهم من كوش والفرس كذلك وكل الامبراطوريات القديمة والسبب ان النوبة روضو كل تلك الامم وسبقوهم في العلم والحضارة وهم الاصل
لايجد السوداني تفسيرا لكرمه وترحابه بكل اجنبي ولكن السبب الحقيقي انه الاصل
فالسودانيين يعاملون الاجانب معاملة الام لولدها
ومهما غلط الابن في حق الام من المستحيل ان تعامله بجفاء ولكن قد يحصل ان يكون الابن عاقا
ممكلة كوش ام الدنيا
والان اتضح السبب وتغبيش الحقائق جملة مصر ام الدنيا لم تات من فراغ بل عن قصد لتضليل السودانيين مثلما هدمت حضارت اثار الحضارة النوبية وسرقت ودفنت حتي لاتضح الحقيقة
مملكة كوش النوبية هي ام الدنيا وهذا مثبت علميا
السورين سوف يضدخون ثقافه جديده في السودان. لكل ثقافه محاسن ومساوي.عموما يجب ابدا حسن النيه الي ان يثبت العكس.
ياخي إنت عجيب ما وجدت كلمه غير النفاق لكي تجعلها عنواناً لتصف بها حملة ظاهره ومنظمة.
ثقافة التشكيك تشكلت حتى في ذهنية الصحفي وجعلته يتناول الأخبار وحركة المجتمع الطبيعية بعين الجرم وصياغة أخبار الجريمه. عفاك الله وأصلح عقلك وهداك للظن الحسن. تحياتي أهل سوريا فأنتم ضيوف تحبون الجمال الذي يزين بلادكم ونفتقده هنا لذلك نأسف انابة عن الصحفي الذي يشكك حتى في بسمة الطفل
يا سالم عنوان مقالك عبارة عن سهم مسوم اصاب السودانى قبل السورى يااخى اتقى الله فى خلقو, ديل ضيوفك بغض النظر عن نواياهم, ربنا يهديك ويصلح حالك
الشعب السوري يعتبر من افضل الشعوب العربيه اخلاقا وتعامل وعشره ….خلونا من الكلام الانصرافي اجتهدوا في نظافه بلدكم مناظر النفايات أصبحت تصيبنا بالغثيان …اي كانت النيه هم افضل مننا
السلام عليكم
والله ياهو نحنا السودانيين مابنتغير اصلا لازم نشكك ولانعمل ولانخلي الاخرين يعملوا وهذا ظاهر حتي علي نطاق الاسرة الصغيرة
نحن والله يا اخ هنا في اوربا البعلمونا كلهم عرب اللغة الحديث والتجويد حتي العربي و لامن ولا اذي -زاهم الله خير مغاربة وتوانسة وفلسطينين وسوريين نحن غير حلتي وحلتك والكتشينة والتشكيك في الاخرين ما عندنا حاجة ولو كاحد نحج في شي تسير بحديثة الركان دا دلالة علي اننا ماعندنا نجاج ربنا يكثر من امثالهم ويعظم اجرهم وجراهم الله عنا خير الجزاء
الصداقة السورية السودانية قديمة وسوريا كانت فاتحة جسر جوي للسودان منذ سنوات طويلة وبدون تاشيرة ووجود السوريون بيننا شرف كبير لنتا فنحن وهم سواسيه والتحية للسوريون في السودان واينما كانوا وحفظهم الله من كل شر ..
شترة: الصحفي الياس الأمين .. انت صحفي مبتدئ مقالك جميل عن النظافة لكن شوهت المقال بالعنوان .. ارجو ان لا تكون انت منافق وناكر للجميل ..
عنوان المقال مسيئ لنا كسودانيين في المقام الأول.. ماهذه الروح السلبية التي تقمصتنا.. ماهذه النفسية المقيتة التي دخلت على شخصية الزول..هؤلاء ضيوف وما أدراك مالضيف عند السوداني ود البلد..ثقافة العمل العام والمسؤولية المجتمعية تحتاج لنفض الغبار عنها كما فعل هؤلاء الضيوف..شكرا أهلنا انتم منا ونحن لكم..
شبابنا قاعد ينظر ويشرع واللسان الطويل والفلسفة العمياء !! فعلا شعب كسول وما تتقدموا حتى يوم الدين !عقلية محجرة ومتخلفة لا يرحمو ولا يخلو الرحمة تنزل!حال السوريين في السودان كالمستغيث من الظما بالرمضاء ! اخخخخخخ على شباب
تنظير دوت كوم
حقد دوت نت
طبعا بقايا طريق الحجاج زعلانيين شديد
بسم الله الرحمن الرحيم
الاعمال بالنيات والله اعلم بنيتهم والله يجازيهم على فعل الخير
مش احسن بدل يجلسوا ويبارو ستات الشاى والله نحن شعب متخلف لا نعمل لانخلى غيرنا يعمل هل فى اى مضرة من عملهم هذا
كان عايزين ينظفوا صحيح ما شارع المشتل
يمشوا السوق الشعبي ام درمان
تكن برضو اولادنا مبارين ستات الشاي
لهم الشكر اولاد الشام .
ماممكن والله نبقى عوره ومساكين وطيبين للدرجه دي ! وقفوا الناس ديل على البعملوا فيه ده وقولوا ليهم شكرا ما عايزين منكم حاجه زي دي عايزين تقعدوا تشتغلوا وتاخدوا حقكم وتسكنوا وتكونوا مطمئنين اهلا وسهلا . غير كدا لا ، الحاصل ده مؤكد ليس حبا لسودان ولكن مجرد مصلحه لأنفسهم فقط نظام ارمي لبكرة ويتمسكنوا حتى يتمكنوا ويركبوكم لمن تعرفوا حاجه
ياجماعة الحاصل علينا شنو ديل ضيوفنا حتي لو ما عملو اي حاجة هم ضيوف وزمان نحن صغار كانو معانا اليمنيين وكان ويعملو في التجارة حتي في دكاكين الحي ومافي زول كان بحس انهم غرباء وكانو يشاركوونا افراحنا واتراحنا وكنا معهم في أمان الله.الحصل علينا شنو ليه اتغيرنا كده وأصبحنا نكره الضيف
اخواني الاعزاء نظفوا بلدكم وشوارعكم واقضوا على جميع السلبيات عشان ما تدوا فرصة للغير وهل من المعقول قياس اخلاق وسلوكيات شعب من الشعوب بتصرفات فردية لكن اللوم مانكم من الصحفي النشر هذا الموضوع يعني ما لقي الا ه>ا الشاب السلبي ما في اي من المتواجدين اثني وشكر هؤلاء الشباب لهم جزيل الشكر . واعتقد الاعلام عندنا ماشي على خطي دكتور عكاشة وفيص القاسم اثارة الفتن وبث روح الكراهية بين الناس اتقوا الله في انفسكم .
دا كلو عشان هم في السودان و دايرين يظهرو بمظهر جميل خلاف المظهر الحقيقي ليهم …. الكل عارف و اصبحت حقيقة ظاهرة مستو الاستخفاف بالشعب السوداني من بعض الدول العربية ….و بالنسبة للسورين الفي السودان الشي الوجدوهو في السودان ما وجدوهو في اي بلد تاني حتي جيرانهم في حين يتم معاملتهم كمواطن في السودان لهم الكثير من الحقوق .
ما عنصري لكن اصبحت اري الامور بالمنظار الحقيقي لها … كل السودانيين الموجودين في الخليج عارفين نظرة الشعب السورى للسوداني .. و انا كسوداني افتخر باني سوداني و احترم الضيف بس ان الان ان نضع الامور في نصابها
إن بعض الظن إثم: وهو كل ماظننته بأخيك من سوء دون بينة أما البعض الذي ليس بإثم فهو أن يظَنَّ الْمُؤْمِنُونَ وَالْمُؤْمِنَاتُ بِأَنْفُسِهِمْ خَيْرًا
نفاق!الا المافارزو بقول عدس!
السلام عليكم الأخوه والاخوات في كل المجتمعات الغربية والشرقية اعني الدول التقدمة مثل أوربا الغربية واليابان وكوريا يوجد عمل تطوعي لمساعد كبار السن ونظافة الشوارع والبنا في المناطق المنكوبة مثل الفيضانات هل في المجتمع السوداني يوجد مثل هذا. طبعا لا. . نجد في المجتمع عندنا يوجد أشخاص كدو ووجدو . من السهل نطلق عليهم حرامي طبعا او شخص يعمل عمل خير هذا منافق ، هذه الأفعال والأقوال. مثبطة للهمم
بعد أن قرأت كل التعليقات وضح لى أن معظم المعلقين مقيمين خارج السودان لذلك جاءت معظم التعليقات متخمه بأمراض الاغتراب ومليئه بالعقد النفسيه والحقيقه ان هؤلاء الشباب السوريين قد تعاملوا مع الشعب السودانى البسيط المعافى من امراض المغتربين فوجدوا فيه الكرم والشهامه والمروءه لذلك جاءت مبادرتهم رد فعل طبيعى تجاه المجتمع الطبيعى ولا عزاء للمعقدين و المرضى النفسيين .
صدقت يا ابو عمر
الاخ ابو عمر , حسب ما كتبت (بعد أن قرأت كل التعليقات وضح لى أن معظم المعلقين مقيمين خارج السودان لذلك جاءت معظم التعليقات متخمه بأمراض الاغتراب ومليئه بالعقد النفسيه والحقيقه)
ذلك يعنى انهم عاشوا مع هؤلاء وخبروهم جيدا , فتعليقهم هنا محل تجلى واحترام لانهم خبرة وليس من شاف كمن سمع .
تحياتى الحارة
الاستاذ ابو عمر تحياتى
, اقتباس (بعد أن قرأت كل التعليقات وضح لى أن معظم المعلقين مقيمين خارج السودان لذلك جاءت معظم التعليقات متخمه بأمراض الاغتراب ومليئه بالعقد النفسيه والحقيقه)
ذلك يعنى انهم عاشوا مع هؤلاء وخبروهم جيدا , فتعليقهم هنا محل تجلى واحترام لانهم خبرة وليس من شاف كمن سمع .
تحياتى الحارة
صدقت يا ابو عمر
اولا نحيي هذا العمل ونسال الله ان يجعله في ميزان حسناتهم وبما انهم هجروا من ارضهم فهذا يعني انهم فيهم خير ولو كانو عبدة طغاة لظلوا مع بشار ونسال الله ان يعهدي الشعب السوداني الي العمل التطوعي واستغلال اوقات الفراق وحتبقي بلدنا جنة
——————-
من ناحية اخري
النوبة اصل البشرية
السودانيون اصل البشرية
هكذا اثبتت الابحاث
التاريخ مزور
وتاريخ السودان تم تحريفه بالكامل
العرب يقولون ان اصلهم من اليمن وعلماء الاثار والوراثة الجزيئية اثبتو بما لايدع مجالا للشك ان اليمنيين قدمو من كوش
اين كان العرب قبل 200 الف سنة قبل الميلاد!
اقدم وجود بشري في العالم باسره هو في منطقة صاي يعود الي 215 الف سنة
والشعب السوداني غافل وفي سبات عميق
وعلماء الاثار في ذهوووووووووووووووووووووووووووووووول تام
اصل البشرية في ممكلة كوش وحول جبل البركل
النوبة اصل البشرية والسودانيين لاينسبون لعرب او عجم لانهم الاصل
معا لاعادة كتابة تاريخ السودان من جديد
قدماء النوبيون هم من اسسو لكل العلوم من وابدعو فيها والشاهد لحضارتهم الباقية انهم كانو اول من عرف واتقن الفن والهندسة والجراحة والعلوم والكتابة وغيرها ولو اننا بنينا علي هذا الارث وطورنا منه لاصبح السودان من اجمل وانظف وارقي دول العالم بل واكثرها تطورا في الصناعة
النوبيين خبرو ذلك من الاف السنين قبل الميلاد
ولكن للاسف التاريخ تم العبث به واصبحنا نترنح بلا هوية وننكر ذاتنا لاجل العروبة ولاندري ان العرب اصلهم يرجع الي النوبة
المدعو طارق انت شخص مريض وعنصري
والسودانيين اصل العرب والعجم واثبت ذلك علميا
وكثير من النصوص في الكتب المقدسة والتاريخ تم تحريفها من قبل الفرس والعرب والغرب حتي لايعرف السودانيون ذلك
بل واكثر من ذلك زعمو ان اصل الانسان الافريقي كان قردا وروجو الي تلك النظرية الي ابعد الحدود
ولكن العلم في القرن الحادي والعشرين اكتشف الحقائق
ان السودان الحالي ايها الاحمق هو اصل كل البشرية
وان النوبة هم اصل السودانيين
وعليه يجب ان ننحني احتراما لكل نوبي ونفخر به ونحمله علي الاعناق
هذه حقائق علمية والتاريخ زور عن عمد وقصة عرب سودانيين وغير ذلك وجدت لضرب النسيج الاجتماعي لتمزيق السودان
حتي العرب انفسهم لايريدون ان تعرف حقيقة ان اصلهم من كوش والفرس كذلك وكل الامبراطوريات القديمة والسبب ان النوبة روضو كل تلك الامم وسبقوهم في العلم والحضارة وهم الاصل
لايجد السوداني تفسيرا لكرمه وترحابه بكل اجنبي ولكن السبب الحقيقي انه الاصل
فالسودانيين يعاملون الاجانب معاملة الام لولدها
ومهما غلط الابن في حق الام من المستحيل ان تعامله بجفاء ولكن قد يحصل ان يكون الابن عاقا
ممكلة كوش ام الدنيا
والان اتضح السبب وتغبيش الحقائق جملة مصر ام الدنيا لم تات من فراغ بل عن قصد لتضليل السودانيين مثلما هدمت حضارت اثار الحضارة النوبية وسرقت ودفنت حتي لاتضح الحقيقة
مملكة كوش النوبية هي ام الدنيا وهذا مثبت علميا
عندما افتخر النوبيون القدماء باصلهم سادو العالم اجمع واصبحو قوة لايستهان بها
ولكن بعد الهجرات العكسية من جزيرة العرب بدأ عهد الخنوع والتملق ونكران الحقيقة والادعاء بالعروبة الخالصة اضافة الي التزوير في التاريخ من قبل الحضارات القديمة المعاصرة للنوبة
الحقيقة الان واضحة وضوح الشمس الا لمن ابي
النوبة اصل البشرية
كل انسان علي وجه الارضة يرجه اصله جينيا الي كوش السودان
ترهاقا السوداني
ويل سمث يقوم دور ترهاقا في اضخم عمل سنمائ عن مملكة كوش السودانية ()
=============================
بدا التاريخ الكوشي من امبراطورية كوش القديمه يسترعي اهتمام الكثيرين فبعد صدور كتاب الصحفي الكندى هنري اوبين عن انقاز الافارقه النوبيين بقيادة ترهاقا ﻻورشليم ( القدس ) خطا الممثل الامريكى الاسود ويل سميث احد اشهر نجوم هوليوود سميث خطوه جباره ليقوم ببطوله فيلم عن الملك الاسود ترهاقا من مملكة كرمه الزى حكم مصرخلال القرن السابع قبل الميلاد وسيحمل الفيلم اسم الفرعون الاخير ومن المعروف ان ترهاقا لعب دورا اساسيا في تاريخ المبكر لليهوديه وتحمل قصته درسا بالغ الاهميه بالنسبة ترهاقا او تهارقا الزى ولد في ما يعرف ( السودان )
وهو الزى اقتلع الحكم في الاسرة ال 25 والتي حكمت مصر وسوريا والعراق والمغرب العربي وحتى دخل جيوشه اسبانيا يرتبط بحدث تاريخى محوري ورد زكره في ( الكتاب المقدس ) اثناءالحصار الاشوري للقدس ( ارشليم ) في عام 751 قبل الميلاد في سفر حزقيال وملك الزى بقى علي قيد الحياة امام اعتى الحملات التى شنتها واحده من اكبر القوى العسكرية علي الارض وبفضل دعم الجيش الكوشي بقيادة الملك العظيم ترهاقا
انسحب الاشوريين فى النهايه من اسوار # القدس وبقى حزقيال على عرش يهودا التى احتفظت بالاستقلال لفترة امتدت 115 سنه
الى ان هزمها البابليون الزين تمكنوا من تدمير المعبد الاول فى عام 586 قبل الميلاد
كندا تشهد فى الوقت الراهن اهتماما كبيرا بالتاريخ الكوشي السوداني & والتراث واللغة المروية التى لم تفك طلاسمها الى الان &
تم اصداركتاب الفرعون الاخير للكاتب الكندي هنري اوبن وهو عن الحمله العسكرية النوبيه التى قادها الملك النوبي ترهاقا لانقاز بني يعقوب في اورشليم
هوا الكتاب تقوم هوليوود بتحويله الى فلم ضخم بطوله ويلى سميث النجم الهوليودي الاسمر
عن عرض الفلم ( الفرعون الاخير ) سيكتشف العالم قيمة حضارة كوش ودورها الكبير في تاريخ البشر
كما ان ووجة الكاتب هنري اوبن مهتمه وباحثه في لغات وادي النيل وهي على وشك اكتشاف الابجديه المرويه ومعانى كلماتها هزا الاكتشاف سيساعد المورخين في اعادة صياغة التاريخمن جديد كما ان سيوفر فهما جديدا لحضارة وادي النيل وسيعيد لحضارة كوش والنوبيين حقوقها التى سلبها المصريون
فان كل شواهد والاكتشافات الاخيرةاثبتت ان الملوك الوين حكمو مصركانويحتلونها وليسو من الاقباط وانما هم من شعب النوبه
واخرالاكتشافات كان كشف البروفيسر شارلس بونيه والزى قضى 50 عاما في كرمهاولي المماليك الكوشية السودانيه
ترهاقا سوداني
ارفع راسك انت سوداني
اشكر كل من قرا وتابع ومسموح للنسخ والمشاركات ابن ترهاقا فايز عباس
منقول
لو سمحت يا استاذ اسم الكتاب باللغه الانجليزيه لو تملك المعلومه .
اولا نحييهم ونشكرهم هم اخوة لنا م حصل لهم فهموا يعني شنو الوطن بس عنوان المقال ثقيل وقاسي لم يوفق صاحبه انا لم اقبله .. نتمنى لو مسؤول ينافق ويشعوذ وينظف الشوارع
حياكم الله يا أبناء سوريا العزيزة
سبحان الله كمان عملوا رابطة بعد شوية مجمع بعد شوية حزب وبرلمان
وبعد شوية ينادوا بالانفصال حكومة نايمة ع العسل جاتكم الغم
اولا مرحب بإخواننا السوريين في السودان ونسأل الله ان يمن على بلادهم بالأمن والسلام وأن يعودوا لبلادهم معززين مكرمين
ثانيا لماذا كل من هاجر من اخواننا العرب ولظروف مختلف يستقر في العاصمة وهي اصلا ما ناقصة وحتى اهلها يشتكون من ارتفاع الاسعار والايجارات وسوء الخدمات و……. و…..
كيف يعقل ان يسكن هؤلاء في المعمورة وجبرة والعمارات والمنشيه وغيرها من الأحياء التي يعجز أثرياء البلد ان يؤجروا بها فلا يعقل ان تصبح ميسره لمن خرج قصرا من بلده .
لماذا لا تخطط الجهات المسئولة عن هؤلاء من الاستفادة منهم في الريف السوداني فبدلا من نظافة طرق العاصمة فليزهبوا وينظفوا الأرض ويساعدوا في الانتاج لاسيما وأن حياة الريف السوداني بها متسع ويسر في السكن وبساطة في المعاش تتلاءم مع ظرفهم الذي يمرون به .
نسأل الله أن يعم السلام ربوع بلدنا الحبيب وسائر بلاد المسلمين
ياسبحان الله .. مجموعة من الشباب أحبت أن تعمل عمل خير , فنجد أن التعليقات أصبحت تناقش العرب والأفارقة ومن هو أبو البشرية … .
دعوها فإنها منتنة ..
بسم الله الرحمن الرحيم ..
لا أدري من أين أبداً ، لكن تعليقاً على الخبر .. أقول أولاً … شكراً للشباب السوري على هذه البادرة الطيبة ، وليت الذي اعترض ورمى مثل هذا العمل بالنفاق .. ليته سكت .. فهل يا تُرى شق قلوب هؤلاء ليعلم أنهم منافقون .. والله عيب ومنتهى الجهل والتخلف ..
مثل هؤلاء أظنهم تعساء حتى في حياتهم الخاصة طالما ينظرون دوماً إلى النصف الفارغ من الإناء ..
في هذا الجو الحارق ، شباب يقدمون عملاً عجز عنه المواطن والدولة فأصبحت الخرطوم كأنها مكب للنفايات ..
شباب أرادو أن يدخلوا ثقافة الترتيب والنظافة التي اعتادوا عليها في بلادهم .. ولكن مريض القلب واللسان يستنكر ذلك ..
بالله عليكم أي عاقل في الدنيا يصدق ذلك ..
عُقد نفسية ، وجعجعة بلا طحين ، وتنظير بلا فعل .. هذا ما يفلحون فيه مثل هؤلاء ..
إن عجزنا أن ننظف أنفسنا .. فدعوا غيرنا يفعل ذلك ..
وكم من عائبٍ فعلاً صحيحاً
وآفته من الفهم السقيم ..
لك الله يا يلدي