رياضية
فيديو: الكوكب المغربي يهزم المريخ السوداني مع احداث مؤسفة
تمكن يوم الأربعاء نادي الكوكب المراكشي من حجز بطاقة المرور لدور المجموعات من كأس الإتحاد الإفريقي ، وذلك بعدما هزم ضيفه المريخ السوداني بهدفين دون رد في إياب دور ثمن النهائي مكرر .
فارس النخيل دخل اللقاء بقوة ، ونجح عبد الإله عميمي في الحصول على ضربة جزاء ، نفذها محمد الفقيه بنجاح معلنا عن الهدف الأول في الدقيقة 12 .
في الجولة الثانية ضغط المريخ بقوة ، لكن الكوكب المراكشي عرف كيف يخطف الهدف الثاني ، ومرة أخرى حصل عميمي على ركلة جزاء ، حولها مجددا الفقيه إلى هدف ثاني في الدقيقة 89 ، معلنا عن تأهل فريقه لدور المجموعات .
هذا ، وشهدت المباراة أحداث لا رياضية من طرف مكونات نادي المريخ ، والذين اعتدوا على الحكم الغابوني ، ووجهوا له لكمات قوية ، حيث من المرتقب أن يحرر تقريرا شديد اللهجة لدى المسؤولين في الكاف .
https://youtu.be/VqZR5FgeAjc
منتخب
ضربتي جزاء من العدم.
جايبين بكري الأروش وعنكبة الأطرش عاوزين تغلبوا؟؟؟ ديل ودوهم سباق الخيل ،، وغلبكم اللعب وتميتوها ضرب يا شماسة، هو فريق بقول لله يا محسنين فيهو عمار،
كلمة او صفة ( الاطرش ) تعني الاصم و هو الذي لا يسمع او لديه مشكلة في السمع بمعنى ان سمعه ضعيف لكنه يتحدث وهم اكثر
الفئات مرهفي الاحساس و الشعور بسبب سوء معاملتهم من اشخاص اخرين كما انتا الان و انا الذي تالمتا لكلمتك هذه لاني من ضعاف السمع و لكن انطوي تحت راية اخوتي الصم .
مفارقة تستحق التأمل والدراسة (طيش الدوري المغربي يتفوق على أول الدوري السوداني ) !!
فريق شماسة جهلة تربية حارات لا دراسة ولا ثقافة وفوق كل ذلك قلة أدب وسوء اخلاق – سرحوا اللاعبين واحسن ليهم يستغلوا سواقين رقشات واللا كمسارى عشان الكورة فن وثقافة وعلم وهذه العصابة الجاهلة لا يمكن ان تمثل السودان ولا يتشرف السودان بهم – حثالة القوم لا يأتون الا بما فيهم – وهؤلاء ما فيهم الا الخزي والهزيمة واينما ما تولوا جاءو بها ( مرفوعي الرأس )
الحمد لله لم اشاهد المباراة حفاظا على صحتي النفسية و البدنية و قد أعلنت تقاطي لكرة القدم السودانية من زماااان و هسه انا مرتاح و خالي البال
ما قاطعت الكورة السودانية ولا خليتها والدليل إنك دخلت الخبر عشان تقراهو وتعرف تفاصيلو هههههه يا أبو المعالى إنت مريخابي زعلان ساكت تعال الى حيث النكهة تعال شجع الهلال لتستمتع حتى ولو كنت خسران … قال
يا فضيحة يا جلاجل لا كورة ولا أخلاق ، مثلك يا أبا المعالي أرحت أعصابي وتوقفت عن مشاهدة الكرة السودانية من زمان ، رحم الله جيل قاقارين والدحيش وكمال عبدالوهاب وسامي وبقية كوكبة ذلك الجيل، ما يميز الكرة السودانية هو جمهور المشجعين.
بعد حركات الثعابين والقرود الحكاية ما نفعت ما قلت ليكم حكاية القرود والثعابين لا تؤثر في المغاربة والله ما كنت عارف المباراة لعبت فوجئت بسخافة التعدي على الحكم بعد الهزيمة ما اصلوا الكورة ربح وخسارة لكن قلة الادب ما في ليها لزوم زمان قلنا الكورة السودانية انتهت منذ زمن طويل ولكن ( قد اسمعت من كان حيا و لا حياة لمن تنادي ) مريخ قال .. مريخ شنو وهلال شنو لا كورة ولا اخلاق نسأل الله السلامة .
حقوا اللاعبين ديل تودهم ضمن قوات الدعم السريع و الدفاع الشعبى للاستفادة من امكانياتهم البدنية بدل الانحراف والهمبتة الهم فيها دى حقيقا الكرة اخلاق قبل كل شى
شي مؤسف واسائوا للسودان ولانفسهم ويجب معاقبتهم بعقوبات رادعة محليا وافريقيا
ما أظهره لاعبو المريخ والطاقم الفني من سلوك عدواني اتجاه الحكم والصحافيين وبعض لاعبي الكوكب لايمت للروح الرياضية بصلة
ديل مفروض يودوهم حلبة الملاكمة عشان محتاجين لملاكمين زيهم
دائما نقول العنصر الاصفر انشط من الافريقي لكن منو البصدق الكورة تتركز في شمال افريقيا
رجعوا اولاد العرب وشوفوا البطولات
جايبين لينا طيشة الصف ودائرين تغلبوا فريق
شماتة الأعداء هههههههههة
مجادعة ثلاثي الهلال(ود البشري..ود المجذوب ..سوهندا) عن طيران الوصيف
…..
سوهندا :
كانت شكله ،،، او بالأحرى ،،عكه قويه
وإندق الحكم ،،،بي بنيه خطاافية
ضلنا يا جميل ،،، ياها القبيل محرية
وإستمعتنا غايتو ،، بي سهره (جونسينيه )
******
ودالبشرى :
قالوا عليك بطل ،،، قالوا انت اجمل ، درة
سموووك الاسد ،،،، لكن ،، مجرررد ،،، برة
تعبااااان انت ،،،، بس غايتو الحقايق مرة
بدل الكورة ،،،، شوفولكم ،،، مصااارعة حرة
******
ودالمجذوب :
يا اسد الجريدة ،،،،، اليوم طلعتا فراشة
خطافية كانت ،،،،وفي الحقيقة معاشة
شدة ما قوية ،،، وفي الصميم دشداشة
يا سوهندا ،،،،،،لما مسكتا ليها الشاشة
*******
سوهندا :
قلتو قبيييل شفوت،،،،، وعلينا إتجدعتو
إلا مشيتو بي البنج الكتييير ،،، بدعتو
وين الصفوه ؟؟؟ لي الجمهور تملي خدعتو
والأمر المهم ،،،،،، طرتو وخلاص ودعتو
*******
ودالبشرى :
مريخكم حماااام ،،،، مااا عندو حبة كورة
لا نص لا دفاع ،،،، حتى الهجوم ماسورة
يا ريت الامور ،،،، هسع بقت مستورة
بس ضرب الحكم ،،،، والله خرب الصورة
******
ودالمجذوب :
الناس حقو تبقي دوام قنوعة و راضية
وتتناسي الهموم ،،،، أو بالاصح متغاضية
وبي غض النظر ،، عن الهزيمة الماضية
ايه ذنب الحكم ،،،، لو ينضرب بالقاضية
*******
سوهندا :
بنقول لي الحكم ،،، كفاره ليك وسلامه
يا الأسد النتر ،،، يا الديمه عالي القامه
تتعلا الحروف ،،،، ليك انت يعلا مقامه
والنجمات فداك ،،،، يبقولك انت كرامه
*****
ودالبشرى :
طار اب نجمة ياااا حليلو ،، وسمعنا العوة
قونين من لهب ،،،، خلو ،، الوصيف يتلوى
الكوكب ظهر في استااادو ،،،، نور وضواا
بس ياخي الحكم ،،، وروني بس شن سوى ؟؟
******
ودالمجذوب :
قال ليك الحكم ،،،، قال لي زميلو هناي
ما شايفك عديل يا صاحبي قرب جاي
لمن صاحبو قرب ..قالو اسكت ساي
لاقيت ليكا تايسون ،،، وجمبو ماشي كلاي
********
سوهندا :
دام طار الهلال ،،، معروف اكيد ح تطيرو
في درب الكبير ،،،، حتمآ وراهو تسيرو
مريخكم خلاص ،، وصلت حرارتو الزيرو
شيلو الفاتحه فيهو ،،،، علي لجان تسييرو
*****
ود البشرى :
يوم طار الهلال ،،،، النجمة نفشت ريشا
تشمت في الهلال ،،، جابت كلاااام نبيشة
طارت هسسة في المغرب ،،، بقت مااافيشة
قالولنا الكواكب ،،، ، كرهوها العيشة
******
ودالمجذوب :
ليه الانفعال ،،،، يا اخوانا والعصبية ؟؟؟
الناس تبقي ،،رايقة وروحا سامية ابية
حاتم موهبة ،،،،، ولكماتو اولمبية
لو شارك اكيد ،،،،،، بيحقق الدهبية