شاعران تنبأن بهزيمة المريخ السوداني من الكوكب المراكشي !
في بطولة كأس الإتحاد الإفريقي (الكونفدرالية) كان هناك موعد بين نادي المريخ السوداني ونادي الكوكب المراكشي في المغرب، انتهت المباراة لصالح نادي الكوكب المراكشي بهدفين من ركلتي جزاء الأول كان في الدقيقة (12) والثاني في الدقيقة (89).
قبل موعد المباراة بيوم تنبأ الشاعران ود المجذوب و ود البشرى بخسارة المريخ من الكوكب المراكشي ، باسلوب ساخر بشعر (الدوبيت) والتي تحصل عليها محرر موقع النيلين وتناقلتها مواقع التواصل الاجتماعي .
ﻭﺩ ﺍﻟﺒﺸﺮﻱ
ﻳﻤﻜﻦ ﺗﻌﺼﺮ ﺍﻟﺤﺼﺤﺎﺹ ،،،، ﺗﻄﻠﻊ ﺯﻳﺘﻮ
ﻭﺍﻟﻠﻠﺴﺪ ﺍﻟﻨﺘﺮ ،،،، ﺗﻘﺪﺭ ﺗﺨﺶ ،، ﻓﻲ ﺑﻴﺘﻮ
ﺍﻭﺑﺎﻣﺎ ﺍﻟﺮﺋﻴﺲ ،،، ﻳﻤﻜﻦ ،، ﺗﻘﻮﻝ ﻻﻗﻴﺘﻮ
ﺇﻻ ﺗﺎﻫﻞ ﺍﻟﻤﺮﻳﺦ ﺩﺍ ،،،، ﻣﺎﺍﺍﺍﺍ ﻇﻨﻴﺘﻮ
…
ﻭﺩ ﺍﻟﻤﺠﺬﻭﺏ
ﺍﻟﻔﻴﻞ ﺍﻟﻐﻠﻴﺪ ﺍﻟﻨﻤﻠﺔ ﻋﺎﺩﻱ ﺗﻔﻨﻮ
ﻭﺍﻟﺸﺎﻓﻊ ﺍﻟﺼﻐﻴﺮ ﻳﺴﺒﻖ ﻧﺪﺍﻳﺪﻭ ﻭﺳﻨﻮ
ﻓﻲ ﺷﺎﺭﻉ ﺍﻟﺰﻟﻂ ﺗﻠﻘﻲ ﺍﻟﻔﺠﻞ ﺯﺍﺭﻋﻨﻮ
ﺇﻻ ﺗﺄﻫﻞ ﺍﻟﻤﺮﻳﺦ ﺩﺍ ﻣﺎ ﺑﻨﻈﻨﻮ
…
ﻭﺩ ﺍﻟﺒﺸﺮﻱ
ﻳﻤﻜﻦ ( ﺗﻮﻡ ﻛﺮﻭﺯ ) ،،، ﺗﻠﻘﺎﻫﻮ ،،، ﻓﻲ ﺗﻤﺒﻮﻭﻭﻝ
ﻭﺭﻭﻧﺎﻟﺪﻭ ﺍﻟﺸﻔﺖ ،،،، ﻓﻲ ﺍﻟﺤﻠﺔ ﺣﺎﺑﻲ ،، ﺑﺘﻮﻝ
ﻳﻤﻜﻦ ﺗﻠﻘﻰ ( ﻓﺎﺑﺮﻳﻘﺎﺱ ) ،،، ﺑﻈﺒﻂ ﻓﻮﻭﻭﻝ
ﺍﻻ ﺗﺎﻫﻞ ﺍﻟﻤﺮﻳﺦ ،،،،،،، ﺩﺍ ﻣﺎﺍﺍﺍﺍﺍ ﻣﻌﻘﻮﻭﻭﻭﻝ
…
ﻭﺩ ﺍﻟﻤﺠﺬﻭﺏ
ﻣﻤﻜﻦ ﻣﻴﺴﻲ ﻳﺴﻜﻦ ﻓﻲ ﺍﻟﻜﻼﻛﻠﺔ ﺍﻟﻘﻠﻌﺔ
ﻭﺍﺏ ﺷﻌﺮﺍ ﻣﺨﻨﻔﺲ ﻋﺎﺩﻱ ﻳﺤﻠﻖ ﺻﻠﻌﺔ
ﻣﻤﻜﻦ ﻳﺘﻠﻐﻲ ﺍﻟﻤﺸﻮﺍﺭ .. ﻭﻧﻨﺴﻲ ﺍﻟﻄﻠﻌﺔ
ﻓﻜﺮﺓ ﺯﻭﻟﻨﺎ ﻳﺼﻌﺪ ﺳﺎﻱ ﺑﺘﻌﻤﻞ ﺧﻠﻌﺔ
…
ﻭﺩ ﺍﻟﺒﺸﺮﻱ
ﺍﺳﺪ ﺍﻟﻤﻐﺮﺏ ،،،، ﺍﻟﻔﺎﺭﺱ ،، ﺍﻟﻠﺼﻢ ،،، ﺍﻟﻘﺎﺭﺡ
ﺍﻭﻻﺩﻙ ﺗﻠﻮﺏ ،،، ﻓﻲ ﺍﻟﺤﺎﺭﺓ ،،، ﺑﺒﻘﻮ ﺟﻮﺍﺭﺡ
ﺇﻥ ﺷﻔﺖ ﺍﻟﻮﺻﻴﻒ ،،ﻗﺎﺍﺍﻋﺪ ،،،ﻣﺴﻬﻲ ﻭﺳﺎﺭﺡ
ﺷﺎﻥ ﻗﺎﻟﻮﺍ ﺍﻟﺒﻠﺪ ،،،،، ﻣﻄﺮﺍﻧﺔ ،، ،،، ﻣﻦ ﺍﻣﺒﺎﺍﺭﺡ
…
ﻭﺩ ﺍﻟﻤﺠﺬﻭﺏ
ﺍﺳﺪ ﺍﻟﻤﻐﺮﺏ ﺍﻟﺠﺎﻱ ﻣﻦ ﻣﺮﺍﻛﺶ ﻋﺎﺑﺮ
ﻣﻦ ﻛﻮﺭﺓ ﺍﻟﺬﻫﺎﺏ ﺭﺍﺟﻴﻜﺎ ﻣﻤﻜﻮﻥ ﺻﺎﺑﺮ
ﻋﺎﺭﻓﻨﻚ ﺣﺮﻳﻒ .ﺗﻴﻤﺎ ﻫﻤﻴﻢ ﻭﻣﺜﺎﺑﺮ
ﻣﻦ ﻫﺴﻲ ﺍﺳﺘﻌﺪ ﻳﺎ ﻋﺒﺪﻭ ﻳﺎ ﻭﺩ ﺟﺎﺑﺮ
…
ﻭﺩ ﺍﻟﺒﺸﺮﻱ
ﺧﺎﻳﻒ ﻣﻦ ﺗﺮﺍﻭﺭﻱ ،،،، ﻭﻣﻦ ﻋﺠﺐ ﺑﻲ ﺍﻟﺬﺍﺍﺍﺕ
ﻭﻣﻦ ﺑﻜﺮﻱ ﺍﻟﻤﺪﻳﻨﺔ ﺍﻥ ﺟﺎﺗﻮ ﻛﻮﺭﺓ ﻭﻓﺎﺍﺍﺍﺍﺍﺕ
ﺑﺨﺎﻑ ﻣﻦ ﻋﺒﺪﻭ ﺟﺎﺍﺑﺮ ﻭﺟﺎﺑﺴﻮﻥ ﺍﻟﺸﻮﻭﻭﻭﻭﺍﺕ
ﺑﺨﺎﻑ ﻭﺍﻟﻠﻪ ﻣﻦ ،،،، ،،،، ﻃﻌﻤﻴﺔ ﺍﻟﺸﻤﺎﺍﺍﺕ
…
ﻭﺩ ﺍﻟﻤﺠﺬﻭﺏ
ﻣﺎ ﺗﻘﻠﻖ ﻭﺍﻛﻴﺪ ﺍﻟﻔﻮﺯ ﺑﻴﻘﻠﺐ ﺑﻤﺒﻲ
ﺣﺬﺭﺗﻮ ﻭﺍﻛﻴﺪ .. ﻟﻮ ﻛﺎﻥ ﺻﻌﺪ ﻣﺎ ﺫﻧﺒﻲ
ﺍﺣﺴﻦ ﻟﻴﻬﻮ ﻳﻄﻠﻊ ﺇﻛﻮﻥ ﻣﺤﻜﺮ ﺟﻤﺒﻲ
ﻣﻦ ﻳﻤﺸﻲ ﻭﻳﺠﺎﺯﻑ ﻭﻳﻠﻘﻲ ﻧﺎﺱ ﻣﺎﺯﻳﻤﺒﻲ
______
محمد عبد الرحمن – النيلين
وديل علاقتهم شنو بالكورة علي قول شداد الكورة من دخلو فيها ناس زعيط ومعيط واصبح لعيبة الكورة معظمهم فاقد تربوي قال لايمكن ان تتقدم كورة القدم السودانية
يا أخي نعم لاعبي الكرة في المريخ والهلال فاقد تربوي تصرف علىهم الدولة مبالغ كبيرة بدون فائدة – الصحة والتعليم اولى بهذه الاموال اما هم فاحسن يشتغلوا في الرقشات واللا يبيعو الشاي واللا يمسحو الاحذية ورنيش واللا يرحلوهم الجنوب
اينما ذهبو رجعوا مرفوعي الرأس من الهزائم والخزي والعار – وياريت لو يحسوا ويخلو الكورة دي لى اسيادها
أنا مريخابي من زمن الصغر ولكن الآن تركتها حفاظا على صحتي وخوفا من الإصابة بالضغط وفري الكبد ، وبصراحة شديدة هزيمة المريخ كانت معروفة جيدا ومتأكد منها كل زول بعرف كرة قدم ، دي ما كرة قدم دي دي هرجلة وعك ورفس ونطح بس ، الناس دي ما قاعدة تشوف لعبة كرة قدم واللا شنو ؟؟؟؟ دي حقو يسموها حاجة ثانية غير كرة قدم .. من المفترض أن يكون هنالك قرار شجاع من رئيس الجمهورية مباشرة بمنع مشاركة أي فريق سوداني في أي منافسة خارجية والأموال التى تصرف على هؤلاء يجب أن يتم إستثمارها في الصحة والتعليم والمياه والكهرباء وأولى بها الشعب السوداني وكفاية وجع قلب وإرتفاع ضغط وهري كبد للعالم.
والله حاجه مخجله لا كوره لا اخلاق …وضرب الحكم مهزله … وزى ما ذكر المعلق الجعلى الحر رغم مرخيته …دى ما كوره قدم وعك ورفس من لاعبين لا يملكون من متطلبات كرة القدو الا القوه الجسمانيه ….ويبدو ان المدير الفنى وابوجريشه طالبوا اللاعبين باستخدام القوه ولكن نسوا اعلموهم المخالفات التى تسبب ضربات الجزاء الت قادت الفريق المغربى الى دور الثمانيه ولاعبى المريخ لمطاردة الحكم تغطية للخيبه وهيجان جمهور المريخ المسكين