بالفيديو.. ماذا قال الرحالة ابن بطوطة عن السودان؟

اهلنا الكبار دايماً كان بيقولو لينا : (العارف عزو مستريح ) و ما محتاجين لينا شهادة من زول ولا من كاتب لأنو أخلاقنا دي ما عشان رياء ولا عشان الناس يقولو عننا !!!
بعدين إبن بطوطة لم يكن يقصد السودان بتاعنا ده أو السودان العربي !

بلاد السودان كانت تطلق على كل البلدان التي تمتد من سوداننا إلى غانا في غرب أفريقيا
و لكن هذه الصفة انتفت عن كل دول وسط و جنوب الصحراء ما عدا سوداننا الحبيب !!!
و أزيدكم من الشعر بيت يعني في ناس دايرين يلصقوا فينا كلام إبن بطوطة غصباً عننا !!!
انتو عارفين إبن بطوطة قال شنوة كمان عن السودان ؟؟؟
” ولنسائها الجمال الفائق وهن أعظم شأنا من الرجال وشأن هؤلاء القوم عجيب وأمرهم غريب فأما رجالهم فلا غيرة لديهم … وأما نساؤهم فلا يحتشمن من الرجال ولا يحتجبن مع مواظبتهن على الصلوات … والنساء هنالك يكون لهن الأصدقاء والأصحاب من الرجال الأجانب وكذلك للرجال صواحب من النساء الأجنبيات ويدخل أحدهم داره فيجد امرأته ومعها صاحبها فلا ينكر ذلك ”
يا جماعة … هسي في السودان ده كلوا حصل لاقيت ليكم ديوث ؟؟؟
طوف السودان دي حضر و بادية بعد داك تعال قول لي يا أخي المحرر!!!
و قال إبن بطوطة عن السودان :
“والمسافر بهذه البلاد لا يحمل زاداً ولا إداماً ولا ديناراً ولا درهماً. إنما يحمل قطع الملح، وحلي الزجاج الذي يسميه الناس النظم، وبعض السلع العطرية. وأكثر ما يعجبهم منها القرنفل والمصطكي وتاسرغنت، وهو بخورهم، فإذا وصل قرية، جاءت نساء السودان بأنلي واللبن والدجاج ودقيق النبق والأرز والفوني، وهو كحب الخردل يصنع من الكسكسو، والعصيدة، ودقيق اللوبيا، فيشتري منهن ما أحب من ذلك. إلا أن الأرز يضر أكله بالبيضان، والفوني خير منه.”
بعدين السودان دا من متين كان فيه رز يا جماعة ؟؟؟ نحن الرز دا ما عرفناه إلا قريب والله حتى الخبز ما عرفناه إلا قريب !!!
اسألوا حبوباتكم !!! طول حياتنا ما بنعرف إلا الكسرة و العصيدة و القراصة !!!
و بعدين إبن بطوطة ده فاسق معروف بالكذب و قد سبق أن كذب على شيخ الاسلام إبن تيمية في كتاب رحلاته !!! فشهادتو دي ذاتها باطلة حتى في سودان غرب أفريقيا المشا ليهو ده !!!
بالله عليكم ما تمسكوا بالفارغة !!! مالنا و مال العريفي و مالنا و مال بطوطة ولا عصفورة
عزنا عارفنو و ما محتاجين لينا زول يجي يزكينا !!!

بعدين المكتوب عن أهل السودان بالجد موجود في تفسير القران العظيم لامام إبن كثير (رحمه الله ) ، و إن كان الحديث فيه ضعف لكن الامام اوردو في التفسير و الضعف لا ينفي الصحة خصوصاً إذا ما كان الأمر مرتبط بالعقيدة !!!
قال الامام إبن كثير في تفسير سورة الأعراف عن أهل البل في السودان ، و الكلام قد يشمل الجميع لأنو كلنا حتى و إن كنا مزارعين أو حتى الساكنين الحاضرة فاجدادنا كانو أهل بل و مواشي !!! :
لما نزلت { إذا وقعت الواقعة } ذكر فيها ثلة من الأولين وقليل من الآخرين ، قال عمر : يا رسول الله ثلة من الأولين وقليل منا ؟ قال : فأمسك آخر السورة سنة ثم نزل { ثلة من الأولين وثلة من الآخرين } فقال رسول الله صلى الله عليه وسلم : يا عمر تعال فاسمع ما قد أنزل الله { ثلة من الأولين وثلة من الآخرين } ألا وإن من آدم إلي ثلة ، وأمتي ثلة ، ولن نستكمل ثلتنا حتى نستعين بالسودان من رعاة الإبل ممن شهد أن لا إله إلا الله وحده لا شريك له
الراوي: جابر بن عبدالله المحدث: ابن كثير – المصدر: تفسير القرآن – الصفحة أو الرقم: 7/492