وزير الكهرباء: العام 2017 يشهد الاعداد لبناء اول محطة نووية في السودان
قال وزير الموارد المائية والري والكهرباء معتز موسي أن العام المقبل سيشهد الإعداد لبناء المحطة النووية الأولي بالسودان لتوليد (1200) ميقاواط من الكهرباء.
وتوقع الوزير خلال تقديمه لبيان الوزارة أمام المجلس الوطني يوم الثلاثاء ارتفاع الطاقة المنتجة الي 16،079 قيقاواط ساعة من خلال دخول مشروعات جديدة لانتاج الطاقة في مقدمتها محطة توليد مجمع سدي اعالي عطبرة وستيت بواقع 320 ميقاواط .
وأوضح الوزير بأن جملة التوليد بالشبكة القومية والربط الأثيوبي خلال العام 2016 بلغ (14,556.54) قيقاواط ساعة بنسبة زيادة 11% مقارنة بالعام الماضي و أن التوليد المائي منها بلغ 8،141 قيقاواط ساعة بنسبة اجمالية في الشبكة 55،93% في الوقت الذي بلغت فيه الطاقة المنتجة من التوليد الحراري 5،954،83 قيقاواط ساعة بنسبة 40.91 من إجمالي الطاقة المولدة وأبان أن الطاقة المستوردة عبر الربط الأثيوبي وصلت الي 406،69 قيقاواط ساعة بما يقدر ب 3،16 % من إجمالي الطاقة بالشبكة القومية.
وبشر الوزير بجاهزية الوحدات الغازية الست بسعة 150 ميقاواط مما يسهم في استقرار الإمداد الكهربائي مشيرا بالتعاقد مع شركة سيمنز الألمانية لتوريد وحدات بسعة 850 ميقاواط تركيبها في محطتي قري وبورتسودان.
في السياق أكد معتز موسي إحراز تقدم كبير في تأهيل وتحديث بنيات الري بالمشاريع المروية من خلال صيانة ابواب القناطر الرئيسية بنسبة 70% الي جانب صيانة محطات الري بالجزيرة ومحطة مينا بنسبة 100% .
وفي حصاد المياه اكد تنفيذ 5 سدود و140 حفير و400 محطة مياه جوفية و12 محطة مياه مدمجة لتنفيذ 60 مليون متر مكعب في خطة الوزارة العام المقبل .
ونوه موسي الي ضرورة الإسراع في إنفاذ مشروعات انتاج الطاقة الكهربائية وفق البرمجة الزمنية المرسومة في الخطة .
هنالك اشياء اولي من الطاقة النووية، اولى في العام 2017 بعدم استيراد الكهرباء من اثيوبيا، اولي تشغيل قري 4، اولي كهرباء بورتسودان، اولى توصيل كهرباء حتى لاحياء في وسط الخرطوم مثل حي الاندلس،،، اتق الله في اموال البلاد ولا تسرف.
الناس دي على ارض الواقع انجازهم صفر كبير عشان كدا كلامهم مليان ارقام و قصص عشان يعوضوهو الفشل.اخونا دا بونس ساي زي بتاع المعادن.
العام المقبل سيشهد الإعداد لبناء المحطة النووية الأولي بالسودان
…………….
ماهو هذا الاعداد ، هل يعني وضع الاساسات ام طرح المناقصة للدول والشركات العالمية ام استخراج أذونات من الدول التي تحكم العالم ام ما هو هذا الاعداد؟
طيب الاعداد عرفناه السنة الجاية ولكن ما هي سنة بدء البناء و ما هي سنة الانتهاء منه واذا صدقنا هذا الوعد الكاذب فهل حكومة الانغاز مؤهلة لادارة مفاعل نووي بينما تفشل في ادارة الاجهزة المشعة في مستشفى الذرة في الخرطوم وفي مدني وكل من يسير في محيطها وفي الشوارع القريبة منها معرض للاصابة بالسرطان في قلب الخرطوم علما بانه يمر بجانبها خطوط مواصلات كثيرة وملايين المواطنين يتلقون جرعات مشعة مسرطنة يوميا.
اخجلوا لعنة الله عليكم وعلى الجابكم
يا ابورتينة كدي عليك الله اسألو لينا انت مضوي وبشوفك كويس الاربعة مليار الختوها في سد مروي وطلع السد مخستك وغير صالح لتوليد الكهرباء اللهم بس ترعة لتخزين الموية وطلع لهطها نسيب بشة اسامة عبدالله واخوه عبدالله البشير ، مطلوب مننا ندفع تاني زيهم للتاقة النووية عشان معتز عبد الله يضوي وينطفي ابو لمبة ولا كيف
الانغاز تواجه فشل في ادارة مطار الخرطوم وكل يوم سرقات من حقائب المسافرين ولخبطة في جداول الرحلات و تفشل في ادارة محطات المياه والكهرباء ببساطة فشل في كل شيئ ماعدا دمار البلاد وتحطيم اقتصادها نجاح باهر 10/10 ويستاهلوا جائزة نوبل والدخول في موسوعة جينيس في الفساد و تدمير البلدان وتقسيمها.
هل تعلمون ما معنى مفاعل نووي؟
معناه اقل خطأ او فشل يؤدي لكارثة كبيرة لا يحمد عقباها و حتى امريكا وروسيا و اليابان فشلوا وحدثت كوارث في المفاعلات مازالت تستنزف اقتصاداتهم لاحتوائها ولم يستطيعوا احتوائها ولن يستطيعوا على المدى القريب
هل هناك كوز او عسكري يعلم ماهو الفرق بين الإلكترون و البروتون وما هو البوزيترون او ما هي النظائر المشعة.
ليس هذا مشروع تستطيع تهاني او المتعافي او غيرهم من الوزراء او البشير تعيين اقاربهم من المهندسين الفاشلين فيه هذا مفاعل نووي
قبل ثلاثه سنوات تقريبا جامعة Mexico city في دوله المكسيك قدمت منح للدراسات العليا في مجال الفيزياء … الكيزان العواليق ديل تحت تحت ارسلو ثلاثة طلبه غير مؤهلين أكاديميا للمكسيك و حرموا بقيه السودانيين من الفرص دي
في مجال التعليم فرص كتيره مهدوره و ضايعه من شباب كانو ممكن يستفيدوا منها و يمثلوا الوطن احسن تمثيل و البلد تستفيد منهم و يطورو و ينهضو بيها و تمشي لقدام …. لكن ظلم الكيزان و انانيتهم و سياسة التمكين حرمت ناس كتيره من حقوقهم ..
شايف الجامعات الامريكيه الان حتمنح السودانيين فرص منح دراسية. .. اتمني إلا يحجزها الكيزان لأولادهم فقط …
سؤال يا شباب
انتو في السودان ممكن تدخلوا مواقع الجامعات الامريكيه ولا لا؟؟؟
يا عطبرة مسألة ارسال طلبة للخارج عليها تكتم شديد من قبل الكيزان ليس فقط ليحتكروها لابنائهم فقط ولكن ايضا من اجل الدولار بالضبط زي حكاية الدواء طلاب وهميين ترسل لهم اموال بسعر البنك وملعوبة بطريق موظف في السفارة على الطرف الاخر
الراجل ده بيكذب كذب بين
قال الكهرباء المولده 16 قيقاوات اتحداهو انو يثول التفاصيل الرقم فى مكان والتفاصيل فى مكان
الكهرباء فى السودان لا تتجاوز 6 قيقاوات على الاكثر ده بعد نديها كوز وشوف الفرق بين 6 و 16
هو قال قيقا واط ساعة وليس قبقا واط والفرق واضح فالقيقاواط ساعة هو الطاقة المنتجة خلال فترة زمنية ويفهم من كلام الوزير قصده الطاقة المستهلكة خلال عام(المنتج +المستورد من اثيوبيا) اما القبقا واط هى القدرة (ممكن رياضيا بصورة مبسطة نقول هى الطاقة على الزمن) والقدرة القصوى المكن انتاجها فى السودان تقريبا اقل من 4 قيقا واط لكن عند حساب الطاقة المستهلكة خلال عام لا تكون فىها القدرة القصوى موجودة طول الوقت لان استهلاك الكهرباء متغير بتغير الاحمال خلال اليوم وخلال الاسبوع وخلال السنة كما ان القدرة القصوى للشبكة لا تكون متاحة على مدار السنة للصيانة الدورية لبعض المولدات بالاضافة للقيود التشغيلية كما ان توليد السدود المائية خلال العام يعتمد على المخزون المائى
سيادة الوزير يمكن عاوز يخم ناس المجلس الوطني بالقيقاوات ساعة (في العام) …
وحتى عقد شركة سيمنز لتوريد محطات كهرباء 850 ميقاوات ما ذكر التكلفة؟؟؟
المهم نحن عاوزين كهرباء بدون قطوعات ورخيصة لا بيحلو قيقا-وات ساعة ولا ترا-وات ساعة
من زمااان
الشعب يريد إسقاط الحكومة
بس اتأكدوا إنو ما في مهندس ينسى البلف فاتح وتروح البلد في داهية هههههه كما عمل مهندس محطة كريمة قبل سنوات عندما استخدم الجازولين بدلا عن الفيرنس في إبداع هندسي لم يشهد له العالم مثيلا وكاد أن يفتك بالبلد !!
عالم محبطه وتفكيرها تعبان ؟؟؟؟
يجب عليكم تشجيع مثل هذه الخطوه والتى جاءت متأخره جدا” لأن قاطرة أى صناعه وتطور اقتصادى هى الطاقه وليس غيرها .
اعداد لبناء؟؟؟؟؟ منذ متى و الاعداد للاشياء اصبح انجاز يحتفى به في الصحف. هذا تسطيح للامور. الله يعد ليكم حي باسم كافوري في نار جهنم
هاهاهاهاهاهاااااااااااااهاهاهاها نووية بتاعت الساعة كم يا وزير الهنا !
شفتو عجايب الدنيا وزير الكهرباء السوداني خريج كلية الآداب …………
لو لفيت العالم ده كله من يوم خلق الله الدنيا ماحتلقي حاجه زي دي
الا عند الكيزان………!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ياوزير الهنا انت كدي افهم في الكهرباء اولا بعدين امش للنوويه …
ههههههههههههههههههههههههههههههههههههههههههههههه
آل نوويه آآآآآآآآآآآآآآآآآآآآآآآآل …………………………………………..
الراجل ده مخبول واللا شنو وهل هو بكامل قواه العقلية و البدنية ، ألهذا الحد بلغ بكم الإستخفاف والإستهزاء بالشعب السوداني ، ده كلام لا ينطلي ولو على الأطفال … بلد تشهد تدهور إقتصادي مريع ولا مثيل له في دول الجوار ، بلد أغلي من أي مكان في العالم ، بلد كل أهلها يريدون مغادرتها للغلاء الفاحش والفقر المدقع وأنه لا بصيص أمل في الإصلاح .. بلد أصبحت طاردة وأكثر من 90% من الشعب فقراء وتحت خط الفقر ، بلد ليس فيها بنية تحتية ولا تعليم ولاصحة ولا مشروعات زراعية منتجة ” كلها تم تدميرها ” بلد منتهية وفاقدة الببكي عليها ، ،، يطلع زي الأهبل ده ويصرح ويقول محطة نووية … نووي مضروب بيه في رأسك ورأس حكومتك .. إنت عبيط واللا أهبل .. حق المحطة دي أعدلوا بيه حال السودان المائل … أعملوا بيه مشاريع زراعية وصناعية منتجة لزيادة الإنتاج وأعملوا بيه مدارس ومستشفيات لعلاج الناس الغلابة الفقراء … يتكلم عن محطة نووية وكأنه في أمريكا أو بريطانيا أو فرنسا أو تركيا أو في أغنى بقاع الأرض … مثل هذه التصريحات تثير غضب الناس وتتهكم وتسخر منكم و من كذبكم …
مع كل انجاز للانقاذ يزداد غيظ معارضين ال(key board)علي ارساء اسس التنميه لاهلنا في السودان فقبل ثلاث كانت اخبار شراء طائرات سوخوي ودبابات كافبه لاظهار احقاد وسموم كبيرهم الذي علمهم السحر! واول من امس عند ظهور اخبار بدايه صناعه الطائرات وتكنولوجيا الفضاء اشتد التشنج الانفرادي والعواء الجماعي والسخريه المفتعله من جماعه ضد من صرّح بالاخبار الساره كانما قد وقعت كارثه !! واليوم عند سماع اخبار بدايه مشروع الانتاج النووي للطاقه كبقيه دول الارض جن جنون اناس حاقدين كانما ليس من حق السودان ان يتقدم او يتطور وينموا كبقيه بلاد الله !! فقالو ستكون كوارث كشرنوبل واليابان وامريكا ونسوا ان تكنولوجيا سلامه المفاعلات تتطور وكذلك خبرات ابناء علماء بلادنا وماحدث بالامس اصبح تاربخا لن يتكرر.
الحجم المننج من الطافه الكهربائيه يزداد كل سنه الي ان نصل للاكتفاء والوزير الهمام يؤدي مهامه بكفأه عاليه وملتزم فقد تم نقل اداره ملف مباه النيل ومكان تخزين المياه من مصر الي اداره ثلاثبه وعلي حدود السودان علي يديه!! وتم توسيع مشاربع حصاد المياه وزياده عدد السدود الصغيره والكبيره لزياده رقعه الزراعه تحت رعايته فله منا جزيل الشكر والتقدير,
يا زول سلام عليكم
مافي سوداني ما بيحب السودان و يتمني له التقدم و الازدهار غير هؤلاء الكيزان ..
خلينا في ضلامنا وحرنا دا أحسن لينا. إيران لم تسطع الى الآن بإقناع العالم في إستخدام الطاقة الننوية لأغراض سلمية فما بالك نحنا. تجي تدي العسكري ولا الغفير رشوة يفتح ليك البوابة والقيامة تقوم
من زمان
مٌا مٌمٌكِنَ الُكُِهرَبّاء تْأتْيَ لُيَ دِارَفَوَرَ يَ سِْعادُِه الُوَزُيَرَ
ياخ محطة نووية في السودان عشان تبقي كارثة بعدين اكبر من كارثة تشرنوبل ..
ما بينفع المشروع ده في السودان نهائي وانا ضد المشروع ..
بس لا حياة لمن تنادي
محطة نووية هههه٧ههههههههههههه قال محطة نووية لتوليد الكهرباء كدي اشبعوا م̷ـــِْن السف والاكل وبعد ذلك اتجه لتحسن الكهرباء المائية قال كهربة نووية
طيب في حاجة يا وزير الطاقة النووية خلي كهربتك العادية دي تستقر قال كهربة نووية قال هههههههه
هههههههههع ما بتلحقوا تكذبوا بيها
اننا في ولاية النيل الازرق نعاني من نقص في الكهرباء
بما ان لدينا سد الرصيرص
قال تعالي:(ومااتيتم من شيء فهو يخلفه وهوخيرالرازيقين)).
ربنا يتم هذا المشروع الكبير
ااحيانا نتنظر الفرح من بابا ويبعثه الله لنا من باب ثانى نحي ونشوف فى السودان
غايتو الله يكون معاك ونشوف البحصل وان شاءالله يحصل كل خير
Sudan life
بداية الاعداد ههههههههههه
زي اعداد الهلال والمريخ صرف مليارات والمحصله صفر