اسعار صرف الدولار والعملات مقابل الجنيه في السودان

في فرق كبير بين الصادرات و الواردات و المفتكر إنو رفع العقوبات بنزل الدولار بحلم بعد ستة شهور لمن أرفعوا العقوبات أول ناس بستفيدوا منها الكيزان بكونوا أشتروا الدولار بالرخيص و بقدروا إحولها برا السودان و أنت يا مسكين قاعد ساي لو كان في إنخفاض كان ظهر على أسعار السوق

التقيل قدام

انت حافد علي المغتربين ليه؟؟؟بنو المدارس البتدرس فيها بنت واختك ولا أمّك شغاله فيها استاذه ولا بتبيع فول وتسالي في ضلّها؟؟

((أم يحسدون الناس على ما آتاهم الله من فضله)) سبحان الله ناس ما بتستحي الرسول صلى الله عليه وسلم يقول(لاتحاسدوا) يا مسكين الذي رزق المغترب عمل في الخارج هو الله عزوجل والذي يرفع الأسعار ويخفضها هو الله عزوجل فعلى من تعترض وما الذي أغاظ قلبك أن رزق الله بعض عباده رزقهم من فضله وبحكمته سبحان وتعالى فالتراجع نفسك فإن بها مرض عافانا الله وإياكم جميعاً

سلام للجميع وتحية خاصة للسيدة حنان مكاوي.
الذي حدث هو ان التجاراخلوا باتفاق الجنتلمان مع الحكومة. مراكز قوى كيزانية
من تجار العملة ذكرت بان الربح الناتج من بيع الدولار والذي نتحصل عليه وهو ٨٠ قرش
عن كل دولار هو قليل وطالبوا بان يأخذوا الربح بواقع ١٠% من قيمة أي دولار يتم توريده
للحكومة. مركز القوى هذا يمتلك اكثر من بنك سوداني والعديد من الصرافات وهم يمثلون
حوالي٦٠% من التجار وقد رفضت الحكومة طلبهم فاعلنوا انهم سيتعاملوا مع الدولار حسب
حوجة السوق. ارتفاع الدولار متزامنآ مع قرار ترامب صدفة بحتة. البلد قد تتعرض للبيع
للصينيين.
الدولار سيرتفع لاكثر من ٢٢ جنيهآ خلال اسبوعين. الحكومة في حيص
بيص والقادم اسوأ.

ي جماعه كلنا نخاف ربنا ونبطل نحسد ع بعض ونستفز بعض وننظر بأنانيه وكل زول يعاين لمصالحو..
الوضع الاقتصادي سيئ ومحتاج إجراءات وسياسات غير المتبعه حاليا خاصه بخصوص الصادر والوارد.. اما بخصوص العقوبات ف هي نقطه كبيره واضافه حقيقيه للعاملين في القطاع الصناعي وبتجذب المستثمرين وبتقلل من تكاليف الانتاج في الصناعات الكبيره زي البترول والسكر وغيرو..
ونتمنى الوضع ينصلح ويعيش كل السودان في رفاء ورخاء
# م حبيت اوضح وافصل لانو موضوع يطول شرحه

جمعه مباركه عليكم ، المغتربين ما عندهم مشكله ممكن يرسلوا كل 6 شهور ، والحكومه كم سنه ما قادرة تحسن الوضع ، الغربه ما عاجبانا شوفوا لينا وظائف زي الناس وعدلوا سياستكم الجبانه دي كل واحد يلم لي نفسه ودا حق الشعب التعبان دا في النهاية ، والخليج مافيهو مويه صالحه للشرب بيفلترها وما فيهو اراضي زراعيه صالحه بيزرع في السودان وغيره وبيستورد وبعد دا وضعهم احسن مننا ، أنا ما عارف ناقصنا شنو ؟؟؟؟؟