السودان يتسلم اول طائرتين ايرباص لتطوير الخطوط الجوية السودانية

الف مبروك

خبر جميل و الله … ان شاء الله سودانير تعود افضل مما كانت
و عقبال للسكه حديد و هيئة المواني البحريه و مشروع الجزيره و مصانع السكر

ان كانت الصفقة مدروسة وتركت للمختصين وكانت بدافع وطني بعيدا عن المصالح الشخصية الدنئية فعتبر ذلك اول خطوة جادة في اتجاه اصلاح الواقع الاقتصادي للبلد فوجود ناقل وطني مهم جدا في توفير جزء من النقد الاجنبي

دي صناعه فرنسيه كانت تعمل بين اوربا وامريكا عبر الاطلسي وموديل٣٠٠اقدم من موديل ٣٢٠عليه هذه البصات اقصد الطائرات دخلت عمره كامله وتغير كراسى وفرش الخ…..والصين مولت الصفقه واخذت عمولتها يعني الطائره بتكون ثمنها ٥٠مليون دولار اواكثر بقليل

معقول 14 من نفس النوع القديم ده. مفروض يكون في تنوع, مثلاً 5 بوينغ 737, 2 بوينغ 777, 3 إيرباص 330 أو 340 كبداية للتطور مع تحديث كامل للشركة من طيارين و مضيفين و ويبسايت للحجز و الإجراءات. اوعي تكون سودانير لسه عندهم العواره بتاعت تأكيد الحجز قبل 24 ساعة!!!

ختيار طائرات مناسبة جديدة، وأخرى مستعملة استعمالا خفيفًا.
دا الكلام البيعكنن البلد دي مافيها عاقل ما كفاية بصات الوالي المستعملة ..
و14 طائرة مستعملة عشان نفقدها خلال خمس سنوات قبل ان نجيب البديل ليه ما تكون زي ماقال احد الاخوة ان شاء الله ستة جديدة فقط عشان تشتغل عشرين ستة وتجيب ستة غيرها لكن المستعملة هذه ستنتهي فنيا قبل ان تحل ثمنها
وخط هيثروووو وين نلاقيه تاني

30 الف قدم مبروك.. الخبر قديم ولا علاقة له بفك الحصار. الحصار والعقوبات كانت كوم وهم والغرض منه كسر وفرم وسحن الهمة وقد تم. ورفعت كل الوزارات التمام بالفشل وعلقت كل عملها وعلمها على الحصار الحصار الحصار. مشروع الطائرات والبواخر و و خطط له قبل سنوات جماعة بقيادة السيد مكاوي الذي يعرف من أن يخترق الحصار إن وجد .. وهذه مهمة رجال الدولة أن يعلموا بجد واجتهاد ومعنى الاجتهاد هنا فكر متجدد وطرق متعددة .. بس امريكا هي التي جاهرت بالحصار والعقوبات وعملنا ان كل العالم محاصرنا ونمنا على رأي واحد وجهة واحدة نتسلف ونشحد ونتدين وو . الغريب هناك مشاريع كبيرة جدا اكبر مما تفكر فيه الحكومة ولعبات فردية نمت وترعرت في ظل هذا الحصار في الزراعة والطب والصناعة باحدث المعدات والاجهزة المستوردة يعني لم يشملها الحصار ولا العقوبات . ونستثنى جهاز المغتربين الوحيد الذي كان يعمل باجتهاد وجد لكن في طريق الجهجهة الواحد العفش المستعمل والعودة الطوعية والهجرة الشرعية اهو الجهجهة ولا الجهاز هكذا يقول المغتربين

الحكومة لروحها عايزة تجيب طياراااااااات مستعملة وترفض انو المغتربين المشردين عشرات السنين اجيبو سياراتهم اللي ليها سبعة تمانية أو عشرة سنين – ياحكومة دي سيارت مستعملة وكان بركت بتبرك في الواطة دي وصاحبها بتحمل رفعتها وانتو حتجيبو طيارااااااات مستعملة وكان بركت شوفو حاتبرك وين ومنو البتحمل ماكلكم حاتزوغو وما خط هيثرو منكم ببعيد ومنو فيكم الحا امشي الحراج (الدلالة) حراج الطيارات يعني و العبها مع اصحاب المعارض امكن الطيارة محتاجة عمرة ولا مهضومة الجناح – صحيح الفي ايدو القلم مابكتب روحو شقي

خليكم من الطيارات الناس البتركب الطيارة ذاتهم مشكلة. واحد تافي سفة، واحد رافع رجله في الكرسي غير الجوطة وعدم الإلتزام بتعاليمات الكابتن والمضيفين. شعب عبارة عن كوشة متحركة مع الإحترام للقلة

والله خطوة جميلة. .وبداية لرؤية لبناء اقتصاد سوداني بإذن الله. .ليش المغتربين وين المسؤليين بالدولة. .والمغتربين كافية اليهم. .وربنا يصلح الحال والأحوال في السودان وفي كل مكان

تشرفت في العام 1994 بالسفر على متن الخطوط الجوية السودانية التي كانت في ذلك الوقت في أواخر عهدها ومجدها الذهبيين. قائد الطائرة كان أسطورة الطيران السوداني الكابتن طيار شيخ الدين محمد عبد الله وكانت الوجهة من الخرطوم إلى الدوحة.
كل دول العالم تتباهى بحاضرها ومستقبلها..إلا نحن في السودان نفتخر بماضينا ولا جديد يوحي بالأمل.