دعا رئيس حزب الأمة القومي “الصادق المهدي” الحكومة إلى ابتدار ملتقى قومي جامع، للانتقال من ما وصفة بمنهج التمكين والإقصاء إلى منهج قومي يحقق السلام ويجنب تكرار تجارب الانتخابات السابقة، خلال الاستحقاق الدستوري عبر انتخابات (2020) م.
ووصم “المهدي” خلال ندوة حول (دور السودان في تعزيز السلام والاستقرار في جنوب السودان) أمس ــ بقاعة الشارقة، وصم دولة جنوب السودان بالفشل وبرر ذلك باكتمال المقاييس والمعايير التي تنطبق على الدولة الفاشلة من لجوء وفساد وفقدان الشرعية الدولة بدولة الجنوب.
من جانبه أقر القيادي بدولة جنوب السودان “د. عبد الله دينق نيال” بسقوط الشعارات التي كانت ترفعها الحركة الشعبية قُبيل إعلان نتيجة الاستفتاء وانفصال الجنوب، واصفاً الوضع الدائر ببلاده بأنه يطابق المصطلحات الأممية التي تطلقها على البلدان التي تشهد إبادة عرقية.
المجهر
النيفيسة فيها والقليب مابيها…يا أدخل الإنتخابات وشيل شيلتك زى الجال البتحملو السقوط يا أبعد بعيد وخليك فى تنظيرك…
يا اخي هريتنا
الراجل جنه مؤتمرات وملتقيات وكلام كتير ما بزهج منه اصلا
دا شنو دا يا اخي ..عايز واحد نشط يحصر ويعدد لينا المؤتمرات واللقاءات التي اجراها الصادق وليه مني 2 مليون جنيه
( بالقديم طبعا )
يا اخوانا الصادق دا قال في الانتخابات الفاتت انو الحكومة استجابت لحوالي 90% من مطالبة لدخول الانتخابات ومع كدا هرب منها في اخر لحظة وانا ما فاهم السبب الخلاهو يهرب شنو ؟ اللهم الا يكون عايز يستجيبوا لي 100% من مطالبو يعني يكون هو الامر والناهي فيها يعني يا رئيس يا ما عايز. فيا الصادق المهدي حقو تكون زول واقعي شوية وسيب التنظير والعيش في الاوهام دا وخليك راجل واقعي وانزل الانتخابات واعرف وزنك بين الناس شنو لكن اذا استمريت في باقي حياتك بكل هذا الجبن والتردد فلن تقدم ولن تؤخر في الحياة شيئا.