الحكومة: لا تخفيض للدولار الجمركي
أكدت الحكومة ثبات الدولار الجمركي في (18) جنيهاً وفقاً لما تم اعتماده في الميزانية.
واستبعد رئيس القطاع الاقتصادي، وزير الاستثمار ونائب رئيس مجلس الوزراء القومي، مبارك الفاضل المهدي، في الملتقى التنويري لوزراء القطاع الاقتصادي بالموازنة العامة للدولة وسياساتها، الذي انعقد بحاضرة ولاية شمال كردفان الأبيض أمس، أن تكون ميزانية العام 2018م سبباً في ارتفاع اسعار السلع، وأرجع الزيادات الى المضاربات في اموال المغتربين وتهريب الذهب ونشوء اقتصاد موازٍ بالخارج بسبب آثار العقوبات الاقتصادية.
وأضاف ان الاوضاع السائدة وضعت حكومة الوفاق الوطني أمام خيارين، خيار صفري بأن تكون الاوضاع على ما هي عليه، او الاقدام على سياسات تعيد للاقتصاد السوداني حيويته، وتمسك بعدم التراجع عن تلك الاجراءات باعتبار انها اعتمدت بعد دراسة متأنية شارك فيها مختصون، ورأى انه لا بديل لها، وان زيادة الدولار الجمركي لترتيب البيت الداخلي.
وتابع ان هناك ظروف صيغت فيها الموازنة أبرزها تأخرنا في اعادة هيكلة الاقتصاد بعد خروج البترول، وعندما استخرج البترول لم توظف عائداته في الزراعة والصناعة فأصيب الاقتصاد السوداني بالمرض الهولندي، او ما يعرف في الاقتصاد بلعنة الموارد كما حدث في نيجيريا، وذكر (هذا جعلنا نعمل لإرجاع الاقتصاد الى الداخل)، وأشار الى رفع الدعم عن الدقيق لتشجيع الانتاج المحلي.
ومن جانبه قال وزير الدولة بالمالية مجدي حسن يس أنه لا يوجد في العالم ما يسمى بالدولار الجمركي ولكننا اقررناه لعدم استقرار سعر الصرف، وتمسك بعدم التراجع عنه واستمرار التعامل به طوال العام الحالي، ولفت الى اعفاء مدخلات الانتاج الزراعي والحيواني، وأبان ان الميزانية تستهدف تحقيق نمو (4%) وخفض التضخم بنسبة (19%).
وفي السياق كشف والي ولاية شمال كردفان احمد هارون عن تكوين لجنة للتعاون والتمويل واجراء حزمة من الاجراءات الاقتصادية لضبط الاسعار بالولاية.
الأبيض: أشرف عبد العزيز
صحيفة الجريدة
وجدتها … وجدتها
طبعا … أرخميدس ..زول (عالِم) .. معروف
الملك قال لي أرخميس .. أنت مش (عامل فيها)… عالم … وكدا
أرخميدس قال ليهو : أيوه
الملك قال لي أرخميدس: يا أخي .. أنا أديت الصايغ دا … كيلو دهب عشان يعمل لي .. تاج من الدهب الخالص .. وأنا أشك .. أنو .. الصايغ غشاني .. وخلط النحاس مع الذهب … (ولهف) .. باقي الدهب
وقال ليهو : أنا عاوزك .. تثبت لي إنو الصائغ عشاني وأم لا … بدون ما أتلف التاج
يلا … أرخميدس .. (فكر وقدر) … وإخترع .. قاعدة أرخميدس … (وإتخارج من الشغلانه)
قاعدة أرخميدس هي :
حجم الماء المزاح = حجم الجسم المغمور
عمنا بشه … عاوز يعمل قاعدة … زي .. أرخميدس .. (ويتخارج من الشغلانه)
يلا …. عمنا بشه … فكر وقدر … ثم نظر … ثم عبس وبسر.. وقال :
يا (عبد ) … يا ولد .. يا بشه … أنا أعمل .. أيه … أعمل أيه !!!
عشان … أنا أحل .. مشكلة الضائقة المعيشية للمواطن … و(أخارج) نفسي .. بأقل مجهود ..
قال : أنا أعمل .. قاعدة إقتصادية .. زي قاعدة أرخميدس
عمنا بشه .. طبعا .. زول (هناي) جدا .. زي أرخميدس
قاعدة عمنا بشه .. الإقتصادية العجيبة هي:
تصًعب الساهل .. أفضل من .. تسهل الصعب = والناس .. (بي جازن) … ياكلوا نيم
شرح ………. قاعدة .. عمنا بشه الإقتصادية
عمنا بشه .. شاف … أنو تكلفة شوال القمح من المزارع .. عالية
وشاف ……….. أنو تكلفة شوال القمح … المستورد .. أقل تكلفة
الحل :
أما … أقلل … تكلفة إنتاج قمح للمزارع … عشان سعر قمح المزارع يكون أقل من المستورد
وفي الحالة دي … الناس كلها … (ترتاح) .. أنا ح أتعب
أو….. أزيد … تكلفة القمح المستورد … عشان سعر القمح المستورد يكون أعلى من قمح المزارع
وفي الحالة دي … الناس كلها (تتعب) .. وأنا إرتاح
يعني .. عمنا بشه
بدل ما … يقلل تكلفة القمح المحلي عشان … يستفيد المزارع
عمل العكس …. زاد تكلفة القمح المستورد …. عشان .. يتضرر التاجر (المورد)
ويعني … بدل ما .. يسهل (الشغلانه) … للمزارع .. صعب (الشغلانه) على التاجر
يعني بدل ما .. يرخص الغالي …. غلي الرخيص
والنتيجة … الحتمية
أنو .. المزارع والتاجر والناس أجميعين …كلهم .. ( أكلوا نيم)
وعمنا بشه … طلع منها … (زي الشعرة من العجين)
لكن يا عمنا .. بشه … ( بالغت .. بيليغ)