إنشاء شركة مساهمة عامة لتقديم الاستشارات و دعم عودة المغتربين وتعليم أبنائهم و التأمين الصحي
شرع الصندوق الوطني لدعم العودة بجهاز تنظيم شؤون السودانيين بالخارج في ترتيبات إنشاء شركة مساهمة عامة لتنفيذ مشروعات العودة حيث انعقد بمباني الصندوق بجهاز المغتربين اليوم الاجتماع الأول برئاسة السفير دكتور كرار التهامي الأمين العام لجهاز المغتربين وبحضور الأستاذ حمد إبراهيم محمد المدير العام للصندوق الوطني لدعم العودة ومولانا دكتورة رحاب حسن المبارك المستشار القانوني لجهاز المغتربين والأستاذ محمد الأمين مصطفى المدير العام للإعلام والعلاقات العامة بجهاز المغتربين والأستاذ أحمد رمضان صالح المدير الإداري للصندوق ووفد شركة دوبا الاستشارية بقيادة مدير عام الشركة والخبير المصرفي الأستاذ عمر محجوب .
وتناول التصور المبدئي لإنشاء الشركة والذي وضعته شركة دوبا الاستشارية كما ناقش الاجتماع الجوانب الفنية والقانونية والسبل الكفيلة بتقوية الأسس الإدارية والفنية والقانونية والمالية التي يجب أن تقوم عليها الشركة بجانب علاقات التنسيق مع أسواق المال والاستفادة من الخبرات المالية للبنوك ورجال الأعمال وبيوتات الخبرة .
من جانبه، أثنى دكتور كرار التهامي الأمين العام لجهاز المغتربين على فكرة قيام الشركة مؤكدا على حرص الجهاز للمضي قدما في تأسيس الشركة واتخاذ كافة التدابير اللازمة مع أهمية إيجاد شركاء بما يمكن الشركة من تحقيق أغراض الصندوق لتلبية متطلبات العودة من مشروعات مختلفة، مشيرا في الإطار ذاته إلى أن الجهاز في الفترة القادمة سيتحول إلى حاضنة ونافذة لتنفيذ مشروعات الهجرة المختلفة وتقديم الاستشارات والدراسات الاستثمارية المختلفة.
من جانبه، قدم الأستاذ حمد إبراهيم محمد المدير العام للصندوق الوطني لدعم العودة خلال الاجتماع نبذة تعريفية بالصندوق وأهداف إنشائه والأغراض التي من أجلها سيقوم الصندوق بإنشاء شركة المساهمة العامة وقدم في الإطار ذاته تنويرا ضافيا حول إنجازات الصندوق في مجالات تعليم أبناء المغتربين والتأمين الصحي ومساعي الصندوق لتنفيذ بقية المشروعات المتمثلة في الإسكان ومشروعات التمويل الأصغر وأهم التحديات التي تواجه تلك المشروعات.
سونا.
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
شركة جديدة لسرقة أموال المساكين والمغتربين الذين افنوا حياتهم خارج الوطن ليعودوا ويجدوا لصوص الوطني بانتظارهم. حسبنا الله ونعم الوكيل فيكم.
شي عجيب مافي اي تعليق؟؟ يا ربي المغتربين ديل مشو وين ؟؟يكونو رجعو نهائي ولا شنو
سؤال
وبالنسبة لشركة المغتربين وجامعة المغتربين ماذا تم بخصوصهما ؟.
اين العائد على الاستثمار فيها ؟
خطوة سخيفة نتطوي على فهلوة و احتيال
لو بتعرفوا حاجة اوقفوا تدهور العملة
انتم من في حاجة الي استشارة لتسير أمر الدولة التي سرقتم خيراتها و دمرتم مؤسساتها و قتلتم مواطنيها و شردتم خير ابنائها
……..
والله الا كان شركة استشارية
تحياتي
د.حامد برقو
كدى رجعوا تعويضات حرب الخليج
يا جماعة كرار دا ما بفتر من حكاية دراسات وترتيبات وتنوير وخطط وتوقعات وتكوين لجان واجتماعات وزيارات ودعوات . إلى متى ينفذ واحدة بس من خططه الكثيرة ومسيخة دي .
للاسف الشديد الكل فقد الثقة في الجهاز و وعده للمغتربين ……..الجهاز محتاج معجزة لاسترداد هذه الثقة…..ما تقوموا نفسكم ساكت و تضيعوا وقتكم في الاجتماعات و التنظير It is too late
ههههههههههههه
كدي خلي المواطن المغترب الحمد لله امورو ظابطه بي حكمة الحكومة المغترب فيها
كدي ريحو المواطن القاعد فى السودان اول كان عندكم فلاحة
وسيله اخرى دنئية غبيه عشان تغشو قلة قليه من المغتربين البسطاء الغافلين عن خبثكم ودنائتكم لكين ابشرو 99% من المغتربين ماحيجوكم لانو الفيكم معروفه
قولوا تم انشاء صندوق جديد
للرباطه وقطاع الطرق للمغتربين
ياناس المغتربين ديل داعمننا في اي حاجه
الواحد لو جاته حمي ساي بيضرب لقريبه بره
الحمدلله عندنا قرايب بره بقوا زي المنشار للاهل والجيران
ربنا يديهم الصحة والعافيه اها اخيرا الحكومه زاااتها عايزه تدخل عودها معانا
ياناس ارحمونا شويه المغترب ده لوماهو كان انحنا اكلنا بعض
الملابس جايانا من بره المصاريف جايانا من بره التلفونات جايانا من بره ونحنا اكل ونوم
لمن تتشنقل في السرير وتضرب لاخوك وتقعد تتشكي ليهو هو كمان يقطع من اكله وشرابه
عشان يرسل والله مرات بنحس بالمهم لكن نسووا شنو البلد بقت زي زريبة المواشي
كلها سوريين ومصريين وشغل مافي حتي الاجانب الدخلوها شغالين احتيال في المواطن
دي من الحاجات انحنا مابنعرفها لكن المواطن المسكين بتخدع للاجنبي بسهوله
الشئ التاني التسهيلات البلاقيها الاجنبي المواطن ولا نصها مالاقيهو
اكيد حينط واحد ويقول لي الاجنبي بشتغل اي حاجه لكن السودانيين مابشتغلوا
لكن انا اقول ليك جربنا اي شغلانه لكن مافي مغارنه بين انو ود البلد يشتغل اي حاجه والاجنبي يشتغل اي حاجه
ليه الالتزامات علي ود البلد بتختلف من الاجنبي وغير كده الاجنبي اجنبي مهما يكون
لانه بشتغل وبرسل لبلده لكن انا بشتغل لبلدي اعرفوا الحته دي
وشوفوا ليه السعوديه بدات تطرد العرب والاجانب لو اصلا بشتغلوا للسعوديه
السودانيين في الداخل او في الخارج بشتغلوا لبلدهم طيب وين الخدمات المقدمه للمواطن صفر
الناس دي بتهظر ولا شنو ؟ فاكرننا دراويش ولا القروش دي جات بالساهل عشان نجدعها ليكم كدا !!!!
أختشوا علي و شكم أي مغترب عارف حيعمل شنو عشان يعيش في السودان الا وأحد غبي و ما أظن
مغترب عندوا قروش و وفرها من تعبوا و صحتوا و الحرمان من أسرتوا يكون غبي … معقووول يسلمها ليكم
و يقعد يطارد فيكم و ياكل دكوة و فول و يمكن يطلق زوجته من الفلس و انتو بي قروشوا مع أولادكم يوم في ماليزيا و يوم في دبي و تأكلوا
في المحمر و المشمر و تعرسزا التانية و التالته …..
( دوبا ) اتخمرت فكرة لحس المغتربين .. والكركيه الجديدة دى وضعها واحد من تلاته :
– ماكلة لباقى الملالبم الرجعو بيها المغتربين الجايين نهائي .
– ماكلة لخزينة الدولة بحجة خدمة المغرتبين لانها الشركة وضعها بيكون كالاتى : دراسات / لجان / لجان لجان / مؤتمرات / ملتقيات / سمنارات / ورش وديل طبعا كل واحده بى اورطه لحاسينها بشتى المسميات .. وهاك يابدلات ومكافاءات ونثريات وحوافز ……. الخ .
– ماكلة للمواطن الما مغترب … بحيث يطمعوهو بلفظ مغترب وخدمة المغترب ومشارع المغتربين .. ويلحسو باقى الملاليم الداسينهن يلملم فيها ليهو عشرات السنين لعلاج ولا عملية جراحيه مؤجله ولا حج ولا غيرهم .
وفى كل الحالات الا الحالة التانية ( حالة الدولة الهاملة ) تشموها ان شاء الله ( قددددددددددددددددددحه )
فاااااات الاوان يا دكتور كرار .. الجهاز منذ تكوينه وتعاقب ادارته ماذا قدم للمقترب ؟
يا جماعة مش ترجيناكم صورة الزول الكذاب ما بتجيبوها لينا لانها بترفع الضغط ..
زول ساك الاعلام في الفارغة والمقدودة وما شفنا ليه اي حاجة .. بس يحب التواجد والتصريح الكاذب
نعم والله انا شخصيا بتصيبني بكوابيس..
لأنو فقط عايش ليتملق التماسيح بقروش المغتربين عشان يدوم للأبد في المنصب
التمويل العقاري فشل…عشان كدا شافوا ليهم نصبايه ثانيه…مافي مغترب ح يدقس مره ثانيه…ريحك نفسك يا تمساح…البحر نضب من السمك الضعيف..كل مغترب عارف بعمل في شنو…مش محتاجين لي شركة دوبا وجهاز سرقة المغتربين…وسمنارات وورش عمل وندوات واجتماعات وفضهن…نحن في غنى عن تعبكم الذي يقود الي تدميرنا نحن المغتربين…فكما قيل لا تتعب نفسك يا تمساح المصارف(فيها توريه)
كله ما بستاهل شركة أو غيرها والحمد لله نحن مجتمع متكافل ومؤمن بأن الرزق من عند الرزاق الكريم فلا تتعبوا أنفسكم .
في واحدين بيقولو المغتربين ما بيتغشو تاوي ويدفعو فلوسهم لكن نسو ان المغترب ح يدفع غصبا عنه لان المبلغ المطلوب من المغتزب سيربط بالاجراءات مثله مثل الضريبة والخدمات يعني المبلغ المقرر دفعه على المغترب ح يدفعو وكراعو في راسو والي روش دي بتمشي وين الله اعلم لانو القروش دي لن يستفيد مننا عائد واحد داير اسألكم لمن المغترب بيجي تربتك بالسياره بيدفع 550 ريال لشركة المهاجر انا عايز اعرف مقابل شنو نحنا بندفع لشركة المهاجر وشركة المهاجر دي شنو وحقت منو وبأي حق ياخدو مننا 550 ريال
لا دايرين شركة ولا زفت عاوزين بيوت بالتقسيط المريح وتخفيض جمرك السيارات بلاش حرامية معاكم
يا جماعة الراجل فاتت عليه ضرائب المغتربين بعد عودتهم,
دائر يشيل باقي الريالات العندهم
مثل شركه المهاجر تاسست باسم المغتربين ةباموال المغتربين والان اغلب اسهما لثلاثه او اربعه منتفعين. الان رفض أن يكون وزير فى الاعلام. وهذه الشركه ستنهب اموال المغتربين من الرسوم التى يدفعونها حتى لو لم يساهم فيها احد
اولادي المغتربين — ربنا يساعدكم و يكون في عونكم – و بارك الله فيكم ما قصرتوا حشاكم .
عالجتوا المريض و دفعتوا رسوم تعليم الصغار وو قفتوا مع المحتاج من الاهل و الجيران وقت الحارة.
قرشكم حلال من عرق جبينكم لا يغشكم الزول الاسمه فرار و ياخد العندكم .
كلامه كله كضب في كضب و غش في غش .
لا بيبني ليكم بيوت و لا بشتري ليكم اراضي .
عايز يلحس قريشاتكم و بس . خليكم واعيين و مفتحين .
العندو قرش مدخره يصبر لحين يرجع البلد كان رينا سخر ليه عوده و بعد داك يشوف عايز ييعمل ايه .
نصيحتي ليكم يا وليداتي لا ترموا قريشاتكم في خشم التمساح.
و ربنا يعدل حالكم و يحفظكم في غربتكم.
علي اعتبار انكم دولة زي دول العالم وناس محترمة استحوا استحوا استحوا لو بقي عندكم شيء من الضمير ياناس الانقاذ يارمم نحنا المغتربين مادايرين منكم حاجة اخطونا … ضيعتم بلد يااحقر خلق الله
لا يوجد مجنون يمكن ان يثق في الكيزان و اجهزتهم ليساهم في شركة يقيمونها … المغتربون لدغوا مرات كثيرة من قبل الحكومة و لن يصدقهم احد …. و نعتقد ان هذه الشركة المزعومة هي شرك جديد لاكل اموال الناس بالباطل بعد ان لحسوا كل شئ في البلد …
و اصلا جهاز شجون المغتربين هذا هو مجرد جهاز لجباية اموال المغتربين ليس الا … و اذا في مغترب – غير كوز – قدم له الجهاز اي خدمة فليحدثنا
… ماكلة جديدة