توضيح الشرطة عن قتيل شارع النيل: حوكم في أكثر من (16) بلاغ جنائي و لديه كرت (معتاد إجرام)
بيان من شُرطة ولاية الخرطُوم حول حادثة شارع النيل أم درمان
في إطار حملات شرطة ولاية الخرطوم وتنفيذا للخطط الموضوعة سلفا للحد من مكافحة الظواهر السالبة و السرقات النهارية… إشتبهت في سيارة أكسنت موديل (2013) كانت تقف في شارع النيل متجهة من الجنوب إلى الشمال و أثناء وصول الدورية حاول من بالعربة الفرار.. حينها قام سائق الدورية بإعتراضه لمنعه من السير إلا انه إصطدم بالدورية بالخلف أصاب الملازم قائد القوة و الفرد الذى معه ولاذ بالفرار مما تسبب في احداث تلف ثلاثة سيارات كانت تسير بالطريق أثناء وقوع الحادثة .. إلا أن أحد أفراد الشرطة قام بإطلاق عيار ناري من بندقيته بغرض تعطيل العربة حيث ادى ذلك لإصابة المذكور … تم إسعافه إلى المستشفى وتوفي بها ..
إتخذت كافة الإجراءات اللازمة جنائيا وفنيا …وبمراجعة الصحيفة الجنائية لسائق العربة موضوع الحادث أتضح… بأن له سوابق جنائية و سبق أن حوكم في أكثر من (16) بلاغ جنائي و لديه كرت (معتاد إجرام) بدائرة المباحث الجنائية وقسم مدينة النيل تحت المواد ( 174 _ 176 ) .
و يفيد (إعلام شرطة ولاية الخرطوم) بأن المتوفي وجد بحوزته داخل العربة زي شرطي برتبة النقيب وصورة بالزى الرسمي له بجواله و بعض المعروضات من (الممنوعات) داخل العربة .
إنضم لقناة النيلين على واتساب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
يا جماعة دي الخرطوم ول مكسيكيو سيتي!!!!!!!!!!
امس واحد مات بطلق ناري في شارع النيل امدرمان امام انظار الجميع وقيل ان الشرطة من اطلقت النار
قبل 3 يوم تاجر مقتول في امدرمان برصاص في وسط حي الروضة
امس بالليل في شارع النيل زول مضروب واقع وينزف قريب العمارات الكويتية
سمعت برضو واحد مضروب في شارع النيل داخل عربية كرولا
امس برضو اولاد قافلين شارع دردوق – الحاج يوسف بالسواطير وشغالين قلع عينك يا تاجر
سرقة عربات في جبرة حدث لا يلفت اي انتباه
طفلين مقتولين في جبرة لا خبر لا اتر
بتاع رقشة في شمبات البراحة راكبة معاه ولية حامل قلع منها الدهب والقروش ورماها في نص الظلط بتهديد السلاح
اتنين شايلين سواطير وسكاكين دخلوا بيت نص النهار في شمبات واحد مهدد الاطفال والحريم والتاني نهب البيت واتخارجوا
واحد تلب بيت في الدناقلة بحري قتل الرجل وزوجته وسرق العربية
نحن زاتوا بعد مفروض نلعى حاجة اسمها الهيئة القضائية ونكتفى بالشرطة…ليه والتعب والجرجه والمحاكم…تغلط ..ماشاءالله اولادنا الأشاوس في الشرطة بفرغوا فيك جبخانه لمن تقول بس..ويكون المجتمع ارتاح منك.
١/ولد الوزيره الكان قبضوهوا بى عربيه الحكومه ومعاهوا مخدرات وبنات داك ليه ما جاتوا طلقه غلط ومرق منها زى الشعره من العجين ٢/ ولد فلان والناس كلها عارفاهو القبضوهوا فى المطار ومعاهو اتنين مليون دولار ليه ما جاتوا طلقه غلط وبعد شهر قبضوا اخوهوا التانى برضك بأكثر من مليون دولار برضوا ما جاتوا طلقه غلط…..وفلان القبضوهو فى الامارات وهو معروف شريك منو وقروشهم من وين ليه ما بتجيهم طلقه بالغلط…..كسره: انتوا ليه الشعب السودانى لا يعجبه اى قانون ولا يحترم اى شرطى ولا ينصاع لاى تعليمات صادره من البوليس وطوالى يطلع المرحوم برئ والبوليس غلطان لانوا البوليس قاصد المرحوم ولابد ليهو ؟؟ فى شئ غلط …. عدم الاعتراف بالفشل والغتغته ولم المواضيع …..هو السودان فيهو قانون عشان نحترموا ؟ ايوه فيهو لكن لا يطبق على الناس بالتساوى ويخشوا ناس اللواء فلان والعميد فلان وبتاع الحزب السياسى فلان وبرضوا يطلع المرحوم ما غلطان والعسكرى قاصدوا …وتانى برضوا نفك اولادنا وبناتنا يعملوا الدايرنوا من غير ما نوريهم القانون يدينك فى شنوا وحقوقك شنوا لانوا نحن زاتنا ما عندنا ثقافه القانون ….يعنى الشعب لازم يعرف حقوقه وواجباته والقانون البيحكموا ودى كتيره شديد على الناس البتمرق الصباح وترجع نص الليل وراء لقمه العيش وزياده على كدا ناس المدن جاهم بلاء اسموا ناس الاقاليم بكل معنى كلمه الهمجيه والهمبته ورخسه الروح عندهم …ومستعد يضربك بى ساطور او اربجى فى حاله انك ابديت اى مقاومه لحظه هو جاى يسرقك ……هوى يا ناس الشعب ثقافتوا اتغرت للاسوأ واتعدمت فيهو خصال كتيره بقت شعر وفصاحه ساى رجاله وكرم ومروءه وشهامه وشنو كدا ما عارف ….استعدوا كويس وجهزوا سلاحكم واكربوا بطونكم وعلموا اولادكم يعنى شنو عرض وادب ورجاله بلاش تطمشوا وتسموها ثقافه وعولمه وكلام فارغ ….واساس كل شئ الدين ….الدين …..فارقتوهوا وفارقكم ….ماتقول لى الحكومه سرقت والحكومه نهبت وتتفرجوا فى سرايركم والسرقه والقتل جاييكم فى بيوتكم واتسطلوا سفوا سعوطكم ساى لمن الفأس يقع فى الراس وتتوزعوا زى السوريين على بقاع الدنيا
حتي لوكان معتاد إجرام هذا ليس مبرر لقتل النفس التي حرم الله قتلها إلا بالحق ولكن قانون الغابة هو الذي إغتاله ،ولذلك فإن مبرر الشرطة مرفوض وعلي أسرة الشهيد التمسك بالقصاص.
الي شرطة مكافحة المخدرات ولاية الخرطوم:
هناك شخص يدعي حيدر محمد احمد يقطن منطقة الصحافة مربع 15 يعمل في ترويج البنقو للشباب باستخدام سيارته الامجاد في احياء الصحافات والعشرة وبعض مناطق الجبرات. نرجو رصده واتخاذ الازم.
ما شاء الله االحكومه في البلد دي ما مقصرة معانا نهائي بكل اجهزتها الامنيه عرفنا ناس الجهاز البجو الجامعات وبقنصو الطلبه اهه ماشاء الله كمان ناس الشرطه بقو يوسعو نطاقهم ويقنصو في الشوارع طبعا لازم اي زول يقتلوهو في البلد دي لازم يطلعوهو يا ارهابي يا قاتل ماجور يا تاجر مخدرات يا الف مشكله ياناس ياخ لي لي وبعدين ياخ الضرب العربيه دا جابو من وين وما اتعلم ضرب النار قبل كدا من الله خلقو في مطارده بتضرب اللاساتك ولا بتضرب فوق ياخ مفضرض دا يجردو من رتبو ويفضو لي الكلاش بتاعو دا في راسو
الكذب والنفاق وصل حتي الاجهزة الامنية : الشرطة والجيش
نفاق الكيزان ..الله يورينا فيهم يوم
تلفيق التهمة للشاب البرئ انه معتاد اجرام ..والقصة حسب رواية الشهود ان المجني عليه حاول الهرب ولكن سيارة الشرطة لحقت به واقفوه وانهالوا علي بالرصاص الحي وخرج من عربته وهو ينزف ..ولم يتوقف سيل الرصاص الحي الا بعد ان تمدد في الارض جثة هامدة..
وبعد يقولوا ليك معتاد اجرام وزي عسكري وكلام فارغ.
كفاكم كذبا ويوجد هناك رائحة تصفية لهذا الشاب الذي ينتمي لاسرة معروفة ( اسرة ال النقر)
ألغريبة الشرطة بتجود عملها تمام فى حالة سرقة دولارات و جواهر من منزل وزير كبير أو فى حالة دجالين يغشو وزير يقولو ليهو بنحول ليك ملايينك دى لمليارات،، ياخ نحن شعب مظلوم حتى من أولادنا العساكر و دا كله نتيجة عدالة أصحاب أللحى و الأيادى ألمتوضئة، قبل أن يصلو للحكم أطربونا بألحديث عن عدالة ألسماء و بعد مسكو ألحكم ورونا شغل أبليس، ياخ أبليس زاتو أحتار و هاجر لمن شافهم يسفحو ألدماء و يقولو هذا من عند ألله