نشطاء سودانيين يتغزلون في كوليندا كيتاروفيتش ودكتور يكتب: لو بقت رئيستنا كان الدولار بقى واحد جنيه

تبارى عدد كبير من نشطاء مواقع التواصل السودانيين في مدح رئيسة كرواتيا “كوليندا كيتاروفيتش” بعد تأهل منتخبها لمباراة نهائي كأس العالم في مواجهة فرنسا.

وكتب دكتور أنور أحمد عثمان الناشط في علوم الفلك (حسع زي دي لو بقت رئيستنا كان زمان الدولار بقى واحد جنيه وكانت الدول كلها وقفت معانا ونفسياتنا بقت كويسة وصحتنا بقت بمب وتعليمنا ازدهر واقتصادنا فووق وكنا صورها علقانها ف بيوتنا وكل صباح ندعو ليها..مش رؤساء يخلعو الزول بي شناتهم وبي دا كلو كذابين وما يجيبو غير الفقر).

ومن أبيات الشعر المتداولة حولها (زي الفرَسَة وسط اللمة جات مِتّاتية..
تبشتِن في ذَهابا و تسكرك لو آتية..
الناس السلامها كتر عليك ما خاتية..
يا ست الحسان زينة بنات كرواتيا..

تابعاك القلوب يا الفي المحاسن عاتية..
و ما بقارنوك بالقمرا التنور ساطية ..
ان ما ادوك كاسهم وتوجت كرواتيا..
تبقى الفيفا كلبة وبت لزينا وخاتية).

وكتبت نجاة محمود بحسب ما نقلت عنها محررة النيلين (طلعتوا رجال بكايين وضل دليب
الله لا غز فيكم بركة فضحتونا.
الناهة بت مكناس جات السودان
جت عليهم الكيزان وقعوا من المزيرة
كاس العالم بني كجة جت عليهم شيبا وشبابا
بقوا جنهم كروتة ومشجعين فريق كرواتية).

ريم منصور/النيلين