كوش نيوز: مشاهد بالصور لغرق العاصمة السودانية الخرطوم هذا الصباح

لا تصريف لا شوارع لا كهربا لا موية نظيفة لا عيش لا بنزين لا جاز لا لا لا لا لا… عاصمة على اي أساس ؟؟
الخرطوم دي تعتبر حي عشوائي حتى في بلدان العالم الثالث … الله يجازي الكان السبب.

اسبوع اسبوعين والموية تتبخر وكأنو ما حصل شئ تقع بيوت تقوم بيوت عادى برضو لانو صراحة انحنا ما فى شئ بيقلقنا ويقض مضجعنا غير انعدام الخبز هذا هو الشئ اللى ما بنقدر نصبر عليه اما السيول والفيضانات والبيوت البتتكسر وتتهدم كلو هذا حدث وقتى ينتهى عندنا بمجرد قلب الصفحة او تغير القناة عشان كده لو مرت علينا مية سنة حانكون بنفس الطريقة كلو سنة ونقول الخريف فاجئنا ويعدى الخريف وننسى الموضوع الى ان يأتى الخريف البعدو وانحنا لابنخجل من عاصمتنا المعفنة ولا بنحاول نحسنها ولا بخطوة واحدة والمسؤولين كل خريف يجوا يخوضوا فى المطر والكمراء تصورهم ويروحوا وكأنك يا ابوزيد ما غزيت المهم ظهروا فى التلفزيون وبكده عملوا الواجب وما قصروا والباقى عليكم يا المواطنيين وبنا يبارك لنا فى شمسنا لانو لولاها لكنا هلكنا .