مداراتمنوعات

بالصور.. حفل وداع غير مسبوق للخبير الاقتصادي السوداني دكتور (حمدوك) وزميلاته يضعن “الطرح” بساطاً ليمشي عليه


أقامت اللجنة الاقتصادية لأفريقيا تكريم للدكتور السوداني عبد الله حمدوك الأمين التنفيذي بالإنابة بمناسبة انتهاء عمله مع اللجنة.

 

وبحسب رصد ومتابعات محرر موقع النيلين فقد نشر نشطاء سودانيون بارزون على موقع التواصل الاجتماعي فيسبوك تفاصيل التكريم الفخيم الذي أعد للدكتور “حمدوك”.

وقال النشطاء مرفقين كتاباتهم ببعض صور التكريم: “زميلات الدكتور حمدوك الاثيوبيات وضعن “الطرح” بساطاً مشي عليه إلى المنصة تقديرا له وعرفانا لما قدمه.

وتابعوا كتاباتهم التي رصدها محرر موقع النيلين: “غادر حمدوك منصب المدير التنفيذي للمنظمة الأفريقية الإقتصادية التابعة للأمم المتحدة بدخوله المعاش الإختياري وتم تعيينه كبير الإستشاريين لبنك التجارة والتنمية ألافريقي ورئاسته أديس أبابا.”

الجدير بالذكر أن دكتور عبد الله حمدوك كان قد تم تعيينه وزيرا للمالية في السودان ولكنه أعتذر عن قبول المنصب.

محمد عثمان _ الخرطوم

النيلين


‫7 تعليقات

  1. الحمد لله انه ما لوث سمعته مع الرمم ديل ، بلا وزير مالية ولا وزير حرامية

  2. لأنه عارف بعد قبوله للمنصب ما حيقدر يمارس صلاحياته بي حرية… وإلا الكفاءات ما شوية كان جوه السودان ولا بره السودان….لكن البيديك فرصة تطور ولا تصلح ولا تعدل منو..لك الله يا وطن………..

  3. مسكين بشبوشي محل ما يطير لا بفرشوا ليه بساط ولا حتى طرحة بس يدقش في الظلط دا (ما كان يتعتر بي ركبه ديل ويقع يكسر رقبته الماكنة دي)!!! أمس زي الأهبل قاعد في منتدى الشباب بمصر أظنه مفتكر نفسه شباب، والمؤسف مقدمة الحفل كانت تشير له بضيف البلاد فقط وحلفت ما تقول اسمه. والأدهى والأمر أنه السيسي قال عمر دا أصر وألح أنه يجي يحضر المنتدى (يعني ما عزمناه لكن أب دم بقري دا قال لازم يجي، حأعمل إيه بقى!!!!). غايته جنس لايوووووق وزول لبط زي دا ما شفنا ودا كووووووووله على حساب الشعب السوداني

  4. الفرصة اصبحت مؤاتية للاستفادة من الخبير حمدوك وذلك بمنحه صلاحيات كاملة لادارة الاقتصاد دون اي تدخلات او تقاطعات

  5. ليه يفرشو ليهو الطرح ويمشي عليها بجزمته؟ أنا شايفها إهانة للمرأة وإهانة ليهو. هو نحن في القرون الوسطي ولا شنو؟؟؟

    دي عادات وتقاليد أثيوبية يا جماعة……..؟؟؟

  6. يعني حمدوك ده كان ح يحلب لينا دولارات يعني –سودانيين بسطاء –الاقتصاد ليس عمل شخص واحد بل هو منظومة معقدة فيها عدة عوامل و الرجل كان متاكدا ان ليس له عصا موسى لذلك رفض التحدي –بالله فكونا من حمدوك وللا همدوك ده — ما ممكن البطولة يكون مقياسها انو رفض المنصب

    1. الحمد لله انه رفض ان لايعمل مع هؤلاء اللصوص الفاسدين والا يلطق يده مع براثن االاجرام ؟ لك كل الاحترام ياحمدوك انت رجل عفيف شريف؟ هؤلاء همهم ليس اصلاح الاقتصاد السووداني .بل همهم النهب ؟ لابارك الله فيهم؟؟؟