تسببت صورة شاب سوداني مفتول العضلات والتي إنتشرت على نطاق واسع في السوشال ميديا، في طلاق عدد مقدر من النساء وانفصال مخطوبين .
وتعود التفاصيل إلى نشر إحدى الفتيات لصورة شاب مفتول العضلات وعلى قدر كبير من الوسامة في قروب نسائي شهير وكتبت على الصور (يا بنات أي وحده ترسل الصورة دي لراجلها أو خطيبها وتقول ليهو القميص ده لونو اسود ولا كحلي غامق ، عشان تشوف إذا بغير عليها ولا برد عادي ، وتجي تنزل لينا الاسكرين) لتنهال بعضها حالات الطلاق والانفصال على الفتيات .
وجاء اعتذار الشاب أحمد شلقامي عبر صفحته الشخصية بالفيس بوك قائلاً: (أول شي بحب اعتذر لكل من أتأذي أو أتضرر من صورتي .. مع انو أنا ما عندي أي ذنب ولا دخل في الموضوع من قريب ولا من بعيد …
كل الحصل انو أنا عندي حساب في فيس بوك زي أي شاب في السودان .. بنزل فيهو صوري الشخصية .. عادي زي كل الناس .. في بت أنا ما بعرفا منو شالت صورتي الشخصية ونزلتا في قروب من قروبات البنات)
وأضاف قائلاً بحسب ما نقلت كوش نيوز: (طبعا بي طبع الرجل الشرقي والسوداني عموما مافي رجل برضي انو زوجته أو خطيبته تقارنو بي شخص آخر (حتي لو بالهظار أو المداعبة ) .. فكانت اغلب ردات الفعل قويه جدا ، وبالرغم من كده لقيت سكرينات لي كتير من الشتائم في حقي … من ناس ما بعرفهم أصلاً ، لكن بحب أقول ليكم أنا مسامحكم لله رب العالمين …
ونبه في ختام حديثه: (في الأخير انبه لي شئ بي صراحه ..انو نحن في السودان استخدامنا للسوشيال ميديا والفيس بوك خصوصا خاطئ بامتياز ) .
كما أشار إلى أن وسائل التواصل الاجتماعي تستخدم لكلي تقرب الأشخاص وتقوي العلاقات وتوطد المحبة والأخوة بينهم ولكن للأسف انه تم استخدامها بطرقة خاطئة ساهمت في خراب الكثير من البيوت بسبب الفتن والمشاكل ما اتعملت عشان المشاكل والفتن .
كما نبه: (يا ريت نوعي ونفكر في وضعنا و وضع بلدنا البتمر بي أزمات اقتصاديه خانقه وضائقه في شتي مجالات الحياه … ونفكر كيف نحن كشباب حنقدر نساعد نفسنا وأهلنا ومجتمعنا عشان نعبر من المحنه الفيها السودان ..العفو والعافية و بكرر أسفي .. ) .
الخرطوم (كوش نيوز)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
شعب مسكين …
كوش نيوز دي محررينها درسو اعلام في مصر ولا حتي ازبل من كدا
ناس فارغة وما عندها موضوع
وايه المبرر لمث هذا الكلام اصلا وكيف عرف الناشر بحالات الطلاق ..الا يمكن زيادة شو للشخصية
حيرتونا عديل كده ياناس
كل يوم تشوف خرمجه ماليها اي معني
وكمان عايز يتكلم عن مشاكل البلد والحاصل فيها
ياولد قوم اتلم علي اخواتك
اتحداك تجيب حالة طلاق واحدة بسبب هذا المنشور التافه جدا
موضوع تااااااااااااااافه
الاتفه منو الزول النقل الخبر ونشرو -ياخسارة تربية اهلك ليك
علي بالطلاق كوشة نيوز دي محررينها محمد عثمان ورندا الخفجة لأن قرف زي دا الإثنين ديل متخصصين فيه. تفاهة وقرف، وود ناس شلقامي زاته ما عنده موضوع!!!!!!