مالية الخرطوم: لا أعباء أضافية على المواطن في موازنة الولاية
ركّزت علي معاش الناس وتوفير الخدمات الضرورية للمناطق الطرفية
أكدت وزارة المالية والإقتصاد والإستثمار بولاية الخرطوم أن موازنة الولاية للعام (2019م) تم إعدادها وفق الموجهات الإتحادية لموازنة البرامج، في وقت كشفت فيه عن إستهداف الموازنة التوسع الأفقي للمواعين الإيرادية دون تحّمُل المواطن أي أعباء إضافية.
وقال صلاح علي أحمد وزير المالية والإقتصاد والإستثمار بالولاية لـ(smc) أن الموازنة ركّزت علي القضايا الأساسية المتعلقة بمعاش الناس والحد من الفقر، بالإضافة إلي تحسين جودة خدمات النقل والمواصلات، فضلاً عن توفير الخدمات الضرورية للمناطق الطرفية وزيادة الإنتاج والإنتاجية، مشيراً إلي إرتكازها علي موجّهات تتماشي مع الواقع الخاص للإصلاح الإقتصادي والمالي وبرامج إصلاح الدولة.
وأكد أحمد أن الموازنة هي بداية التحول لمنهجية موازنة البرامج والأداء وذلك من خلال ربطها بالأهداف الإستراتيجية وتحديد الأولويات وفق مواقيت زمنية محددة.
الخرطوم (smc)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الموازنة ركّزت علي القضايا الأساسية المتعلقة بمعاش الناس والحد من الفقر، بالإضافة إلي تحسين جودة خدمات النقل والمواصلات، فضلاً عن توفير الخدمات الضرورية للمناطق الطرفية وزيادة الإنتاج والإنتاجية، مشيراً إلي إرتكازها علي موجّهات تتماشي مع الواقع الخاص للإصلاح الإقتصادي والمالي وبرامج إصلاح الدولة.???
ده كلوووو كضب ومافي اساسا
وبتقولو ليهو عشروميه سنه
والاسعار الصابون الحمام بقت بخمسين الف الكان المواطن بشتريها ب خمسه جنيه
وطلب الفول ب ٣٠ الف جنيه الكان باتنين وتلاته جنيه اما الزيوت فحدث ولاحرج الناس خلتها يا عالم رطل السمسم بميه الف جنيه نحن ف كندا ولا الاسكيمو المافيا سمسم
كيلو الباسطه امس من السودان قالو لي ف الطيب سيد مكي ب 160 الف جنيه
دي باسطه ولا تذكره طياره زمان بنقطع حق الطياره بيها
العيشه بقت بجنيه الرضيع ما بتكفيهو
زمان الجنيه براحه بجيب خمسه وسته
الناس دي داستكم دوووس جد
وما معروف الحاصل شنو بالرغم من مشاركتهم ف الحروب واخذ المعلوم والدهب المغرق البلد و البترول البطلع ومدسوسه كميتو الحقيقيه والصادر من خيرات السودان وحيوناته
اين يذهب مال البلاد
ماذا حصل ف البلاد
البلاد ف ازمه طاحنه قاتله
مواصلات دواء قفه ملاح مدارس ووووو
مفروض الشعب اطلع مسيرات قانونيه
واسمع صوتو للديناصورات حزب الاخوان
ع احزاب البلاد الكبيره ايام مجد السودان الاتحادي والامه الاتحاد من الان
ويلعبو نفس لعبه الترابي ارشحو رئيس من الجيش وياخدو الدعم الخارجي بمليارات الدولارات لانو العالم كلو بقي اكره البشير وحزبه الاخواني وانظمو صفوفهم منذ الان ويجمعوها بالدولار والدعم ويكونو حكومه ظل ويتصلو بالمنظمات العالميه والامم المتحده من اجل نذاهه الانتخابات والرقابه الدوليه الصارمه ومطالب بتقديم الانتخابات ف مايو القادم
العالم دي بدون تكتيك عالي ما بطلعو
ونحن بالقانون بنشيلهم
٣٠ سنه دمار
وعلي اي سوداني حر اطلق الحريه لرايه ويرفع رايه الجهاد والمناصره للامين القوي
حزب الاتحادي والامه ومعهم الصوفيه مع مرشح من الجيش سيكتسحوا الانتخابات وحزب الترابي الاخواني ويلقوهو ف سله زباله التاريخ ان شاء الله
دون تحّمُل المواطن أي أعباء إضافية. لأنو مافي أعباء المواطن ما حملها والعندكم من أعباء كمل – الامل في الابتكار شوفو تعملو فينا شنو
مضحك مبكي محزن بالله عليكم دا تصريح مسؤول الحكومات تساهر الليالي عشان تسعد شعوبها حسبنا الله ونعم الوكيل ……. نشتغل فيكم سلاح الدعاء وهو فتاك لا نملك غيره …… اللَّهُمَّ مَنْ وَلي مِنْ أمْرِ أُمتي شَيْئاً فَشَقَّ عَلَيْهِمْ فاشْقُقْ عَلَيْهِ