أبرز العناويناقتصاد وأعمال

رجل أعمال: عائد البنقو يحقق مليارات الدولارت ويفوق الذهب والبترول.. شركة أمريكية وافقت للاستثمار وننتظر رد حكومة السودان

2018/12/12
18

اثبتت العديد من الدراسات الحديثة فوائد علاجية لنبات القنب الهندي أو ما يعرف ب “البنقو” في السودان، وسمحت العديد من الدول في العالم بإستخدام زيت القنب في علاج الأمراض مثل السرطان، والزهايمر، والإلتهابات والربو.

وكشف رجل الأعمال السوداني الصادق محمد المقيم بألمانيا عن نجاحه في إقناع شركات عالمية من بينها شركات أمريكية وألمانية كبرى للإستثمار في زراعة البنقو في السودان وذلك للإستخدامات الطبية، وأن التفاهمات وصلت الى مرحلة متقدمة وحصل على موافقات للدخول في شراكات ناجحة مع تلك الشركات.

وقال الصادق محمد في حوار حصري مع صحيفة كوش نيوز (أن العائد المتوقع من صادرات المستخلصات الطبية المستخلصة من نبات البنقو يبلغ مليارات الدولارات سنوياً للسودان ويفوق صادرات الذهب والبترول السودانية).

وأضاف الصادق أن الشركات العالمية أبلغته أن مناخ السودان وأرضه تنتج القنب الهندي “البنقو” عالي الجودة مما يجعل مستحضراته الطبية ذات فعالية كبرى.

وقال الصادق في حديثه الخاص لصحيفة كوش نيوز (لقد عرضت المشروع بالكامل على جهات حكومية عليا في السودان ومازالت المفاوضات جارية للحصول على الموافقة النهائية من إدارات الإسثمار في السودان، حتى نشرع في التنفيذ، خصوصاً أن القوانين الدولية أصبحت تسمح بهذا النشاط لفوائده على الإنسانية).

وتشير صحيفة كوش نيوز أن السودان من ضمن الدول الموقعة مع منظمة الأمم المتحدة والتي تسمح بزراعة القنب الهندي “البنقو” لأستخدامه في الأغراض الطبية والعلاجية.

ونبات القنب الهندي ” المشهور في السودان بالبنقو” يحتوي على مادة غير مخدرة تسمى cbd و هي ماتسعي له الشركات الطبية في العالم، أما مادة thc وهي المادة المخدرة ليست مطلوبة.

الخرطوم (كوش نيوز)

مواضيع مهمة

ركوب الخيل لا يناسب الجميع؟     أيهما أصعب تربية الأولاد أم البنات؟      جسر الأسنان

هل تعقيم اليدين مفيد؟              الكركم والالتهابات             أفضل زيوت ترطيب البشرة

2018/12/12
18

‫18 تعليقات

  1. يا رجل الاعمال قول للمستثمرين شيلو ال cbd وخلو لينا ال thc ورسلو المصاريف

  2. أحترموا عقولنا أي نعم كل ما الامور ضاقت والصفوف كترت النجر والشتلات بتكتر لكن ما بالطريقة دى يعنى مثلا د.نافع لمن كان مكان د.فيصل حسن أبراهيم كان بيخدر فينا ويقول بعد الانفصال وبداية تدهور الجنيه فى أكتشافات غاز “مهولة وضخمة” فى البحر الاحمر وفى بترول فى مربع 7 يكفى ل90 سنة ولأن الشعب تلتو مغترب وتلتو معتزل وربعو متصوف يطلع ليك شيخ بلة الغائب ويقول السودان كلو خير بترول وذهب ونحاس والماس ويورانيوم وأنا عارف مكانو ده خلاف نبتة الجاتروفا الطاقة النظيفة التى صدروها لألمانيا وأيطاليا وصداع فى الجرائد وواتساب وفضائيات ومطبلين ومهرجين ومحللين و”متحللين” لكن بنقو واسعة شوية النغرب الذى يصدر ثلث الانتاج العالمى من الكيف الحشيش المغربى لم يقل هذا الكلام والظاهر فرج ربك قرب والأنقاذ على حافة الزوال اللهم عليك بمن يكذب ويتحرى الكذب اللهم عليك بالبشير وحزبه وحركات التمرد حركات تدمير وتفتيت البلد وحزبى الطائفتين الوراثيتين واليسار والصوفية اللهم شتت شملهم كما شتتونا وأفقرهم كما أفقرونا وأمرضهم كما أمرضونا وقسمهم كما قسمونا وجوعهم كما جوعنا وأزلهم كما أزلونا

    1. اللهم عليك بالبشير وحزبه وحركات التمرد حركات تدمير وتفتيت البلد وحزبى الطائفتين الوراثيتين واليسار والصوفية

      خليت منو يا ولدنا ؟؟؟ ههههه
      ده ما ياهو فريقنا القومي حق السياسة كلو وما عندنا غيرو يعني يسوقها منو تاني كدي قول لينا !!!

  3. كذبة جديد وهذه المرة من عملاء الخارج بعد أن عرف
    الشعب في الداخل كذب.و نفاق الإنقاذ والحركة الاسلاميه من ذهب كردفان ورمال كردفان ويورانيوم ودارفور. بترول النيل الأبيض والازرق
    بعد هذا اتو بالقطن المحور وراثيا .وشجرة المورينغا
    وشجرة المؤتمر الوطني وسد كجبار.و سد مروى
    ونبي الله الجديد الذي سموهو السودان
    نطلب من رجل الأعمال الجديد أن يجرب هذا البنقو
    في أسياده رجال الإنقاذ عسى. ولعل أن يداوي هذا
    المرض النفسي والحقد الدفين الذي يسكن دواخلهم
    وإن يجربه كذلك في شيوخ الحركة الاسلاميه بدل
    ادمانهم حبوب الفياجرا لعلهم ينسطلوا ويصبحوا
    فرحين مسرورين بدل هذا المسرطن العبوس الذي لا نعرف أن كانت مؤخرته في وجهه أو العكس

  4. كلام علمي وصحيح 100% وأنا شخصياً أتعاطي البنقو منذ 12 عاماً وكان هو سبب كل النجاحات التي حققتها في حياتي لأن عقلي دائماً في حالة إسترخاء وإرتياح ولا أعرف التوتر.

    البنقو له مشكلتين إثنين فقط، أولهما أنه غالي الثمن وفي حال سُمح بتجارته وتوفره سيصبح في متناول يد الجميع، أما المشكلة الثانية فهي أنه من ضمن المحرمات في الأوساط السودانية وهذه مشكلة عقلية ويحتاج أصحاب هذا الرأي لتناول البنقو حتي تظبط عقولهم.

    أنا أحب البنقو.

    2. دي حيازة يا اخوانا هههههههه الزول ده أدونا إيميلو وبياناتو

  5. من الاستحالة بما كان ان تقوم مشاريع مماثلة في السودان لانه سيؤدي الى تدمير الشباب ولو بالتسريب من مصانع التنقية او المزارع وبما انه سيتم استخلاص المادة العلاجية وتبقى المادة المخدرة فهذا سيجعلها شديدة التركيز ومتوفرة بكثرة وتتنوع طريقة الاستخدام ..
    الا انه ومن الناحية العلمية فالكلام صيح وكثير من الدول سمحت بزراعته واستخلاص الادوية ودول سمحت بتعاطيه ككندا ولبنان ..ودول في امريكا الجنوبية ..
    لكن المؤسف ان تصل بنات افكارنا الى هذا المستوى من التفكير والبزنس .. الناس تفكر في تطوير اشياء اخرى وهذا ات لنا بالبنقو ..
    ولا ننسى راي الدين والشرع في البنقو لانه مصنف كمخدر او مخامر للعقل

  6. في ظل هذه الظروف الحكومة مستعدة تزرع شجرة الشيطان عشان تفك الضايفة وتعمل على حلحلة الحلقة التي بدأت تلتف حول عنقها

  7. اولا بدون زعل لرجال الاعمال لا يوجد رجل اعمال بالمستوى الذي يليق راس مال جبان واهله جبناء بمصر القريبة دي نشاهد رجل اعمال يشيد مستشفى بمواصفات واجهزة حديثه لكن انا لا اقول كلهم لكن للاسف الاغلبيه ناس شوفوني يدفع للحوليات وللمشعوذين واهل الدجل وهم سبب دمار الاقتصاد الحيشان التي تسمى للذكر هي للخراب للشباب وللاقتصاد … من الاخر هات مثال لرجل اعمال فاتح بزنس محترم ومشغل معاه 500 سوداني دا موضوع اخر من السهولة يظهر ليك شخص يدعي رجل اعمال ممول من مخابرات ولا غيره ونحن ماشاء الله عندنا امن مستواه ليس اقل من رجال الاعمال ثلث ثلثين جهله غير مؤهلين ولا مثقفين نعم تجده خريج وممكن دكتور لكن غير ملم … نرجع للزراعه ولامركا توجد مليون دولة افريقيه لزراعة البنقو لماذا السودان دائما نحن نستقبل النفايات خلاف والعياذ بالله نقول حرام وحلال واي شيء لو مشكوك فيه لا ياتي بخير .. انا كررت لكم اليوم غالب اغنياء السودان من الجهله الجهله بمعنى الكلمة وبعد جهلهم تربية زي الوسخ لا نخوة ولا غيره على اهله اخوانه يابشير المفروض تنظف مؤسسات الدولة لو راجل شجاع كيف يحق لك تترشح وانت غير جدير بقرارات شجاعه البلد وصلت القاع وما غالب الناس تخرج لكن المواطن اوع منك ومن حكومتك ياريت يصحى ضميرك ومن معك من مجرمين

  8. أصلا البلد كلها فساد في فساد وبيع البنقو أفضل من فسادهم واذا حصل هذا برضو أموال البنقو الحرام حتدخل جيوبهم لأنهم أهلا لها وقد شيدوا عمارات وفلل بأموال حرام أكتسبوها بطريقة أوسخ من البنقو وعندهم هذا شىء طبيعي , لم تكفيهم أموال الذهب المنهوب والبترول قالوا البنقو أحسن من الذهب والبترول يدر بأموال كثيرة ولا يهمهم ضياع الشباب بهذه المخدرات الهالكه للمجتمعات ولا تهمهم سمعة السودان بالنسبة للعالم وخاصة العالم الاسلامي .

  10. بمناسبة البنقو لديكم نكتة ظريفة لعلها تخفف عنا معاناة الصفوف
    واحد بيسطل مشى طلع فى شجرة طويلة وظن انو ما زول بيشوفو ولع السيجارة وبداء ينفس بمزاج فجأة جات امرأة ونادته باسمه يا فلان ما قالوا البنقو دا بيجنن قالها البنقو ما بيجنن تجننوا انتى هسع شفتنى كيفن وانا فى رأس الشجرة

  11. وينو السمسم الحلال اللى قالت الحكومة انه تم حصد 8 مليون فدان والطن ب 1750 دولار يعنى حوالى 9 مليار دولار مشي وين عشان نزرع البنقو