السودان: منشور للبنك المركزي لخدمة التحاويل الخارجية للمغتربين
أصدر بنك السودان المركزي اليوم منشور خدمة التحاويل الخارجية للمغتربين ، قرر فيه أن تتم حركة النقود المستخدمة في التحويلات داخل النظام المصرفي وفق ضوابط المركزي، وأن تكون تحويلات الافراد فقط من خارج السودان،الى الداخل .
وسمح المنشور لشركات القطاع بتقديم الخدمة بالاتفاق مع احد المصارف السودانية او شركات الصرافة المصدق لها بتحويل الاموال.
واكد المنشور أن يستلم المستفيد المحول له القيمة بالجنيه السوداني إلكترونيا على حساب بنك او محفظة الكترونية او حساب موبايل او حوالة حسب السعر الذي يحدده البنك المركزي وفي حالة اختيار المستفيد استلام المبلغ بالعملة الحرة يمكن استلام المبلغ من احد فروع البنك مقدم الخدمة .
وشدد المنشور على تسليم المستفيد للمبلغ المحول آنيا ويمكنه الاستفادة من المبلغ مباشرة عن طريق الدفع الالكتروني او صرفه من خلال الصرافات او نقاط البيع او وكلاء تقديم الخدمة المالية .
الخرطوم-18-12-2018(سونا)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الصرافات خاويه اما البنوك فالانتظار قد يستمر الي 8 ساعات
نحن مغتربين وما فهمنا ولا شيء من القرار دا…. ليه كل قرارات الحكومة الخاصة بالمغتربين عبارة عن الغاز وغلوطيات؟؟؟؟
يا الحاج سعد يا رجل ياطيب الغلوطيات والألغاز والدغمسة مقصودة عشان الزول يقع في الشرك ويحول قريشاتو وتاني يكوس للطريقة التلمو فيهن !!!!!!!
الفهم يشرح لينا يا جماعة
الناس ديل بيتكلموا عن التحويل من الخارج انا ادف 10 مليون لواحد يوريني بنك سعودي اتعامل معاه للتحويل الى السودان
هو الحكومة تسعى وتجري ونفسها اتقطع عشان تلاقي دول تتعامل بالمثل في العملات المحلية .. ودا يعني انه مافي بنوك بتتعامل مع السودان ..
فعليكم الله خلونا من الالغاز دي
او صرفه من خلال الصرافات ….
نكتة 2019 …
طيب ومنشور امبارح بتاع عدم صرف اكتر من 20 الف فى الشهر بس ؟؟؟؟
ورطة كبيرة
القصد يا اخوانا ان يتم التحويل بالاتفاق بين القطاع الخاص ومقصود بيه ناس العمدة والشركات الشبيه ليهم اتفقوا مع احد البنوك او الصرافات العاملة داخل السودان ليتم التحويل بسعر آلية ضبط الاسعار وان يتم التحويل الكترونيا يعني لازم اكون عندك حساب بنك او موبايل يعني مافيش كاااااااش
يا ناس بنك السودان المغتربين الفي دول الخيج بس ممكن يحلوا ليكم مشكلة النقد الأجنبي اذا توفرت الثقة
الآن تجار العملة في الخليج تسلمهم العملة وتستلم فورا في السودان بالكاش أو الشيك (وكلو بسعرو) واي مبلغ دايرو بدون أي تأخير أو عراقيل …
هل الحكومة بغلبها تقدم مثل هذه الخدمة … أم هناك تجار واصلين ومن مصلحتهم الإستمرار على هذا الحال؟!! وأين دور السفارات في عملية الإستفادة من تحويلات المغتربين وتقديم الحوافز المغرية لهم
تطلعوا قرارت ساااكت مافي زول شغال بيها ولا فاهمها
تهيؤات
السلام وعليكم
في رأيي البنوك تعلن افلاسا وتقفل او يعرضو البنوك للبيع لانو بقى مافي اي ثقه للتعامل معاهم وماعارف كيف شغالين وبيدفعو رواتب موظفين والحوافز البتندفع للموظفين من وين؟ كلها من قروش الشعب
انا امكن أكون فهمت : الجماعة ديل قالو لينا حولو قروشكم عن طريق البنوك (زي ما كنتو بتحولو عن طريق التجار) و هم حيدونا سعر كويس و في امكاننا ان نسحب المبلغ المرسل نقدا أو نستفيد منو كرصيد أو في الشراء عن طريق البطاقة (زي نظام الاسبام) .. الفكرة هي الاستفادة من الريالات و الدولارات حقة المغتربين (ما قدرو على العملة العند التجارة)
بسم الله الرحمن الرحيم
الاخوة المغتربون والله العظيم حولت مبلغ بسيط في حسابي بالبنك وابنى مشترك معاي في الحساب (فرع البنك رفض يصرف المبلغ للأولاد رغم انو المبلغ بسيط هو مصاريفهم الجامعية الشهرية مواصلات – فطور – شيتات واحتياجات الجامعه الاخري) لم يتمكن ابنائي من استلام مصاريفهم لذلك قررت ارسل مصاريف الاولاد بالسوق الاسود بالكاش رقم انو الكاش اقل من التحويل البنكي ما فائدة الزيادة بالتحويل البنكي اذا لم يتمكن ابنائي من استلام مصاريفهم من البنك الآن وجدت احد الاشخاص يحول بالكاش اقل من التحويل البنكي لكن ابشركم كمان عندهم توصيل (يعني يصل المبلغ حق المصاريف لأولادك في بيتهم معززين مكرمين بدل ما تحول قروشك في البنك ويقعد اولادك يشحدو فيها وما يلقوها عليكم بالسوق الاسود فيه خير كتير