منجم سوداني شهير يتنبأ بمقتل ” البشير” على يد الثوار.. ويحدد الموعد بالدقيقة والثانية!



شارك الموضوع :

قال المنجم السوداني الشهير بلة الغائب أن الثوار سيقتلون الرئيس السوداني،عمر البشير بعد 5 أيام و7 ساعات و 23 دقيقة و12 ثانية ما أثار جدلا واسعا في السودان.
وأعرب أنصار البشير عن غضبهم من تصريح ” الغائب” وطالبوا بالقبض عليه ومحاسبته فيما لاقى التصريح هوى الكثيرين بالشارع السوداني،الذين احتجوا وثاروا على البشير .
يشار إلى أن بلة الغائب له مريدين كثر بالسودان ، ولديه العديد من الاستشرافات بمستقبل البلاد في السياسة والكرة والاقتصاد ورغم أن البعض يتعامل مع هذه الاستشرافات بقلة اكتراث معتبرينها نوع من أنواع الدجل و التنجيم إلا أنها تجد صدى واسعاً بالشارع السوداني.

صحيفة المرصد

شارك الموضوع :

51 التعليقات

إنتقل إلى نموذج التعليقات

      1. 1
        ابو عبدالله

        هذا البله كذاب ومنافق ودجال يدعي علم الغيب اليس هو نفسه الذي قال ان البشير سيحكم 33 سنه و25 يوم قبل كده ايش الاتغير يا دجال بله الغائب برضو ركب الموجه زي احزاب الفكه علم الغيب يخص الله وحده وهل بله الغائب ده عارف بموت متين ومجهز كفنه و مقبرته اين وكيف تكون عجيب امر هذا البله وعجيب امر اهلنا في السودان مساكين من يتعلق بمثل هذه الاشياء من الدجل والخرافات.

        الرد
        1. 1.1
          ahmed

          نته من السفينة الغارقة…….امك؟ في تاني ناس كتار في الطريق؟……السودان دا بقي حار كدا مالو….. يلا ياشباب صعدوه ؟؟؟؟؟

          الرد
      2. 2
        مدحت الهادي

        لا حول ولا قوة إلا بالله لا حول ولا قوة إلا بالله لاحول ولا قوة إلا بالله

        باليوم والدقيقة والثانية “سبحان الله”

        الرد
      3. 3
        زول

        هذه خطرفات وخرافات من (بله) المعارضة بعد أن سقطت بس وشبعت سقوط قبل أن تقوم اصلا .. حمى الله البلاد والعباد شرف المحن والفتن ما ظهر منها وما بطن ..

        الرد
      4. 4
        الشايقي

        دجال معروف ولا يعلم الغيب الا الله – الزول دة لما قال البشير قاعد 33 سنة رغم انو الجماعة عارفين انو كذاب لكن انصار الحكومة كانوا متكيفين منو – الان رغم انو كلامو الجديد دة برضو دجل لكن فيهو دافع للثوار والجهلاء للانقضاض على البشير

        الرد
      5. 5
        AbuAreej

        (وأعرب أنصار البشير عن غضبهم من تصريح ” الغائب” وطالبوا بالقبض عليه ومحاسبته )
        يعني لما كان بقول البشير سيحكم كم وثلاثين سنة وكم يوم ودقيقة وكم ثانية كنتم مبسوطين وتطبلوا ولما يقول العكس تطالبون بمحاسبته والقبض عليه؟!!!!) حاجة غريبة

        على العموم لا تقلقوا هو لا يعلم الغيب ولن يكون كلامه صحيحاً وان حدث فعلاً فلا يعني انه يعلم الغيب .. ولكن عليكم ترك هؤلاء ..

        استغفر الله الذي لا اله الا هو الحي القيوم واتوب اليه

        الرد
      6. 6
        wadalbkri

        كذاب أشر لايعلم الغيب إلا الله يجب محاكمة هذا الدجال المنافق

        الرد
      7. 7
        ياسين سليمان

        طيب خلوهو يعمل حل وسط بين التصريح دة الذي تتنهي صلاحية خلال 3 ايام يعني يوم16 يناير 2019 ,
        و بين تصريحه القالو زمان بانه البشير سوف يحكم 31 سنة و 25 يوم و دة تنهي صلاحيته يوم 25 يوليو 2020 من تاريخ قيام الانقاذ 30 يونيو 1989م.
        الدجال دة لانه وليه الشيطان شغال يلخبط و يكذب على الناس و يكذَب نفسه بتناقض تصريحاته.

        الرد
      8. 8
        شرف

        بله الغايب ح يموت قبل انتخابات 2020 وسيوجه البشير باقامه جنازة عسكريه له تكريما له والبشير سيكون اول المعزين وسيحضر دفنه

        الرد
      9. 9
        Abu Ahmed

        هذا دجال كبير ومشعوذ وبالثابتة … يلا ناس النظام وهيئة كبار العلماء شوفوا شغلكم وأبدوا لينا بالزول دا في تطبيق الشرع

        الرد
      10. 10
        بت البلد

        كزاب اشر لايعلم الغيب الاالله دا مانفس الشخص الذى قال البشير سوف يحكم 33عام ماهوالذى جد على الموضوع واحد منافق يس

        الرد
      11. 11
        alkarazy

        تفتكر سيناريو الله شنو؟.عند جموع العارفين بالله قالوها يوم ان سرق البشير السلطه من علامتين كانت اشاره من غضب الله عليه اولا من خلال عيون البشير.كانت توحي بانها عيون موت كيفما كانت والثانيه غضب الرب في اشاره الى غبار يميل الى الاحمرارشهرا كاملا من نهايه يونيو حتي نهايه يوليو ان ذاك وفسرت تلك العلامات بانه خليفه الموت والدمار يقتل الخليفه وقتل مروع يصيب الناس ويصاب الناس بالبؤس و تستبيح القوات البلاد ويخرج منها من يصلح البلاد والعباد .ولقد شهدت البلاد في عصره بالغلاء وكثره العسعس

        الرد
      12. 12
        مواطن

        والله دجل وكذب لا يعلم الغيب الا الله.

        الرد
      13. 13
        ابواحمد

        دجالون كذابون افاكون

        الرد
      14. 14
        مغبوووووون لمن العبرة خانقاني

        والله طالما ده مستوي العقول ف علي الدنيا السلام
        ما ممكن ياخ تكونوا بالجهل ده
        استغفر الله العظيم
        استغفر الله العظيم
        استغفر الله العظيم

        الرد
      15. 15
        ودنخل

        (عالم الغيب فلا يظهر على غيبه احدا الا من ارتضى من رسول فانه يسلك من بين يديه ومن خلفه رصدا ) صدق الله العظيم
        هذا الدجال لابد ان يقام عليه الحد

        الرد
      16. 16
        Sabir

        بسم الله الرحمن الرحيم

        يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْمًا لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئًا ۚ إِنَّ وَعْدَ اللَّهِ حَقٌّ ۖ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ (33) إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ ۖ وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ(34)

        صدق الله العظيم

        الرد
        1. 16.1
          ابوعبدالله

          قال تعالي : (قُل لَّا يَعْلَمُ مَن فِي السَّمَاوَاتِ وَالْأَرْضِ الْغَيْبَ إِلَّا اللَّهُ ۚ وَمَا يَشْعُرُونَ أَيَّانَ يُبْعَثُونَ) سورة النمل الآية 65
          هذا الدجال وان كنت اتمنى موت البشير ومعاونيه عاجلا غير آجل لكن لا يعلم الغيب الا الله
          والشعب السوداني اوعى من ان يصدق مثل هذا الدجال والمصيبة ان يصدق نفسه هههه

          الرد
      17. 17
        غيوووور

        ليست المصيبه في انه دجال وكذاب فقط فنفاقه وكذبه لايختلف عليه اثنان
        إنما المصيبه في انه وجد اعلاما يتحدث من خلاله وينشر كذبه وكأن مايقوم به مباحا وحقا

        الرد
      18. 18
        Aboahmed

        المشكله مافي تصريح بله المشكله في الاعلام القاعد يروج ليهو الاكاذيب ويروج للدجل والشعوذه ويروج للسحر والسحره ………..
        دي ياها مشكلتنا في السودان …
        لو الاعلام مانشر الكلام ده ما كان في زول عرف عن بله العايب ده اي حاجه لكن مجاناً يروجو ليهو في الاعلام …………………
        حسبنا الله ونعم الوكيل على الاعلام السوداني واولهم موقع النيلين …………..

        الرد
      19. 19
        ahmed

        هههههههههههههههههههههههههههههههههههههههههههههههههههههههههههههههههههههههههههههههههههههههههه
        هذه ليست تصريحات بلة الغائب …… هذه تصريحات المواقع الالكترونية ……. تبث الدعاية لفشلها فى التغير بالمظاهرات التى حدثت وتحدث بدون قادة !!!!!! بالتالى تبث الشائعات ……

        الرد
        1. 19.1
          ود عازة

          تحليل منطقي جدا وبكدا يكون الحراك قد فشل واستسلم للمواقع الافاكة والكذابة ..زمان قلنا يا جماعة مافي نت بيسقط حكومة بس قالوا انتوا كيزان ..وهي تاني نجدد القول اذا منتظرين اتلنت يسقط الحكومة نقولكم موت يا حمار

          الرد
      20. 20
        com

        بطلو كذب وافتراء وأتقوا الله قال الثوار اول سؤال هو وين الثوار ديل علي أرض الواقع لا وجود لثوار ما تبيعوا الوهم للناس أتقوا الله

        الرد
      21. 21
        فتى الشرق العظيم المهدي فتى الساحل الحقيقي ( لا كذب ) .

        اللهم احفظ البشير وانصره ، قسما بالله يا كلاب السودان يوم ما زول كلب فيكوا يمس الرئيس عمر البشير بسوء لأطربأ السودان على دماغكوا والله ما اخلي فيها حجر يقوم على بعضه ولا كلب فيها يخرج يعوي ، اللهم احفظ البشير وانصره .

        الرد
      22. 22
        ابراهيم

        (قل لا يعلم من في السماوات والارض الغيب الا الله ) – كذب المنجمون ولو صدقوا

        الرد
      23. 23
        كلام زول

        التاريخ : 13/01/2018

        السيد / وزير العدل السوداني المحترم
        تحية طيبة وبعد ،،،
        الموضوع : فتح دعوى جنائية ضد المدعو بله الغايب

        يرجى من سيادتكم التكرم بقبول الدعوى ضد المذكور أعلاه لما يقترفه من دجل وشعوذه وخروج عن الشرع وذلك بعد 5 أيام و7 ساعات و 23 دقيقة و12 ثانية .
        وتفضلوا بقبول فائق الاحترام والتقدير و #تسقط_بس .
        مقدمه لسيادتكم
        السوداني / فارس يوسف الشبراوي
        الدوحة – قطر

        الرد
      24. 24
        كلام زول

        تصحيح :
        2019

        الرد
      25. 25
        عبداللطيف

        اعتقد ان الرجل كان في حلم . ولما لا وقد حلم الناس جميعا بموت الظلمه. الفاسدين الدكتاتورين كأمثال القذاقي وصدام وقد كان.أعتقد أن البشير ليس بشرير…

        الرد
      26. 26
        MHO

        لا حول ولا قوة الا بالله ،،،”قل لايعلم من في السموات والأرض الغيب الا الله ولا يشعرون ايان يبعثون” النمل 65،«كذب المنجمون ولو صدقوا»
        عن ابي هريرة يقول إن نبي الله صلى الله عليه و سلم قال :
        ( إذا قضى الله الأمر في السماء ضربت الملائكة بأجنحتها خضعانا لقوله كأنه سلسلة على صفوان فإذا فزع عن قلوبهم قالوا ماذا قال ربكم ؟ قالوا للذي قال الحق وهو العلي الكبير فيسمعها مسترق السمع ومسترق السمع هكذا بعضه فوق بعض – ووصف سفيان بكفه فحرفها وبدد بين أصابعه – فيسمع الكلمة فيلقيها إلى من تحته ثم يلقيها الآخر إلى من تحته حتى يلقيها على لسان الساحر أو الكاهن فربما أدرك الشهاب قبل أن يلقيها وربما ألقاها قبل أن يدركه فيكذب معها مائة كذبة فيقال أليس قد قال لنا يوم كذا وكذا كذا وكذا فيصدق بتلك الكلمة التي سمع من السماء ).
        كم مرة غير كلامو الزول دا دي المرة التالتة او الرابعة اخر مرة كان قال البشير حيكون ملك هههه،،،،
        لكن انا اعتقد ربما انو الكلام دا اصلا ما من المنجم وربما يكون دفعوا ليه قروش كويسة عشان يطلع الكلام دا أو اصلا ما قال وطلعوا الكلام منهم يحمسوا الناس للخروج ،،لكن ربما يكون عكس الكلام الدايرينو هم

        الرد
      27. 27
        ود راس الفيل

        بلة الكضاااب
        مش قلت بحكم كم وتلاتين سنة ؟

        الرد
      28. 28
        ود عازة

        هذا الزفت المسمى بله الحيران دا مش قال البشير سزف يحكم كم وثلاثين سنة وستة وعشرين يوم غير رايه ماله شاف الحكاية ما مامشة والثوار حيسقطوا البشير

        الرد
      29. 29
        Selua Issa Abraham

        كذااااب لا يعلم الغيب إلا الله اتقي الله يا بله وبلاش دجل **

        الرد
      30. 30
        أبو مرون

        لماذا هذه المرة يطلبوا القبض عليه دائما ما يتنبأ باستمرار البشير في السلطة عدة مرات وكانوا فرحين بهذا الدجل ولم يطلبوا القبض عليه ولكن هذه المرة جاء التنبؤ والدجل على غير ما يشتهون سبحان الله.

        الرد
      31. 31
        ZAHIRHADY

        قال (كذب المنجمون ولو صدقو ) وايضا قال (ص) تفاءلو بالخير تجدوه … يجب ان نكذب بلة الغائب فى كلامه .. ولكن نتفاءل خيرا بمعانى كلامه بقرب نهاية المنافق الاكبر البشير الذى نشف عدم الناس حتى الخبز فى السودان سلة غذاء العالم وصاحب اكبر اراضى زراعية وانهار فى العالم بعد امريكا !!! يا للعجب !!!! يا للعجب !!!! .. ونقول خير ان شاء الله

        الرد
      32. 32
        محمد ابراهيم عبد الرحيم السنوسي

        كذب المنجمون ولو صدقوا

        نتمنى زوال دولة الأخوان المسلمين على يد الثوار السودانيين الأحرار معلمي الشعوب الأخرى في كيفية قولة (لا )

        وهذا( البله) قال قبل سابيع بأن البشير سوف يحكم السودان عدد من السنون أخرى غير التي سلفت

        ……………. حجرم ……………

        الرد
      33. 33
        ZAHIRHADY

        هذا زمانك يا مهازل فامرحى .. حقا يعتبر زمان البشير منذ ان اطل علينا هذا المنافق الاكبر فى ٣٠يونيو ٨٩ والى الان يعتبر كله زمن مهازل وقد ظهرت فيه العجائب والمهازل فى كل المجالات سياسية ورياضية واعلامية وفنية وعسكرية شىء جنجويد وشىء مليشيات حميتى !!! وشىء اللمبى !! وهذا البلة !!! الغائب!!! وهو صديق شخصى للبشير !!! مهازل معازل بكل … حسبنا الله ونعم الوكيل فيك يالبشير …… هذا الكلام مهداة اولا وثانيا واخيرا للاسلاميبن والمقربين من هذا المنافق قبل المعارضين الذين يستطيعون تدبير امورهم وحياتهم … فاقول للمقربين والاسلاميبن الحقيقيين اين هو الاسلام الان !!؟؟؟ فساد وخراب اخلاق وذمم عريض عرض البلاد وطولها !!!!!! وهذا البلة الغائب هو احد مخرجات البشير الحقي

        الرد
      34. 34
        تاى الله ود السارة بت الفضل

        البشير .. اللمبى .. عبدالعاطى … كمال عمر .. اية الله الطيب مصطفى .. هندوية عزالدين .. الأعور الدجال .. بلة الغائب .. الفاشخ عزالدين .. فعلا من اين اتى هؤلاء الناس ؟؟؟؟؟؟؟؟؟؟؟؟

        الرد
      35. 35
        ahmed

        شكرا بله صوتك وصلهم حار جدا؟ وكمان كلابو ديل في حفرة ودفن بسسسسس؟؟

        الرد
      36. 36
        عادل

        ولا يحيطون بشيء من علمه إلا بماشاء

        نعم لايعلم الغيب غير الله
        ولكن لا شيء يمنع الله ان يعلم
        غيبه لمن شاء بما شاء

        و إن شاء الله يابلة المرة
        دي تصدق معاك

        الرد
      37. 37
        عبد الكريم

        أعملوا لستة كبيرة للحرامية والطبالين والمنافقين لتحاكموا

        الرد
      38. 38
        Moh

        العرافة البلغارية بابا فنغا ذكرت أن البشير سيواجه ثلاثة أيام عصيبة ستطيح به هي 23- 24 -25 يناير ، والجدير بالذكر أن 25 يناير يصادف الجمعة التي قبل فيها البشير الحكومة

        أتوقع إذا كثفنا الضغط سيصقط خلال يناير 2019 – الهمة – ودوسوا البنص قوي ؟؟؟؟؟؟؟؟؟؟؟؟؟؟؟؟
        عمم:
        # هشتاق:
        تسقط … تسقط .. بس

        ثورة … ثورة … حتى النصر

        الرد
      39. 39
        أب كريق

        انحنا ناس بله و العرافين ديل ما بنصدقم لكن اتسلفنا العود بتاع القذافي (نخلص بيهو المهمة و نرجعو ليهم )و زاحفين على القصر تب مافي رجوع و ما بنخاف .. و يا الحرامية حسابكم عسير و وين ما قبلتو بنجيبكم .. التاريخ لن و لم يرحم .. طال الزمن أم قصر .. التحية لي شبابنا و بناتنا الفاتحين صدورم للرصاص و التحية لي أباءنا و أمهاتنا الفاتحين بيوتم للثوار حماية و ضيافة .. عافي منكم يا أهل الشجاعة و أهل السيف و الدرع و أهل الكرم و الجود .

        الرد
      40. 40
        عزالدين وديدي

        كذب المنجمون ولو صدقو( اما المقال لم يحدد بداية المدة يعني خمس ساعات منذ متى؟

        الرد
      41. 41
        ابوموسي

        الجديد شنو
        اخر مرة قال البشير يصبح ملك وهللتم وكبرو
        له اليوم تقولوا يقبض عليه دجالين كلكم الله ينتقم منكم

        الرد
      42. 42
        ابو وليد

        بله الكذاب الدجال
        لا يعلم الغيب الا الله

        الرد
      43. 43
        Samia Khalid Ahmed

        فعلا موت ياحمار

        هم أصلاً تعبانين ليه .. البشير ما عنده طريقة ولازم (الكوجنو ده يعوسو )

        وكان ما عمر البشير رجل طيب .. ناس مفروض ما يكون هنالك شيئاً إسمه حزب

        * كم سعر جالون البنزين ؟

        – (ضحك) أنا لا أشتري البنزين وممكن تسأل ، لأن عربتي تسير (كدا بس) .

        * معجب بأشخاص بعينهم ، والبعض يكرههم جداً ؟

        – شوف هذا البعض الذي ذكرته هم المغرضون ، أنا معجب شديد بالبشير وأيضاً بإيلا الذي جعل الجزيرة تنافس الخرطوم ، وبمولانا أحمد هارون والدكتور عبد الحميد موسى كاشا وصلاح قوش ، فهؤلاء الرجال لو جاء عليهم أربعة بس زيهم ، السودان دا حيتقدم ويتجاوز غيره من البلدان المجاورة .

        * إذن أنت من دعاة أن تكون السلطة مطلقة بيد أشخاص محددين ؟

        – تقصد شنو؟ لو قصدك عمر البشير ياخ هذا الرجل عمل أشياء في السودان مفروض أن الشعب كله والمثقفين والمستنيرين يطلعوا الشارع في إستفتاء ليكون البشير رئيس للأبد زي ما عمل الرئيس الصيني .

        * لكن لدينا إنتخابات في 2020م الفصل فيها للصندوق ؟

        – طيب ، أنا أقسم إليك بالله العظيم (ثلاث مرات) بما أعطاني الله ، البشير سوف يترشح ويفوز فوزاً كاسحاً ، وهذه النقطة التي لم أكن أريد الحديث فيها ، لكين إنت (زريتني) ووقعت ليك في الشبكة (ضحك).

        * ولو …؟

        – (مقاطعاً بغضب) ، لا يمكن ، إلا الطابور الخامس والعملاء ، لكن الشعب السوداني ده كله مع البشير ولو لم يحدث هذا كله على السلطة التي تأتي بعده محاكمتي بالردة ، وأنا موافق .

        * تبدو واثقاً ؟

        – واثق تماماً ، هذا الرجل فيه خير كثير ويمكن أن يخدم البلد ، ونحن لو ما متأكدين من أنه فيه للبلد كان والله طيرناه بعد (48) ساعه بس .

        * مصر على نفي حق الآخرين في المنافسة ؟

        – من هم الآخرون الذين تقصدهم ؟ لو الأحزاب السياسية أقول لك بصدق لا توجد أحزاب بتاتاً والشوية الموجودين دول ، بعض هؤلاء منتفعون ساي ، وكان ما عمر البشير رجل طيب وود ناس مفروض ما يكون هنالك شيئاً إسمه حزب ، لأنهم عمرهم ما خدموا السودان إنما ظلوا يخدمون في أجندتهم بس .

        * متى كانت آخر مرة غضبت فيها ؟

        – يا سلااااام هذا موقف الله ما أعاده ، تخيل يوم ذهاب عمر البشير لجنوب أفريقيا العام الماضي وحين طلعت تلك الشائعة المشئومة في ذلك اليوم أنا غضبت غضباً شديداً وطلعت من بيتنا في سوبا وإتجهت لأبو حجار بولاية سنار وهنالك ذهبت لشيخ يدعى الأغبش وهو رجل ظل جالساً في مكان واحد لمدة (80) سنة وقد جلست معه لمدة ثلاثة أيام ولم أرجع حتى عاد الرئيس للبلد .

        * هل أنت مقصود من جهة ما ؟

        – جهات كثيرة لأنهم فاكرين أنا الواقف مع عمر البشير ، وفعلاً أنا واقف ما مع الإنقاذ ورجالها كلهم بل واقف مع عمر البشير فقط لأنه رجل صالح وسوف يقود السودان لخير كثير قادم .

        * هل أنت مسامح ؟

        – ياخ أنا شعاري المسامح كريم ، لكن من يعتدي عليّ والله بطرشق براهو خلال (48) ساعة فقط .

        * الوضع فات الحد يا شيخ بلة ؟

        – هذا ليس من عمر البشير كما تقصد (ضحك) دا كلو من بعض منسوبي الأحزاب ، ياخ ديل جابوا مليارات الدولارات من الخارج وشغالين بها خراب في البلد من الداخل ، لأن هؤلاء لم يستطيعوا إقتلاع عمر البشير بالحرب ولهذا سلكوا طريق التضييق على المواطنين في معاشهم ، وأقول لك بوضوح ، سبب أزمة الوقود الحاصلة دي منهم وسبب غلاء السلع دا كلو منهم ، والله لو ما أساليبهم الملتوية دي كان البلد هسي فاتت غيرها في كل شيء وكان الآن الرخاء عم الجميع ، ولعلمك هذه الحرب هي الحرب الباردة تقودها بعض الأحزاب ولا بد من دحرهم وتشريدهم في أسرع وقت عشان البلد دي تمشي لقدام .

        * هل تعرف عدد هذه الأحزاب التي تكن لها هذه الكراهية يا شيخ بلة ؟

        – أعوذ بالله ، تتخيل هؤلاء عددهم (98) حزباً دا غير موجود في كل بلدان العالم إلا عندنا هنا في السودان ، والمؤسف من كل حزب جاء وزير ، بس فكر معي كم يكلف هؤلاء جميعاً خزينة الدولة ؟! .

        وأنا بسأل ماذا قدم هذا العدد من الوزراء للمواطن السوداني غير الفقر لأن كل واحد منهم محتاج لخمس عربات على الأقل ، هناك عربة للخضار وعربة لترحيل الأولاد وعربة لزوجته ، وعربه له هو تنقله للعمل .. إلخ ، هذا إسراف وأن المسرفين أخوة الشياطين .

        والمضحك حقاً هل تعلم مافيش حزب واحد من الأحزاب هذه كلها لديه (300) شخص يؤيدون ، يا إبني بعض هذه الأحزاب لو أحدها عمل ندوة أقسم بالله لن يبلغ عدد الحضور (300) شخص ، إسم حزب بس لكن بدون أتباع ، وهل تتخيل أي لقاء لعمر البشير بحضروه آلاف الناس من كل الأعمار .

        * هل تذكر يا شيخ بلع الغائب أن هذه الأحزاب تنتظر إنتخابات 2020م بفارغ الصبر ؟

        – يا إبني أنا قلت إن عمر البشير سوف يكمل (31) سنه و(25) يوماً ، وبعد هذه المدة سوف يترشح مجدداً وسوف يفوز فوزاً كاسحاً ، وإن اردتم أن تنفذوا بغير سلطان ، فأنفذوا … كما في معنى الآية ..

        * المصلحة يا شيخ بله تجعل البعض قريباً من الحكام ؟

        – لا حول ولا قوة إلا بالله ، تقصد أنا بكسر تلج عشان مصلحة أحصل عليها من شخص معين ؟ والله أنا بريء من ذلك ولعلمك كل العربات والأموال التي توزع على المتملقين وأصحاب الوظائف الوهمية ، نبريء أنفسنا منها أمام الله ، وداك بيتنا لسه جالوص والحمد لله ما محتاجين لينا لي زول يدينا إطلاقاً .

        أنا أستغرب البلد فيها عشرات المستشارين وما قاعدين يقولوا رأيهم في الحاصل الذي نتج عن تدخل بعض الأحزاب وعرقلتهم لخطط البشير التي كان يسعى من خلالها لتقديم الخير للناس .

        * ماهو الحل في نظرك ؟

        على عمر البشير شد اللجام شوية ، لأن الذي نتج عن الأزمات المتلاحقة الأخيرة كشف بعض المدنسين ، وأوضح أن هناك أناساً يقفون خلفها وأكثرهم من بعض الأحزاب السياسية ولهذا يجب الإنتباه لهم ، وإيقافهم عند حدودهم حتى لا تتضرر البلد ، يا إبني هؤلاء عسل عمر البشير في خشومهم ويعضوا في يده .

        * لم نرك يا شيخ بله مشاركاً الصوفية حتى حين يقدمون دعمهم للرئيس كما حدث في وثيقتهم الاخيرة التي طالبوه فيها بالترشح ، لكن لم تكن ضمنهم ؟

        – هم أصلاً تعبانين ليه ؟ نحن قلنا ده هو الذي سوف يحصل ، والبشير مترشح مترشح مترشح رغم أنف كل الأعداء وناس الأحزاب ، لأن هذا السودان لو فقد البشير سوف يضيع شمار في مرقة وعشان كده البشير ما عنده طريقة ولازم (الكوجنو ده يعوسو) .

        * لكن الحروب لم تنته بعد ؟

        – مين القال ليك الآن توجد حروب ؟ ، يا إبني دي تجارب منهم فاشلة ما بقدروا يقلعوا عمر البشير وأنا أقول لهم ما تقومون به من حروب لا بتودي ولا بتجيب ومن حقكم ترجعوا لرشدكم .. واللهم إني بلغت فأشهد .

        حوار: محمد عبد الباقي

        الخرطوم (اليوم التالي)

        هذا لقاء نقلته لكم……….ويابله الغائب :كذب المنجمون ولو صدقوا وكلنا ماشيين فى درب الموت

        الرد
      44. 44
        الرشيد

        كذب المنجمون ولو صدقوا. الرجوع الى سورة الجن. كانت الشياطين تترص حتى تصعد الى اطراف السماء الدنيا فيسمعون ما يدور بين الملائكة من علم الغيب وما سوف يحدثن فينطلقون الى الارض ويلقون ويزيدون فيه الكذب الى الدجالين والمشعوذين. ولكن بمجيء بعثة الرسول صلى الله عليه وسلم انقطع هذا الامر وصار كل من يتجرأ الى الاستماع يجد شهاب رصدا. فلذلك بلة الغائب كاذب في دعواه ومنهجهه باطل.

        الرد
      45. 45
        زول سوداني

        كذب المنجمون ولو صدقو
        وراحت الثورة السودانية الى مزبلة التاريخ

        الرد
      46. 46
        سودانى مغبووووون

        أحييك.. والله انك زول واعى ياصاحب التعليق باسم.. Ahmed..
        كل واحد يلصق ليهو حوار من قعر نافوخو.. ويرسلو لى كم واحد من أصحابو تويتر ولافيس ولا واتس.. وتانى يوم نفس الخبر يلف ويجيهو.. وسبحان الله كل متلقى الاخبار الا الزى احمد صاحب التعليق (الله يبارك ليهو عقله ومستوى فهمو ) روسيهم قرع.. ستلايتات استقبال وتوزيع فقط لاغير..
        بله ده لو فعلا كدى كان عرف مواعيد موتو..
        لكن الشغله تحريض من واحد وسخ معفن اصله ابن زنا ليس إلا..

        الرد
      47. 47
        جي جي

        بله الغائب بالله يا ناس الموقع لا تفتحوا صفحاتكم لمثل هذا الدجل.

        الرد
      48. 48
        ابوبكر

        udan

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.