تلقى سوداني قادم للعمل بالمملكة العربية السعودية، ردود مدهشة، بعد طرحه لاستفسار بقروب بموقع التواصل الاجتماعي فيسبوك، يضم عشرات الآلاف من المغتربين السودانيين بالسعودية، بحسب ما نقل محرر “كوش نيوز”.
وجاءت معظم الردود معبرة عن معاناة السودانيين بالغربة، محبطة، فكانت الإجابات المدهشة على سؤاله الذي طرحه”جاي السعودية للعمل جديد، أجيب معاي شنو”? كالآتي : جيب معاك “كفنك”، جيب معاك شوال صبر، ماتجي نهائي ، مناديل ورق، جيب معاك حبوب ضغط هنا الناس الكبار عقلهم زي الشفع الهينه بتزعلوا منك، “خلي كرامتك هناك وتعال بتظبط، “جيب معاك مصاريفك في إشارة لما يعانونه من فلس”.
فيما جاءت الوصايا كالآتي: “جيب معاك باقي عفشك لانو الرجعة صعبة، وودع الأهل لعشر سنوات اقل شئ ثم بعد ذلك تستعد لمواصلة عشرات السنين الأخرى”.
“قبل ما تجي اعمل الوداع الأخير، وسلم كل الأمانات العندك وأكتب وصيتك والسلام”، “الكفيل قوليهو بابا وكسر تلج كتير”، حا تشبع من جاكم أحد، فيما أجابه أحدهم : “تعال وربنا يوفقك يا اخوي ياكمان أمورك وضحت، ياكمان بقيت مدير قروب”.
الخرطوم (كوش نيوز)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
بلدنا لو فيها إدارة نزيهة و كفاءات, ما كان في سوداني اغترب للعمل خارج السودان, كان السودانيين يسافروا للاجازات و الحج و العمرة و الدراسة فقط.
هههههه والله لا تعليق..
الناس نامت في الانقاذ 30سنه
فجأة صحو كانهم لم يلبسو غير يوم او بضع ايام.
وجدو كل شي تبدل وتغير الدولار من 6 بقي 47.5 والقطعة السكنية درجة تالته من 3 الف بقت مليار وقفة الملاح من7 بقت 300ج والناس كانت تعرس واثنين وثلاثة ورباع بقي مافي عرس. عديل وقيس علي كدا باقي الأمور
الانظمة اخي الكريم محتاجة من الشعب من فترة الاخري الثورة علي الانظمة لكي تقومها .لكن الحصل عندنا عندنا فاتكم القطار ..
اين كانوا هؤلاء كبارهم وصغارهم سياسيهم وجاهلهم بالسياسة ومثقفهم وجاهلهم .
الصراحة كلنا كنا في تنويم مغناطيسي عميق حتي فك البنج من هؤلاء الشباب الذين ولدو تربو في كنف النظام وديل طالبو بشي بيسط جدا من حيث المطالب هو الخبز والصحة والتعليم ومعاش الناس.ودي مطالب جادة اربكت اركان النظام وهذه مظلمة الناس للسيد الانقاذ.
وياريت اصحاب الاجندة الخفية ما دخلوا فيها افسدوها وقدمو للنظام اجمل هدية للخروج من مأزق ثورة الشباب علية.
الان النظام يتعامل مع المارقين فقط وتلاشة ثورة الشباب. واللوم يقع علي اعتاق اصحاب الشعار حرية..سلام..وعدالة..والثورة خيار الشعب. هم وحدهم من افشل الاحتجاجات المشروعة وراحت دماء الشباب .
ياليتهم لم يفعلوا..
حقيقة كلامك 100% اهل الخليج هم من يجب أن يأتو للسودان فلدينا النهر والثمر والبقر والوتر والكفر والسك… ود بندة سلمت يداك لسنا مع هؤلاء اللصوص والحرامية لكن مليار لا للمعارضة الخسيسة التي تستغل الظروف وتطعن الشعب في اعماقه وفي هذه الحالة … تقعد بس لغاية ما ربك يحلها …
بالطبع االكلام له شجون والام ولكن الصحوة اتت وان تاخرت لان اخوتنا فى الانقاذ ومن معهم لم يدركوا بان السنين والاعمار ان طالت سوف تقصر وكل شىء سوف ينكشف ولو انهم مشوا بنفس النمط والنزاهة والورع والخوف من الله واعطاء كل ذى حق حقه من خدمات وتنمية حقيقية وادارة واضحة المعالم من الوزير الى الغفيربامانه واضحة واستراتجية واضحة هو شعار التنمية والاكتفاء الذاتى ومن ثم التصدير لان الجوع كافر وتردى الخدمات والترهل واضح وان كان الحصار مفعوله قوى لا ننكر ذلك ولكن لوطن مثل السودان يمكن ان يتغلب على الحصار بالتنمية المدروسة والمخططة والشفافية والنزول الى المواطن البسيط بدا من المزارع الى العامل وتقديم الحلول والبرامج وليست المكتوبه فى قاعات المحاضرات بل تترجم الى واقع يعيشه الناس وهناك حقائق مخفية لا ترى الا من نزل الميدان وعارك حياة البسطاء واستجلى الحلول وبالتالى نكون المواطن مشارك فعليا فى السياسة والاقتصاد والتنمية الريفية وعمل مسوح اجتماعية واقتصادية لكل البوادى لمعرفة كيفية النهوض والتنمية المستدامة وتعلق فى كل وزراة منوط بها وضع الاستراتيجات مش كفاية زيرو عطش وبرضو فى زيرو جوع وزيرو صادر وزيرو فساد وزيرو حكر الادراة وزيرو عدم مشاركة المواطن ومعرفة ما يدور فى تلك الوزرات لمصلحة المواطن ولا بد من شفافية وقانون يبسط العداله للكل وحوسبة القضايا لتنفيذ السريع واسترداد حقوق المواطن بالشكل المطلوب والسرعه والخ وهل نسمع بتطور واسلوب جدي فى الادراة وفتح الابواب المغلقة لكل دووايين الحكومه بحكومه رشيقة وخدمة ميسرة تماثل خدمات الكهرباء واعتبرها نقلة وهل تعمم على الجمارك والاراضى والضرائب والخ والله المستعان والموفق ولا بد من التضحيات من اجل المواطن والوطن ؟
سودان العزة و الجود و الكرم كان زمان الان بقى سودان الفساد و المحسوبية و الرشاوي و الدعارة المقننة و الأخطاء الطبية و أقاشي الحم الكلاب…. لنا الله .. اللهم لطفك بنا و رضاك عنا