اقتصاد وأعمال

معدل التضخم في السودان يسجل رقم قياسي ويبلغ في شهر ديسمبر 72.94%


ارتفع معدل التضخم لشهر ديسمبر حيث بلغ 72.94% مقارنة ب 68.93% في شهر نوفمبر الماضي حيث سجل متوسط التغير الشهري للعام 2018 معدلاً بلغ 4.84% ، أعلى معدل سجله شهر يناير 24.85% وأدناه سجله شهر اكتوبر – 0.68 مقارنة بمتوسط التغير الشهري للعام 2017 والذي بلغ 1.89%.

ووفقا للجهاز المركزي للاحصاء فقد سجل متوسط التغير الشهري لمجموعة الأغذية والمشروبات للعام 2018 معدلاً بلغ 5.45% اعلى معدل سجله شهر يناير 18.26% وأدناه سجله شهر اكتوبر – 1.26% مقارنة بمتوسط التغير الشهري لمجموعة الأغذية والمشروبات للعام 2017 والذي بلغ 2.35%. سجل معدل التضخم في المناطق الحضرية ارتفاعاً بلغ 68.25 % بينما كان 62.67% في نوفمبر الماضي.

وسجلت احدى عشرة ولاية ارتفاعا في معدل التضخم عن شهر نوفمبر الماضي وهي ولايات البحر الاحمر، جنوب دارفور، الخرطوم، الجزيرة، نهر النيل، شمال كردفان، النيل الابيض، القضارف، جنوب كردفان، شمال دارفور، الشمالية، بينما سجلت اربع ولايات انخفاضا هي كسلا، النيل الازرق، سنار وغرب دارفور.

الخرطوم 17-1-2019 (سونا)


تعليق واحد

  1. خلااااااااااااص مع العملة الجديدة كلنا ح نضيع يا وهميين
    تاني رطل السكر نشيل ليهو شوال قروش
    الله لا جاب باقيكم
    اعملوا تغيير شامل للعملة وبدلوها بالفئات الجديدة الكبيرة
    وفعلوا الدفع الالكتروني
    ناس القطط السمان ديل القروش العندهم النار ما بتاكلها
    امسكوها واي ايرادات مجنبة تدخل الخزينة
    ايراد يوم واحد من ناس الكهرباء ديل يغطي سيولة شهر
    ابو تفكيركم ذاااااااااتو
    تغيير العملة هو الحل والغاء جميع الفئات الصغيرة
    الحاجات دي ما منزلة من فوق
    يعني قرار ويتنفذ طوالي بلا دراسة بلا لجنة معاكم يا ابو رؤوس فاضية
    يوم وزع ربنا العقل انتو كنتو في إجازة ولا كنتو غاطسين وين
    ابو اليوم الجابنا معاكم في بلد واحدة
    ناس طير ما بتفهم نهائي وشغالة لهط ولبع تقيل
    القروش البرة دي لو جبتو ربعها بس الجنيه بنتعش وعادي ممكن يصل لسعر 2011 ويثبت عند جنيهن للدولار
    ثبات العملة وتقويتها يعني تعافي الاقتصاد
    يعني الناس تكون مرتاحة ومبسوطة والاحتجاجات تختفي
    لكن انتو ما نافعين والبجرب المجرب عشان يديهو نتيجة مختلفة يبقى وهمي زيو
    عشان كدا تسقط بس لانو ما منكم رجاء
    الناس كلها تنق من سنين انو ماشين غلط لكن انتو راكبين راس لغاية ما ضيعتونا وح تضيعوا انتو كمان وضياعكم ح يشهد بيهو التاريخ وتكونوا عبرة لاي زول وهمي في العالم يا وهميين
    الموضوع لسه ممكن يتلحق خليكم في الامن بتاعكم دا وامور الاقتصاد دي ابعدوا منها نهائي
    سلموها تكنوقراط من عباقرة البلد دي وتنفذوا الكلام حقهم من غير بغم لانو الحاجات دي فوق مستوى الفهم حقكم
    انتو ناس بندقية بس دا اخركم
    علي بالطلاق تسقط قبل اعداكم الا نعمل ليكم فحص قدرات عقلية نشوف مركبين ليكم شنو
    لانو مستحيل يكون في عقل طبيعي مكان المخيخ دا
    وهميين