مداراتمنوعات

بالصورة .. “انبراش” قروبات نسائية بطبيب يقف في الاحتجاجات.. (جندي البلد لاب كوت وسماعة وغمازة)


أثارت صورة دكتور يقف مع بعض الكوادر الطبية الذين نظموا وقفه احتجاجية يطالبون بالحرية لدكتور. أشرف وداعة وجميع المعتقلين، إعجاباً واسعاً بوسائل التواصل الاجتماعي وتناقلتها القروبات النسائية بتعليقات ساخرة.

وبحسب متابعات كوش نيوز فقد ظهر الطبيب الذي اشتهر داخل مواقع التواصل الاجتماعي بالوسيم (أبو غمازة) بكامل أناقته يقف مع الأطباء الذين يطالبون بحرية د. أشرف أمام مستشفى إبراهيم مالك.

ومن ضمن التعليقات الساخرة تعليق من إحدى “المنبرشات” قالت: (جندي البلد سماعة وعندو غمازة). وأخريات يسألن من مكان عمله وقالوا: (دا شغال وين عشان نمشي نتعالج عنده ..الولد حالته صاري لو ابتسم كان عملنا شنو).

وبحسب متابعات كوش نيوز اعتقلت السلطات تيم الإسعاف الميداني الذي يتبع لمستشفى إبراهيم مالك أثناء تغطيتهم كفرق طوارئ طبية لمظاهرات منطقة بري وأطلق سراح بعضهم بعد ساعات من الاحتجاز.

الخرطوم (كوش نيوز)


‫11 تعليقات

  1. مافيه حاجه ملفته تلقي عينته دي كثيره في الشارع يعني زول طبيعي إلا كان عندكم معاه علاقة صداقة حبيتوا تمدحوه

  2. يعنى نفهم من كده انو المشكلة ما رغيف وبنزين ولا حتى حرية….المشكلة كانت مشكلة عنوسة وبوره…

  3. المشكلة في الشعب السوداني الذي خرجت منه هذه الطغمة الفاسدة لابد للشعب أن يصلح ما بينه وبين ربه ويقلل من المنكرات المنتشرة في المجتمع إنتشار الهشيم في النار واعظمها عبادة غير الله والأخذ على يد السفهاء لعل الله يرفع عنا هذا البلاء ويولي علينا خيارنا ويصلح ولاة أمورنا إنه ولي ذلك والقادر عليه.

  4. وأبو قميص بمبي اللي في الصورة ده يعني ليهو الله وعيشة السوق. …..
    والله صحي ناقصات عقل ودين. ..الناس في شنو وهن في شنو..

  5. صرح أحد المسئولين بأن جزءاً من حل الأزمة هو العرس..

    سخر منه الناس حينها..

    لكن يبدو فعلاً أن البورة والعنوسة من الأسباب..

    عشرات الآلاف من الشابات من الجامعيات والموظفات فاتهن أو يكاد العمر..

    زوجوهن .. يقرن في بيوتهن.

  6. زمنا كان الكلام ده عيب وعيب كبير… لكن يبدو أن الزمن تغير والمفاهيم أيضا تغيرت والقيم تغيرت وسبحان الذي لا يتغير

  7. ماهو ربنا لازم ينزل علينا كل مصائب الدنيا عشان عمائلنا البطالة دي … السودان بلد الفسوق والضلال … يا حليل البنت السودانية اللي كانت ما ترفع راسها الليلة بقت على عين يا تاجر المعاكسات شغالة قرف ,,, وان لم تستح فافعل ماشئت

    1. هل عندهن اهل رجال كدا وهن بحترموهم عديل زي باقي الرجال .. كيف لا … هذه الاشياء مافينا واحد برضي يسمع اختو ولا مرتو تقول كدا ولا بنتو .. ما تدافعوا ساااي .. الدااير يدافع لهن يعكس الموضوع لي نفسو هل يسمح لاهله ..؟؟؟!!!

  8. كل الموضوع غزل برئ و مافي داعي كل واحد يعمل فيها مفتي الديار السودانية !!

    ده ترويح عن النفس و الحصة وطن, قوموا الى ثورتكم يرحمكم الله ……….

  9. هل عندهن اهل رجال كدا وهن بحترموهم عديل زي باقي الرجال .. كيف لا … هذه الاشياء مافينا واحد برضي يسمع اختو ولا مرتو تقول كدا ولا بنتو .. ما تدافعوا ساااي .. الدااير يدافع لهن يعكس الموضوع لي نفسو هل يسمح لاهله ..؟؟؟!!!