جهاز المغتربين يستعجل تنفيذ حزمة الحوافز بما فيها الإعفاء الجمركي للسيارات
طالب السفير عصام عوض متولي الامين العام لجهاز تنظيم شؤون السودانيين بالخارج الجهات ذات الصلة باستعجال تنفيذ حزمة حوافز المغتربين تحقيقا لكسب ثقة ابناء السودان بالخارج ، ووفاء بالتزام الدولة بحقوق المغتربين السودانيين المتمثلة في حزمة الحوافز التي أجازتها الدولة مؤخرا.
وبشر سيادته السودانيين بالخارج خلال اجتماع اللجنة الفنية للحوافز الذي انعقد بمكتبه صباح الثلاثاء، باستجابة الدولة لكل ما من شأنه تيسير البدء في عملية تنفيذ الحوافز وإنزالها الى أرض الواقع، مشيدا – في الاتجاه ذاته – بالتسهيلات التي دفعت بها الدولة لإنجاز الحزمة الأولى من الحوافز المتمثلة في الرسم الموحد والتأمين الصحي والإعفاء الجمركي للسيارات.
من جانبه؛ أكد العميد حسب الكريم آدم النور ممثل هيئة الجمارك السودانية في اجتماع اللجنة ، أن هناك مجهودات كبيرة تبذلها هيئة الجمارك لإنفاذ البند الخاص بالإعفاء الجمركي الكامل لسيارات المغتربين وضمن الحزمة الأولى من الحوافز؛ وذلك بعد استيفاء الضوابط الخاصة بها ، مؤكدا جاهزية إدارة الجمارك لتسهيل كافة الاجراءات المتعلقة بذلك .
الخرطوم 26-3-2019م (سونا)
الكيزان يعتبرون المواطن نقاطة لذلك التأخير و بعد ده يتسولون بأسمه دوليا و لا يهتمون بالانتاج و التنمية كمورد رئيسي.
عصابة التسول الدولي سوف تسقط إن شاء الله تعالى
هل الرسم الموحد يعتبر حافز حتي يتم اجازته و العمل به.
ما دايرين اعفاء ولا دايرين سيارات ولا بندفع ليكم ريال يا كلاب يا حرامية يا منافقين تسقط بس
اسمكم جهاز المنتفعين………….الثقة معدومة الي الابد طالما الكيزان حاكمين البلد والنتيجة ما نراه الان…..دول الجوار مسموح للمغترب ادخال كل اغراضه منها مجان ومنها بمبلغ رمزي مش سلب ونهب بالملايين؟؟؟
ولكن يمهل ولا يهمل…………..
بصراحة أي قرارات من هذه العصبة الفاسدة أصبحت عند كل المغتربين غير صحيحة ( مصيدة لأكل أموالهم ) . يتسدرجونا لتحويل أموالنا عن طريق البنوك فأين أموال المغتربين المودعة في البنوك !!!!!! تسقط بس
بح مافي ولا ريال واحد، خلاص نشفت تب
تسقط بس
“لإنفاذ البند الخاص بالإعفاء الجمركي الكامل لسيارات المغتربين وضمن الحزمة الأولى من الحوافز؛ وذلك بعد استيفاء الضوابط الخاصة بها”
قاصدين شنو بعد إستيفاء الضوابط الخاصة بها دي ؟!!
مادام حوافز … وزيادة إيرادات للدولة من خلال الجمارك .. مافي لزوم تعملوا ضوابط عسيرة تمنع تنفيذ الحزمة …
اهلنا زمان قالوا الكديسة ما بيحرسوها اللحم
سعر الدولار الرسمي اليوم 45 جنيه ..
وسعره في السوق الموازي 71 ..
يعني زول مسطول يقعد خمسة سنوات يحول قروشه بسعر 45 جنيه للدولار .. ويخسر سعر خمسة عربات عشان بعد داك لما تتكرموا عليهو تدوه إعفاء من عربية ؟؟
حوافزكم دي تبلوها وتشربوا مويتا .. قرش واحد بالبنك مافي .. أمشوا جيبوا قروشكم الفي ماليزيا .. وأقطعوا من لحم حراميتكم يرجعوا شوية من القروش النهبوها .. وكلموا عوض الجاز يرجع شوية من قروش البترول ..
انتهى الربع الأول من السنة وما اتنفذت ؟؟؟ هسي يصدقوكم كيف
طريقة تفكيركم وصناعة قراراتكم التي هدفها الاول هو نهب اموال المواطنين لتسيير دولاب الدولة هو الذي دمر اقتصاد السودان الطريقه الوحيده التي تعرفونها هي الجبايات ضرائب ما انزل الله بها من سلطان رسوم جمارك جمارك خرافية تفوق سعر المنتج نفسه (مثلا الحكومة السودانية ممثله في الجمارك بتتحصل على جمارك اعلى من قيمة انتاج السيارة في اليابان يعني قيمة السيارة من المصنع في تويوتا يبالغ ٢٠ الف دولار والجمارك بتتحصل على ٣٠ الف دولار جمارك) حتى المنتج الداخلي (شوال السكر يباع في السوق للمواطن بثلاث اضعاف سعره من المصنع) الحكومه السودانية بتحاول الحصول على المال للتسيير بأسهل الطرق وهي بذلك تدمر الانتاج وتضيق على المواطن حتى المزارع لمن ينتج تجي الحكومه تفرض عليو سعر (ويكون سعر غير مجزي للمنتج) وتقول سعر تركيزي لتشجيع الانتاج (كذابين) يشتروهو من المزارع رخيص بعدين يجو يقول ليك التهريب ما التهريب انت السبب المزارع بيهرب عشان ياخد سعر مجزي لمنتجو الانت عايز تنهبو منو بعدين محاولات نهب المغتربين تاني ما بتنجح والمؤمن لا يلدغ من جحر مرتين كفاية الخداع حق الاراضي (ناس المندره) زي ما قال اخونا فوق المبلغ المطلوب تحويله للحصول على اعفاء جمركي لدخول سيارة اذا حسبت فرق السعر ما بين البنك والسوق الاسود تجد ان فرق السعر بيشتري ليك سيارتين يعني المغترب يجب ان يدفع قيمة سيارتين للحكومة السودانية عشان تمنحو اعفاء لادخال سيارة (يابخت من نفع واستنفع – سياره ليك وسيارتين ليهم) انحنا السيارات دي خليناها عديل كده ما دايرنها السيارات سوقوهو انتو ياخي خليك من السيارات نحنا البلد زاتا خليناها ليكم
كم كانت ثروة مرتي عام 1989 و كم تبلغ اليوم؟
كم كانت ثروة كرتي عام 1989 و كم تبلغ اليوم؟
ما هي مطالب الكيزان مقابل التنحي؟
ان يتركوا بدون حساب و عقاب؟
ان لا تصادر الاموال والعقارات التي استولوا عليها بطرق فاسدة؟
ماذا ايضا
اعفاءاتكم سجم رماد.قروشنا تشموها قدخة.انا مسدد من عام1981 فوق الثمانون الف ريال. لقيت منكم شنو باه قطعة الارض الفي الوادي الاخضر التي لاتسمن ولاتغني من جوع.ولليوم لم تصلها خدمات ولايحزنون.مواسير وخواذيق اتركب فينا….
سنوات وسنوات في هذه الوعود وكلام الهواء ولم نرى يوما خدمة واحدة قدمت للمغترب سوى الجبايات
حتى لو كلامكم ده حقيقي برضو # تسقط بس #