حميدتي رداً على التلويح بالإضراب العام اي زول يضرب عن العمل يمشي بيتهم طوالي جاهزون بالبدلاء



شارك الموضوع :

قال نائب رئيس المجلس الإنتقالي الفريق أول محمد حمدان حميدتي، الثلاثاء، رداً على التلويح والتعبئة للإضراب العام للضغط على المجلس الإنتقالي اي زول يضرب عن العمل يمشي بيتهم طوالي وجاهزين بالبدلاء والحكاية ما زي زمان، بحسب ما نقلت “كوش نيوز”

وتحدث “حميدتي” عن تحوطاتهم لأي إضراب قائلا: كل شىء مرتبين أمرنا فيهو مهندسي الكهرباء والمياه موجودين، ماعندنا مشكلة في أي حاجة الدور دا مازي الاضراب القديم، اي زول يضرب عن العمل يمشي بيتهم طوالي، لانو نحن شغالين صاح وبنرضي ربنا ، وحواء والدة والشعب السوداني دا بالملايين فيهو الدكتور والمهندس وغيرهم.

وقال “حميدتي” أي زول أضرب يمشي بيتو على طول مايرجع تاني للمؤسسة الكان فيها، ولايمكن أن تكون ضد عمل إنساني، تترك مريض في عملية وتضرب عشان الناس ديل، هذا كلام عيب وغير صحيح.

مضيفاً لانمنع حرية التعبير، وإذا حصلت أي حاجة تفاهموا بالحسنى.

وكانت قوى الحرية والتغيير، قد بدأت حملة عبر مواقع التواصل لتهيئة العاملين بالمؤسسات الحكومية والخاصة لإضراب عام، للضغط على المجلس العسكري، في حال عدم تحقيقها مطالبها على طاولة التفاوض.

وقال المهندس “خالد عمر ” عضو وفد التفاوض القيادي بالمؤتمر السوداني لقناة العربية يوم الاثنين بأنهم قد اتفقوا مع المجلس الإنتقالي عل ٩٥% من القضايا وتبقى اليسير، وسنذهب في مسار مستقيم للثورة كما هو الحالي، ملمحا لعدم التصعيد.
الخرطوم (كوش نيوز)

شارك الموضوع :

22 التعليقات

إنتقل إلى نموذج التعليقات

      1. 1
        فتى الشرق العظيم المهدي فتى الساحل الحقيقي ( لاكذب ) .

        الله ينور دق السبحة .

        الرد
      2. 2
        سوداني اصيل

        حميدتي يهدد ياجماعه
        حميدتي انت عندك شنو بتهدد بيهو
        نزكرك طار عمك الكبير الجابك من الاعشاش
        طار ابن عوف اشتغل عسكريه لمن شاب الراس
        انت جاي من وين يازول وبتهدد كمان

        الرد
      3. 3
        جلاد الدجالين

        دة الكلام الصح

        الرد
      4. 4
        محب أرض الحرمين

        لا حل إلا الحوار أما التصعيد والتهديد لن يأتي بالنتيجة المرضية الوطن يسع الجميع ولن يستطيع أحد فرض رأيه على الشعب السوداني المسلم المسالم بإذن الله.

        الرد
      5. 5
        sami sami

        يجب تكوين لجان من النيابة لكل جرائم الكيزان كالاتى’

        ١/ لجنة تحقيق في ضحايا بيوت الاشباح (د.علي الفضل, ابوبكر راسخ, امين بدوى , ….. والمئات من الضحايا الماتوا بالتعذيب)

        ٢/ لجنة تحقيق في مقتل مجدى محجوب واركانجلوا والقس بطرس

        ٣/ لجنة تحقيق في قتل طلاب الجامعات من التاية ابوعاقلة ومحمد بشير ومحمد عبدالسلام بابكر والامين شمس الدين ومحمد الصادق ويو اضافة الى العشرات منهم

        ٤/ لجنة تحقيق في مجزرة ضباط رمضان سنة ٩٠

        ٥/ لجنة تحقيق في مجزرة معسكر العليفون

        ٦/لجنة تحقيق في مجزرة بورسودان ٢٠٠٥

        ٧/ لجنة تحقيق في مجزرة كجبار ٢٠٠٦

        ٨/ لجنة تحقيق في مجزرة انتفاضة سبتمبر ٢٠١٣

        ٩/ لجنة تحقيق في مجزرة ثورة ديسمبر المجيدة

        ١٠/ لجنة تحقيق في مقتل الشهيدة عوضية عجبنا

        ١١/ لجنة تحقيق في مقتل الشهيد سامر الجعلي

        ١٢/ لجنة تحقيق في مقتل الشهيد حسام الدين علي

        ١٣/ لجنة تحقيق في قتل اسري الحرب في دارفور والمنطقتين

        ١٤/ لجنة تحقيق في الهجوم علي السفارة الالمانية ٢٠١٢م

        ١٥/ لجنة تحقيق في التعذيب داخل المعتقلات بواسطة امنجية الكيزان

        وهكذا ..

        الرد
      6. 6
        wad nabag

        حال الشيوعي الذي كان متخفيا واظهرته شجاعه شباب الانتفاضه ينطبق عليه المثل(رمتني بدائها وانسلّت) فمن بعد صمته دهورا نطق كفرا, فبدأ بكيل الاتهامات للمجلس العسكري وتبرئه نفسه من التعنت الذي اوصل شباب الانتفاضه مع شركائه العسكرين لطريق مسدود!!فخوف الحزب من الإدانة و رفض الناس لافكاره وأفعاله دفعته لادانه الاخرين بغير مبررات متوازنه وكشفت عن طمعه في تكويش السلطه بغيراستحقاق.
        نحن نعلم ان من اهم مسببات الانقلابات العسكرية السابقه التي دمرت البلاد,كان معظمها ناتج عن ممارسات الشيوعي باقصاءالاخرين ومحاولاته عبرتاريخ البلاد السياسي الانفراد بالسلطه او معظم مكوناتها كما حدث في 64و85و70 وكانت وكلها محاولات فاشله ومدمره للممارسه السياسيه وللحركه الوطنيه !!!وهاهم اليوم يعودون لممارسه نفس اخطاء الامس القاتله!!ورغم تخفيهم تحت اغطيه متعدده كالمهنين والحركات المسلحه والمنظمات المدنيه وغيرها ومعظم قادتها اعضاء منهم ,ويطالبون بمده الفتره الانتقاليه,, ويطلبون الجمل بماحمل ويدخلون البلاد في ازمات سياسيه لان مطالبهم غيرواقعيه وافكارهم سخيفه وعقيدهم منتهيه الصلاحيه لاتنال قبول الناس.
        نحن لانرفض الحكم المدني وان كان به شيوعيون لكن نطالب بمجلس سياده (انتقالي) مشترك عسكري مدني برئاسه عسكريه وبصلاحيات سياديه كامله لاسباب منطقيه منها الاتي:
        *اعتبارالمجلس العسكري من مكونات الانتفاضه اقتضتها الظروف الموضوعيه وهو بهذه الصفه لايمكن ابعاده عن حكم الفتره الانتقاليه .
        *الحفاظ علي وحده التراب السوداني من مخاطراجندات التقسيم المتعدده الساريه المفعول اليوم ومعده للتطبيق بخطوه اخيره فوضويه.
        *حمايه موارد البلادالغنيه المتعدده وفي مقدمتها الانسان السوداني.
        *حمايه الامن القومي الداخلي من عدم الاستقراروالثغرات.
        *الاشراف علي تنفيذ برنامج الحكومه الانتقاليه المتفق عليه والتحضير
        للانتخابات والتعديل اذا اقتضت الضروه اوالاتفاق.
        *لم يتحقق السلام بعد ولم تلق حركات الهامش السلاح والتفاوض معها
        من موضع قوه يقول بوجود قواتنا المسلحه بقمه السلطه السياديه.
        *وجود العسكر بمجلس السياده حمايه للحدود ارضنا من اعتدئات دول
        الجوار ومشاكل حلايب والفشقه وجنوب السودان مالازالت بدون حلول.
        اذن وجود مجلس مشترك عسكري مدني انتقالي ضروره يقتضيها وضع
        البلاد الحالي وليس ترفا او تعنتا او طمعا في سلطه كما يقول به ويعمل له الشيوعي الخرف!! بل علي العكس تماما ………الطامعون هم الطرف الاخرالذي اغمض عينيه عن تراخي الحاله الامنيه للبلاد وغياب القانون وتهريب الثرواتوعدم الرقابه الاداريه والوضع الداخلي الهش …فلذلك فاننا نستطيع ان نقول ان تقيم الشيوعي للوضع السياسي سلبي وخاطئ ومضلل تماما وعكسه في طاوله وفد التفاوض يزيد الامور تعقيدا,, كذلك الدعوه للتصعيد السياسي وإعلان العصيان والاضراب لايخرج عن كونه عبث بمقدرات البلاد وامنها وممتلكاتها ومخاطره غير محسوبه العواقب لطمع في سلطه لايستحقها الشيوعي او غيره بغير انتخابات ….وان نظريه (الشرعيه الثوريه) المتكئين عليها (حيطه مايله)وعباره مضلله يراد بها اختطاف حقوق المواطن الانتخابيه وتجيرها لصالح حزب صغيراو اقليه من الناس قد لاتمثلهم ان لم تكن مرفوضه لديهم.
        الحكم المدني الديمقراطي الصحيح هو الذي تسنده انتخابات وتوافق جمعي وليس المواكب ولا المظاهرات وتدبيج الهتافات..هذا الاسلوب اسقط النظام الفاسد لكن البناء له مقوماته واسسه وقواعده وفي المقدمه المشاركه الجماعيه والتوافق والعلم والاتقان … كذلك الاستقرار له مقوماته بالاجماع والاغلبيه واقلها بالتراضي والقبول ,. اما التغليب ب(الكروشه) فعمره قصيرتعقبه الفوضي….والعوده للمربع الاول. هذا والله اعلم…

        الرد
        1. 6.1
          سوداني حزين

          لماذا أختزلت كل الشعب السوداني في الحزب الشيوعي حتي تلعب علي وتر كره الشعب السوداني لكل ماهو بعيد عن قيم الدين الاسلامي الذي تاجر به الكيزان طوال ثلاث عقود ياأخي الحزب الشيوعي أحد مكونات الحراك الثوري وليس كل الحراك الثوري لذلك يجب التوصيف الصحيح ثم نأتي بعد ذلك للأقصاء الذي مورس علي الشعب السوداني طوال ثلاثون عاماً لماذا لاتتحدث عنه لقد فعلتم بنا الافاعيل لقد كان التوظيف في الخدمة المدنية بالولاء وليس بالكفاءة مما أرجع السودان الي العصور السابقة لأن من تولوا المناصب كانوا خاوي الفكر إلا من النهب والسرقة والعمولات والفساد لذلك أنهار السودان وأنهارت معه القيم السودانية الأصيلة وأنت تسهب في الكتابة ماهي مطالب قوي الحرية والتغير التي تختلف فيها مع المجلس الاختلاف في التمثيل النسبي فالحرية والتغير تقول النسبة 6 لقوي الحرية 5 للمجلس العسكري والمجلس يرفض ويطالب بالتمثيل الاكبر حتي يتسني له حماية الكيزان من المحاسبة وأيجاد مخارجة أمنه لهم والشعب له مطالب تحملها نيابة عنه قوي الحرية والتغير ولن نتراجع عنها وفي الختام أقسم بالله أني لست شيوعي ولا أدافع عن الشيوعين بل سوداني أتتوق لمستقبل مشرق في ظل دولة الحرية والعدالة والسلام ودولة يكون الناس فيها سواسية والتنمية متوازنة ولا تهميش لأحد ولا سؤال عن القبيلة والعائلة فكلنا سودانيين وكفي وبالنسبة للأعتصام والأضراب العام فهي من الحقوق المشروعة التي يعبر بها كل الشرفاء عن رفضهم للظلم والقهر بل هي أدوات لجلب العدالة والحق لأهله

          الرد
      7. 7
        عبدالخالق ستار

        نحن الدعم السربع من صميم الشعب السوداني قبائل غربيه اصيله ومربين على الأصول ونساند قائدنا ونفديه بأرواحنا ودمائنا لو كان عمر البشير المخلوع زارب بينا من الغرب نحن اليوم نزرب السودان من كل اتحاهاته ومنافذه وعيونا ساهره في الميدان لا نفرز بين عربي أو غير ذلك استمدينا قوتنا من العدل هذا شعارنا بإذن الله نحن العيون الساهره على وطن لا يتهاون مع كل الفاسدين الذين استباحو حق الشعب السوداني ولو جينا من الاعشاش جئنا عيونا مليانه وساهره على الحق لم نأتي من فلل كافوري ويشهد التاريخ وتشهد الميادين على شجاعتنا وبسالتنا ولا نتهاون مع المتسلقين نحن لهم بالمرصاد لا نتراحع الي الوراء ويبقى السودان عال الهمه بالدعم السريع بقائد حريص على سمعتنا وكرامتنا هذا هو دقلو الذي جاء سندا وزعيما تشار له البنان والي الإمام نسيرو بهمه….. الحمري

        الرد
      8. 8
        حر الراي

        اهم شئ لازم نعرفو ان وحده السودان وقوته قائمه علي 3

        الاسلام
        القبائل
        الجيش
        ومنهم تتفرع مؤسسات واحزاب وتحالفات بين الاسلام والقبائل

        الصليب وناس الخنزير ركزوا بكل قوة في الضرب في هذا الثالوث
        واستخدمو جميع الطرق من حصار الي تجويع الي منع الي حركات الي عملاء الي حروب وووووو
        اذا ركز القاده في المجلس العسكري وقامو بتقويه هذا الثلاثي بقوه وطرد الافكار العلمانيه والعملاء والافمار الهدامه بكده زادو التماسك والوحده وحسنا فعل حمدتي والمجلس بارجاع الاداره الاهليه الي مكانها الطبيعي وعليهم الان تقويه الاحزاب الكبيره القديمه والعقلديه لانها اساس البلاد والاتحاد معها من اجل الترشح من ضمن صفوفها من اجل وضع الجيش في المقدمه نسبه للدواعي الامنيه في العالم وفي المنطقه

        الرد
      9. 9
        Abbaker

        ده كلام صاح
        حقو تدو قوي الحرية والتغيير مقترحكم ومدة تلاتة ايام للرد لو رفضو و ما وافقو تلقي كل الاتفاقيات وتبدأ من الصفر وتدخل كل مكونات القوي السياسية والاجتماعية والدينية في المفاوضات

        الرد
      10. 10
        أيمن هلالي

        عدم ضبط الخطاب السياسي ولغة التهديد والوعيد لن تجدي نفعاً أما أرادة الشعب ودونكم لحس الكوع والزارعنا يجي يقلعنا …و…و والمئات من رسائل الإرهاب.
        الشعب السوداني بطبعه مسالم ويحب الخير لكل من حوله وإلا كنا شهدنا ما يحدث في كثير من الدول وهو يستحق أفضل ممن ينصبون أنفسهم حكماء وحكام وزعماء .
        الحمد لله ولى عهد الجهل من غير رجعة وتغيرت كفة القوى وتبدلت المصالح وعددت الثروات في باطن الرض وظهرها فقط نحتاج لإرادة وإدارة لنصل لمبتغانا الذي بات قريباً بحول الله تعالى

        الرد
      11. 11
        WASELA - Riyadh

        جزيت خيراً .. يا حمدتي.. وجزيت خيراً ياو ود نبق على التوضيح ولا أريد أن أزيد عليك فقد كفيت ووفيت .. هذا كان مفروض من زمان.. خلاص تبدل وتعدل كل شيء ولو لا إرادة الله سبحان وتعالي الجيش ما كان حا يحصل تغيير وكان سألت الدماء.. فخلاص كفاية مهزلة ناس نايمة عاطلة تأكل وتشرب.. شوفوا شغلكم..

        الرد
      12. 12
        Abu Ahmed

        يا عم حميدتي والله قاعدين نرتاح لكلامك وعارفين إنك إنسان على سجيتك وبتذكرنا دايما ببساطة وشجاعة الشهيد الزبير الله يرحمو ، والآن الشعب السوداني كلو مأمل فيك تتطلع بالسودان لبر الأمان … فيلزم أن تعمل حسابك لكل كلمة تقولا عشان ما تفقد مساندة الناس ليك …

        الناس ديل عندهم مشكلة ومطالب ما إتحلت … ودايرين يعبروا عن رأيهم .. وحرية التعبير مكفولة للجميع .. وديل ناس ماعندهم سلاح غير الكلمة ووظائفهم دي ..

        أكيد إت متابع وعارف الكثير الأنحن ما عارفنو ..وعشمنا فيك تحسم لينا الطرف التاني زي ما حسمت ناس البشير في الأول وقلت ليهم الدعم السريع ما مهمتو يضرب المواطن

        أضع يدك في يد المواطن وخلي التاريخ يكمل ليك التسجيل كما سجل في إنحيازك للثورة وماتسمع لأصوات الثورة المضادة التي فشلت في تشويش صورتك قدام الشعب السوداني … وتريد الآن تعكس الصورة وتخليك إت تقلب على الشعب السوداني

        كبر دماغك ياعم

        الرد
      13. 13
        وسع صدرك مع الثورة

        انا عاطل عن العمل شوف لى وظيفه ….بس تكون مرموقه

        الرد
      14. 14
        المعتز عثمان

        نفس كلام الجماعة لمدة 30 سنة

        الرد
      15. 15
        وطن يسع الجميع بلا كيزان

        ده كلام صاح
        حقو تدو قوي الحرية والتغيير مقترحكم ومدة تلاتة ايام للرد لو رفضو و ما وافقو تلقي كل الاتفاقيات وتبدأ من الصفر وتدخل كل مكونات القوي السياسية والاجتماعية والدينية في المفاوضات

        ده كلام صاح
        حقو تدو قوي الحرية والتغيير مقترحكم ومدة تلاتة ايام للرد لو رفضو و ما وافقو تلقي كل الاتفاقيات وتبدأ من الصفر وتدخل كل مكونات القوي السياسية والاجتماعية والدينية في المفاوضات

        الرد
      16. 16
        يحي

        والله يا اخ حميدتي ..الناس كانت مبسوطه منك وفي حاله تاييد للدعم السريع ….لكن في خطابك دا للاسف كنت غير موفق ..وظهرت عليك اعراض نافع علي نافع..وشايف تصريحاتك كترت شديد.. الوطن يحتاج للعمل وليس الخطابات والهتافات.. والتهديد.. ولازال العشم ان تكون علي حسن ظننا بك.. وانا شايف لو داير تخدم الوطن بالجد تقنع المجلس بسرعه التفاوض والاتفاق النهائ مع قوي اعلان الحريه اليوم قبل الغد.. لان الشعب لازال ينظر اليك بعين الاحترام.. ولاتنساق وراء التهديدات وزي مابقولوا ماتشيل وش اللؤم.. لك التحية..

        الرد
      17. 17
        ابو يارا

        قصيدة يارا دستور السودان
        https://www.youtube.com/watch?v=efkVRVAy62M

        الرد
      18. 18
        فائز شرفي

        يا حميدتي بنفس الصباع
        اوعك تقل ادبك دي الخرطوم ما دارفور

        الرد
      19. 19
        habibkhateeb33

        ﻳﻈﻞ ﺣﻖ ﺍﻟﺘﻈﺎﻫﺮ ﻓﻲ ﺍﻟﻮﻻﻳﺎﺕ ﺍﻟﻤﺘﺤﺪﺓ ﻣﻦ ﺍﻟﻘﻀﺎﻳﺎ ﺍﻟﺘﻲ
        ﺗﺜﻴﺮ ﺟﺪﻻ ﻣﺘﻮﺍﺻﻼ ﻣﻨﺬ ﺃﻥ ﻭﺿﻌﺖ ﻭﺛﻴﻘﺔ ﺍﻟﺤﻘﻮﻕ
        ﻋﺎﻡ ,1791 ﻓﺤﻖ ﺍﻟﺘﻌﺒﻴﺮ ﻋﻦ ﺍﻟﺮﺃﻱ ﺍﻟﺬﻱ ﻳﻜﻔﻠﻪ ﺍﻟﺪﺳﺘﻮﺭ
        ﻟﻴﺲ ﻣﻄﻠﻘﺎ , ﻛﻤﺎ ﻗﺪ ﻳﺘﺼﻮﺭ ﺍﻟﺒﻌﺾ , ﺑﻞ ﺗﺤﺪﻩ ﺍﻟﻜﺜﻴﺮ ﻣﻦ
        ﺍﻟﻘﻴﻮﺩ ﻭﺍﻟﺸﺮﻭﻁ , ﺍﻟﺘﻲ ﻗﺪ ﺗﺒﺪﻭ ﺃﺣﻴﺎﻧﺎ ﻓﻲ ﻧﻈﺮ ﺍﻟﺤﺮﻛﺎﺕ
        ﺍﻟﻤﺪﻧﻴﺔ ﺷﺪﻳﺪﺓ ﺍﻟﻘﻤﻊ , ﻓﻔﻲ ﺍﻟﻮﻗﺖ ﺍﻟﺬﻱ ﻳﻜﻔﻞ ﺍﻟﺪﺳﺘﻮﺭ
        ﻋﺪﻡ ﺣﻖ ﺃﻱ ﻭﻻﻳﺔ ﻣﻦ ﺍﻟﻮﻻﻳﺎﺕ ﺍﻷﻣﺮﻳﻜﻴﺔ ﻓﻲ ﻣﻨﻊ ﻗﻴﺎﻡ
        ﺃﻱ ﻣﻈﺎﻫﺮﺓ ﺃﻭ ﺍﺣﺘﺠﺎﺝ ﺃﻭ ﻣﺴﻴﺮﺓ ﻣﻬﻤﺎ ﻳﻜﻦ ﺍﻟﻐﺮﺽ ﻣﻨﻬﺎ ,
        ﺣﺘﻰ ﻟﻮ ﻛﺎﻧﺖ ﺿﺪ ﻗﻮﺍﻧﻴﻦ ﺍﻟﻮﻻﻳﺔ ﻧﻔﺴﻬﺎ , ﺇﺿﺎﻓﺔ ﺇﻟﻲ
        ﻭﺍﺟﺐ ﺍﻟﺸﺮﻃﺔ ﻓﻲ ﺣﻤﺎﻳﺔ ﺍﻟﻤﺘﻈﺎﻫﺮﻳﻦ ﻭﺗﺄﻣﻴﻨﻬﻢ ﻭﻭﺿﻊ
        ﺍﻟﺤﻮﺍﺟﺰ ﺍﻟﻤﺘﺤﺮﻛﺔ ﻟﺤﻤﺎﻳﺘﻬﻢ ﻣﻦ ﺍﻵﺧﺮﻳﻦ , ﻓﺈﻥ ﻫﻨﺎﻙ ﺍﻟﻜﺜﻴﺮ
        ﻣﻦ ﺍﻟﺸﺮﻭﻁ ﺍﻟﺘﻲ ﺗﻜﻔﻞ ﺳﻠﻤﻴﺔ ﺗﻠﻚ ﺍﻻﺣﺘﺠﺎﺟﺎﺕ , ﻭﻣﻨﻬﺎ
        ﻋﻠﻲ ﺳﺒﻴﻞ ﺍﻟﻤﺜﺎﻝ , ﺍﻧﻪ ﻻ ﻳﺤﻖ ﺍﻟﻘﻴﺎﻡ ﺑﻤﻈﺎﻫﺮﺍﺕ ﺑﺎﻟﻘﺮﺏ
        ﻣﻦ ﺍﻟﻤﺴﺘﺸﻔﻴﺎﺕ ﺃﻭ ﺍﻟﻤﺪﺍﺭﺱ ﺃﻭ ﺍﻟﺠﺎﻣﻌﺎﺕ ﺃﻭ ﺃﻣﺎﻛﻦ
        ﺍﻟﺨﺪﻣﺔ ﺍﻟﻌﺎﻣﺔ ﻛﺎﻟﻮﺯﺍﺭﺍﺕ ﻭﺍﻟﻤﻄﺎﺭﺍﺕ ﻭﺃﻣﺎﻛﻦ ﺗﺠﻤﻊ ﻭﺳﺎﺋﻞ
        ﺍﻟﻨﻘﻞ ﺃﻭ ﺇﻏﻼﻕ ﺍﻟﺸﻮﺍﺭﻉ ﻭﺍﻟﻤﻤﺮﺍﺕ , ﻭﻋﺪﻡ ﺍﺳﺘﺨﺪﺍﻡ
        ﻣﻜﺒﺮﺍﺕ ﺍﻟﺼﻮﺕ ﺍﻟﻌﺎﻟﻴﺔ ﺇﻻ ﺑﻌﺪ ﺗﺼﺮﻳﺢ ﻋﻠﻲ ﺃﻻ ﺗﺴﺘﺨﺪﻡ
        ﺑﻌﺪ ﺍﻟﺴﺎﺩﺳﺔ ﻣﺴﺎﺀ , ﻛﻤﺎ ﻻ ﻳﺴﻤﺢ ﺑﺎﻟﻜﺘﺎﺑﺔ ﻋﻠﻲ ﺍﻟﺴﻴﺎﺭﺍﺕ
        ﺃﻭ ﺟﺪﺭﺍﻥ ﺍﻟﻤﻨﺎﺯﻝ ﺃﻭ ﺇﺗﻼﻑ ﺃﻱ ﻣﻨﺸﺂﺕ ﺧﺎﺻﺔ ﺃﻭ ﻋﺎﻣﺔ ,
        ﻛﻤﺎ ﺍﻧﻪ ﻳﺤﻖ ﻟﻠﺸﺮﻃﺔ ﻣﻨﻊ ﺩﺧﻮﻝ ﺍﻟﻤﺰﻳﺪ ﻣﻦ ﺍﻟﻤﺘﻈﺎﻫﺮﻳﻦ
        ﺇﻟﻰ ﺇﻣﻜﺎﻥ ﺍﻟﺘﻈﺎﻫﺮ ﻓﻲ ﺣﺎﻝ ﺇﺫﺍ ﻭﺟﺪﺕ ﺃﻥ ﺍﻟﻌﺪﺩ ﺃﻛﺜﺮ ﻣﻦ
        ﺍﻟﺤﺪ ﺍﻟﻤﺴﻤﻮﺡ ﺑﻪ ﻭﺫﻟﻚ ﻣﻨﻌﺎ ﻟﻠﺘﺪﺍﻓﻊ ﺍﻟﺬﻱ ﻗﺪ ﻳﺆﺩﻱ ﺇﻟﻰ
        ﺣﺎﻻﺕ ﺍﺧﺘﻨﺎﻕ , ﺑﻞ ﺍﻧﻪ ﻣﻦ ﺣﻖ ﺍﻟﺠﻬﺎﺕ ﺍﻟﻤﺴﺌﻮﻟﺔ ﺃﻥ
        ﺗﺮﻓﺾ ﻗﻴﺎﻡ ﺍﻟﻤﻈﺎﻫﺮﺓ ﺇﺫﺍ ﻛﺎﻧﺖ ﺩﺭﺟﺎﺕ ﺍﻟﺤﺮﺍﺭﺓ ﺷﺪﻳﺪﺓ
        ﺍﻟﺒﺮﻭﺩﺓ ﺃﻭ ﺷﺪﻳﺪﺓ ﺍﻟﺴﺨﻮﻧﺔ ﺃﻭ ﻟﻮ ﻛﺎﻧﺖ ﻫﻨﺎﻙ ﺭﻳﺎﺡ
        ﺷﺪﻳﺪﺓ ﺧﻮﻓﺎ ﻋﻠﻲ ﺣﻴﺎﺓ ﺍﻟﻤﺘﻈﺎﻫﺮﻳﻦ .

        الرد
      20. 20
        عادل

        حميدتي المتسلق يتوعد .
        ياخوانا الزول دا حقو نطلع ليهو
        موسى هلال .
        تعرف ياحميرتي قبل اليوم
        كنت مهتم بدراسة اولادي
        لكن بعد ماشفت ماوصلت ليهو إنت فى السودان
        قررت اطلعهم من المدارس واشتري ليهم حمير
        وكلاشنكوف ويشتغلوا فى الرعي . يازول ارعى بقيدك .
        واحترم نفسك دي ثورة الشعب السوداني وصدقني
        ايامك قربت ..

        الرد
      21. 21
        Atbarawiyah

        تعجبني يا حميدتي يا ود البلد يا غيور ٥ منك بس والسودان بخير / كل فار يدخل جحرو ايها الشيوعيون تف عليكم

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.